အောင်ကြည်သိန်း
ဦးအောင်ကြည်သိန်း (၁၉၅၈ ဖွား) သည် မွန်လူမျိုး နိုင်ငံရေးသမား တစ်ဦး ဖြစ်ပြီး မွန်ပြည်နယ် ၏ လက်ရှိ ဝန်ကြီးချုပ်ဖြစ်သည်။[၁] သူသည် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမာခံလည်း ဖြစ်ပြီး လွှတ်တော်အမတ် လည်း ဖြစ်ခဲ့သည်။
အောင်ကြည်သိန်း | |
|---|---|
| မွန်ပြည်နယ် ဝန်ကြီးချုပ် | |
တာဝန်ထမ်းဆောင်ဆဲ | |
| တာဝန် စတင် ၁ ဖေဖော်ဝါရီ ၂၀၂၃ | |
| ယခင်လူ | ဦးဇော်လင်းထွန်း |
| မွန်ပြည်နယ် သယံဇာတရေးရာဝန်ကြီး | |
| တာဝန်သက်တမ်း ၁ ဩဂုတ် ၂၀၂၁ – ၁ ဖေဖော်ဝါရီ ၂၀၂၃ | |
| ယခင်လူ | ကိုယ်တိုင် |
| ဆက်ခံသူ | ဒေါက်တာ အောင်မြတ်ကျော်စိန် |
| ပြည်သူ့လွှတ်တော်ကိုယ်စားလှယ် | |
| တာဝန်သက်တမ်း ၁ ဧပြီ ၂၀၁၇ – ၁ ဖေဖော်ဝါရီ ၂၀၂၁ | |
| ယခင်လူ | ဒေါ် ခင်ဌေးကြွယ် |
| မဲဆန္ဒနယ် | ချောင်းဆုံမြို့နယ် |
| အနိုင်ရမဲ အရေအတွက် | ၁၉,၆၆၇ (၄၁.၇၀%) |
| ကိုယ်ရေး အချက်အလက်များ | |
| မွေးဖွား | မေ ၂၉၊ ၁၉၅၈ |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ |
| ကြင်ဖော်(များ) | ဒေါ်ဝင်းမြင့်ရီ |
| သားသမီး | ၂ဦး |
| ပညာရေး | B.E (Mechanical) |
| မိခင်ကျောင်း | ရန်ကုန်စက်မှုတက္ကသိုလ် |
| အစိုးရအဖွဲ့ | မွန်ပြည်နယ်အစိုးရအဖွဲ့ |
ငယ်ဘဝ ပြင်ဆင်ရန်
မွန်ပြည်နယ် ချောင်းဆုံမြို့နယ်၊ ကွမ်ရိုက်ကျေးရွာတွင် ဖခင်ဖြစ်သူ ဦးမြမွှေး နှင့် မိခင်ဖြစ်သူ ဒေါ်လှမေ တို့က ၁၉၅၈ခုနှစ် မေလ ၂၉ ရက်တွင် မွေးဖွားသည်။
ပညာရေး ပြင်ဆင်ရန်
ဦးအောင်ကြည်သိန်းသည် အခြေခံပညာကို မွန်ပြည်နယ် ချောင်းဆုံမြို့နယ် အ.မ.က (ကွမ်ရိုက်)၊ အ.ထ.က (ရွာလွှတ်) နှင့် စက်မှု အ-ထ-က (မော်လမြိုင်) တို့တွင် ပညာသင်ယူခဲ့ပြီး ရန်ကုန်စက်မှုတက္ကသိုလ်မှ B.E (Mechanical) ဘွဲ့ရရှိခဲ့သည်။
ဝန်ထမ်းဘဝ ပြင်ဆင်ရန်
လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန စိုက်ပျိုးရေးဦးစီးဌာနတွင် မြန်မာ့ စိုက်ပျိုးရေးလုပ်ငန်း ဒု-လုပ်ငန်းမှူး (အလုပ်သင်) အဖြစ် ဝန်ထမ်းဘဝကို စတင်ခဲ့ပြီး ညွှန်ကြားရေးမှူး (စီမံ) အထိ တာဝန်ထမ်းကာ အငြိမ်းစားယူသည်။သူသည် အမျိုးသားညီလာခံတွင် နိုင်ငံဝန်ထမ်းကိုယ်စားလှယ်အဖြစ် တာဝန်ထမ်းဆောင်ခဲ့သည်။
နိုင်ငံရေးဖြတ်သန်းမှု ပြင်ဆင်ရန်
နိုင်ငံဝန်ထမ်းအဖြစ်မှ အငြိမ်းစားယူပြီးသည့်နောက် သူသည် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအလုပ်အမှုဆောင်တစ်ဦးဖြစ်လာခဲ့ပြီး မွန်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ တာဝန်ကို ယူခဲ့သည်။[၂] ၂၀၁၇ခုနှစ် ကြားဖြတ်ရွေးကောက်ပွဲတွင် မွန်ပြည်နယ်ချောင်းဆုံမြို့နယ်မဲဆန္ဒနယ် ပြည်သူ့လွှတ်တော်ကိုယ်စားလှယ်နေရာအတွက် ဝင်ရောက်ယှဉ်ပြိုင် အရွေးချယ်ခံခဲ့ရာတွင် အနိုင်ရသည်။[၃] ပြည်သူ့လွှတ်တော် ရင်းနှီးမြှုပ်နှံမှုနှင့် စက်မှုလက်မှုဖွံ့ဖြိုးတိုးတက်ရေးကော်မတီတွင် အဖွဲ့ဝင်အဖြစ် ထမ်းဆောင်သည်။ အထွေထွေရွေးကောက်ပွဲ ၂၀၂၀ တွင် ချောင်းဆုံမြို့နယ် ပြည်နယ်လွှတ်တော်ကိုယ်စားလှယ်လောင်း အမှတ်(၂) မှ ဝင်ပြိုင်သည်။ အနိုင်မရဘဲ ရှုံးနိမ့်ခဲ့သည်။
ဝန်ကြီးချုပ်ဖြစ်လာပုံ ပြင်ဆင်ရန်
၂၀၂၁ စစ်အာဏာသိမ်းပြီးနောက် သူ့ကို နိုင်ငံတော်စီမံအုပ်ချုပ်ရေးကောင်စီ က မွန်ပြည်နယ်အစိုးရအဖွဲ့ ၏ သယံဇာတရေးရာဝန်ကြီး အဖြစ် တာဝန်ပေးသည်။[၄] ထို့နောက် မွန်ပြည်နယ်ဝန်ကြီးချုပ် အဖြစ် ၂၀၂၃ ခုနှစ် ဖေဖော်ဝါရီ ၁ ရက်တွင် တာဝန်ပေး၍ ပြည်နယ်ဝန်ကြီးချုပ်ဖြစ်ခဲ့သည်။[၅]
မိသားစုဘဝ ပြင်ဆင်ရန်
ဇနီးဖြစ်သူ ဒေါ်ဝင်းမြင့်ရီနှင့် အိမ်ထောင်ကျခဲ့ပြီး သားနှစ်ဦး ထွန်းကားသည်။
ကိုးကား ပြင်ဆင်ရန်
- ↑ မွန်ပြည်နယ် ဝန်ကြီးချုပ်အဖြစ် ပြည်နယ်ပြည်ခိုင်ဖြိုးပါတီ ဥက္ကဋ္ဌဖြစ်သူ ဦးအောင်ကြည်သိန်း ခန့်အပ်ခံရ။ Eleven Media Group (၂ ဖေဖော်ဝါရီ ၂၀၂၃)။ ၁၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ ပြည်နယ်ပါတီဥက္ကဋ္ဌ ကျိုက်ထို မြို့နယ်ပါတီဝင်များနှင့် တွေ့ဆုံ။ USDP Party (၁ ဇူလိုင် ၂၀၁၉)။ ၁၁ ဖေဖော်ဝါရီ ၂၀၂၄ တွင် ပြန်စစ်ပြီး။[လင့်ခ်သေ]
- ↑ ချောင်းဆုံမြို့နယ် ပြည်သူ့လွှတ်တော် ကိုယ်စားလှယ် ဦးအောင်ကြည်သိန်းနဲ့ မေးမြန်းချက်။ RFA Burmese (၂ ဧပြီ ၂၀၁၇)။ ၁၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ အိမ်စောင့်အစိုးရ၏ ပြည်နယ်နှင့်တိုင်း အစိုးရအဖွဲ့ ပြင်ဆင်ဖွဲ့စည်း။ BNI (၂ ဩဂုတ် ၂၀၂၁)။ ၁၁ ဖေဖော်ဝါရီ ၂၀၂၄ တွင် ပြန်စစ်ပြီး။
- ↑ စစ်ကောင်စီ အပြောင်းအလဲ စစ်တပ်ကလူဟောင်းတွေလွှမ်းမိုးထား။ BBC Burmese (၃ ဖေဖော်ဝါရီ ၂၀၂၃)။ ၁၁ ဖေဖော်ဝါရီ ၂၀၂၄ တွင် ပြန်စစ်ပြီး။