အာဃာတပဋိဝိနယသုတ်
(၄)သုတ် ရှိပါသည်။
[၁] အာဃာတဖြစ်နေသောပုဂ္ဂိုလ်အပေါ်၌ မေတ္တာ, ကရုဏာ, ဥပေက္ခာဟူသော ဘာဝနာသုံးပါးကို ပွားများခြင်း၊ အဿတိ, အမနသိကာရသို့ ရောက်ခြင်း, ကမ္မဿကတာကို ဆောက်တည်ခြင်းဟူသော တရားငါးပါးဖြင့် အာဃာတကိုပယ်ဖျောက်ရမည် ဟု ရဟန်းတို့အား ဘုရားရှင် ဟောတော်မူသည့်သုတ်။
[၂] (၁) အပရိသုဒ္ဓကာယသမာစာရ, ပရိသုဒ္ဓဝစီသမာစာရပုဂ္ဂိုလ်။
(၂) အပရိသုဒ္ဓဝစီသမာစာရ, ပရိသုဒ္ဓကာယသမာစာရပုဂ္ဂိုလ်။
(၃) အပရိသုဒ္ဓကာယသမာစာရ, အပရိသုဒ္ဓဝစီသမာစာရပုဂ္ဂိုလ်။
(၄) အပရိသုဒ္ဓကာယသမာစာရ, အပရိသုဒ္ဓဝစီသမာစာရဖြစ်ပြီး ရံဖန်ရံခါ ဝိပဿနာစိတ် အခွင့်အလမ်းနှင့် စိတ်ကြည်လင်မှုကို မရသောပုဂ္ဂိုလ်။ ။
(၅) ပရိသုဒ္ဓကာယသမာစာရ, ပရိသုဒ္ဓဝစီသမာစာရဖြစ်ပြီး ရံဖန်ရံခါ ဝိပဿနာစိတ် အခွင့်အလမ်းနှင့် စိတ်ကြည်လင်မှုကိုရသောပုဂ္ဂိုလ်-ဟူသော ဤပုဂ္ဂိုလ်ငါးယောက်တို့ အပေါ်၌ ရန်ငြိုးဖွဲ့မှု “အာဃာတ”ကို ပယ်ဖျောက်ရမည်-ဟု (၁) ပံသုကူဓုတင်ဆောင်ပုဂ္ဂိုလ် ဥပမာ၊ (၂) မှော်ဒိုက်များဖုံးအုပ်နေသော ရေကန်ဥပမာ၊ (၃) နွား ခြေရာခွက်ရှိ ရေကိုသောက်သော ဥပမာ၊ (၄) ဒုက္ခဝေဒနာကိုခံစားနေရသော ခရီးသွားယောက်ျား ဥပမာ၊ (၅) ကြည်လင်အေးမြ အရိပ်အာဝါသနှင့် ပြည့်စုံသော ရေကန်ဥပမာတို့ဖြင့် အရှင်သာရိပုတ္တရာထေရ်က ရဟန်းတို့အား အကျယ်ဟောတော်မူသည့်သုတ်။
[၃] အာဃာတဝတ္ထုကိုးပါး ပယ်ဖျောက်ပုံကို ဟောတော်မူသည့်သုတ်။
(ဒီ၊၃၊၂၁၈-၂၅၅-၌လည်း အလားတူပါရှိပါသည်။)
[၄] အထက်သုတ်အတိုင်း အာဃာတဝတ္ထုကိုးပါးနှင့် အဋ္ဌာနကောပပယ်ဖျောက်ပုံကို ဟောတော်မူသည့်သုတ်။ [၅]
ကိုးကား ပြင်ဆင်ရန်
- ↑ -အံ၊၂၊၁၆၃။ အံ၊မြန်၊၂၊၂၀၈-၉။ အံ၊ဋ္ဌ၊၃၊၅၆။ အံ၊ဋီ၊၃၊၅၁။ -အင်္ဂုတ္တရနိကာယ၊ ပဉ္စကနိပါတ၊ စတုတ္ထပဏ္ဏာသက၊ (၁၇) ၂-အာဃာတဝဂ္ဂ၊ ပဌမသုတ်။
- ↑ -အံ၊၂၊၁၆၄-၇။ အံ၊မြန်၊၂၊၂၀၉-၂၁၂။ အံ၊ဋ္ဌ၊၃၊၅၆-၈။ -အင်္ဂုတ္တရနိကာယ၊ ... ဒုတိယသုတ်။
- ↑ -အံ၊၃၊၂၀၈။ အံ၊မြန်၊၃၊၂၀၈-၉။ အံ၊ဋ္ဌ၊၃၊၂၇၆။ အံ၊ဋီ၊၃၊၂၉၆။ -အင်္ဂုတ္တရနိကာယ၊ နဝကနိပါတ၊ ပဌမပဏ္ဏာသက၊ ၃-သတ္တာဝါသဝဂ္ဂ၊ ဒသမသုတ်။
- ↑ -အံ၊၃၊၃၇၆။ အံ၊မြန်၊၃၊၃၇၂။ -အင်္ဂုတ္တရနိကာယ၊ ဒသကနိပါတ၊ ဒုတိယပဏ္ဏာသက၊ (ဂ) ၃-အာကင်္ခဝဂ္ဂ၊ ဒသမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ