အိုးတနိတက္ကသိုလ်

အိုးတနိတက္ကသိုလ် (大谷大学, Ōtani Daigaku) သည် ဂျပန်နိုင်ငံ၊ ကျိုတိုမြို့၊ ခိတရပ်ကွက်တွင် တည်ရှိသည့် ပုဂ္ဂလိကတက္ကသိုလ်တစ်ခုဖြစ်သည်။ ဤတက္ကသိုလ်သည် ဗုဒ္ဓဘာသာလေ့လာမှုများကို အဓိကထားသည့် ကျားမအတူသင်ကြားသည့်အဖွဲ့အစည်းတစ်ခု ဖြစ်သည်။ ၂ နှစ်ကြာဂျူနီယာကောလိပ်သည် တက္ကသိုလ်နှင့် ချိတ်ဆက်ထားသည်။ တက္ကသိုလ်သည် ဂျောဒိုးရှင်းရှူး သို့မဟုတ် ရှင်းဗုဒ္ဓဘာသာကျောင်း၏ အိုးတနိကျောင်းနှင့် ချိတ်ဆက်ထားသည်။

အိုးတနိတက္ကသိုလ်

အိုးတနိတက္ကသိုလ်၏ အဓိကဝင်ပေါက်
ယခင်အမည်များ	Shinshū University
တည်ထောင်	1901
နှီးနွယ်အဖွဲ့အစည်း	Buddhist
တည်နေရာ	Kyoto, Japan
ဝဘ်ဆိုဒ်	http://www.otani.ac.jp/

သမိုင်းကြောင်း

အိုးတနိတက္ကသိုလ်၏ သမိုင်းကြောင်းသည် အဲဒိုခေတ်ကာလ (၁၆၀၃-၁၈၆၈) အစောပိုင်းကာလတွင် စတင်ခဲ့သည်။ ထိုအချိန်က ဟိဂရှိဟွန်းဂန်းဂျိ၏ ဘာသာရေးကျောင်း ဖြစ်ခဲ့သည်။ ၁၆၀၂ ခုနှစ်တွင် ရှောဂွန်းဖြစ်သည့် တိုခုဂဝအိအဲယဆုသည် ရှင်းဗုဒ္ဓဘာသာ၏ ဩဇာသက်ရောက်မှုကို လျှော့ချရန် နိရှိဟွန်းဂန်းဂျိကို တည်ထောင်ခဲ့သည်။ ကျောင်းသည် ၁၇၅၅ ခုနှစ်တွင် ပြန်လည်အားကောင်းလာကာ အသက်ဝင်လာခဲ့သည်။ ၁၉ ရာစုတွင်တွင်မူ ပိုမိုကျယ်ပြန့်သော သင်ရိုးများကို ပြသပေးခဲ့သည်။

၁၉၀၁ ခုနှစ်တွင် ခေတ်မီတက္ကသိုလ်ကို “ရှင်းရှူးတက္ကသိုလ်” ဟူသည့်အမည်ဖြင့် တိုကျိုမြို့ရှိ ဆုဂမိုဒေသတွင် တည်ထောင်ခဲ့သည်။ ရှင်းရှူးတက္ကသိုလ်သည် ခိယောဇဝမန်းရှိ (၁၈၆၃ - ၁၉၀၃) နှင့် နီးကပ်စွာ ပတ်သက်မှုရှိသည်။ ခိယောဇဝမန်းရှိသည် အောက်ခြေအဆင့်ဆာမူရိုင်းနောက်ခံပတ်ဝန်းကျင်ရှိပြီး ရှင်းဗုဒ္ဓဘာသာ၏ ပြုပြင်သူတစ်ဦးလည်း ဖြစ်သည်။ သူသည် တိုကျိုတက္ကသိုလ်တွင် အမေရိကန် အတွေးအခေါ်ပညာရှင် Ernest Fenollosa (1853–1908)၏ လက်အောက်တွင် ပညာသင်ကြားခဲ့သည်။ ခိယောဇဝသည် တက္ကသိုလ်တွင် ပထမဆုံးဌာနမှူးအဖြစ်လည်း တာဝန်ထ်မးခဲ့သည်။ ၁၉၀၄ ခုနှစ်တွင် တက္ကသိုလ်သည် တရားဝင် အတတ်သင်ကျောင်းအဖြစ် အသိအမှတ်ပြုခံရမှုကို ရရှိခဲ့သည်။

၁၉၁၁ ခုနှစ်တွင် ရှင်းရှူးတက္ကသိုလ်ကို တိုကျိုမြို့မှ ကျိုတိုမြို့သို့ ပြောင်းရွှေ့ခဲ့သည်။ ပုံမှန်စာသင်ကြားမှုအတွက် ပညာသင်ကာလသည် သုံးနှစ်ကြာမြင့်ပြီး ထပ်မံ၍ အထူးပြုလေ့လာမှုအတွက် ၂ နှစ်ကြာမြင့်မည် ဖြစ်သည်။ ဘွဲ့ရရှိရန်အတွက်မူ လေးနှစ်ကြာမြင့်မည် ဖြစ်သည်။၁၉၁၃ ခုနှစ်တွင် တက္ကသိုလ်ကို ခိတရပ်ကွက်ရှိ ခိုယမဟိဂရှိဖုဆချောအရပ်ရှိ အဆောက်အဦအသစ်သို့ ပြောင်းရွှေ့ခဲ့သည်။ ၁၉၂၂ ခုနှစ်တွင် တက္ကသိုလ်ဟူသည့် အဆင့်သတ်မှတ်မှုကို ရရှိခဲ့ပြီး အမည်ကိုလည်း ထိုနှစ်တွင်ပင် အိုးတနိတက္ကသိုလ်ဟု ပေးခဲ့သည်။ ၁၉၄၇ ခုနှစ် ပညာရေးဆိုင်ရာဥပဒေအရ အိုးတနိတက္ကသိုလ်သည် ဒုတိယကမ္ဘာစစ်အကြိုပညာရေးစနစ်သို့ ကူးပြောင်းခဲ့ပြီး တက္ကသိုလ်တစ်ခုအဖြစ် အမျိုးအစားခွဲခြားသတ်မှတ်ခြင်း ခံခဲ့ရသည်။ ၂၀၀၃ ခုနှစ်တွင် အိုးတနိတက္ကသိုလ်ပြတိုက်ကို ဖွင့်လှစ်ခဲ့သည်။

ထင်ရှားသည့် ကျောင်းသားဟောင်းများ

• Kaneko Daiei (1881–1976)
• Keido Fukushima
• Kenryo Kanamatsu
• Soga Ryōjin (1875–1971)
• Zenkei Shibayama
• Daisetz Teitaro Suzuki (1870–1966)
• Volker Zotz

ပြင်ပလင့်များ

• Otani University Homepage(in ဂျပန်)