Natas (ကွန်ပျူတာ ဗိုင်းရပ်စ်)

Natas (Satan ပြောင်းပြန် စကားလုံး) ဗိုင်းရပ်စ် ကို အမေရိကန်ပြည်ထောင်စု ကယ်လီဖိုးနီးယားပြည်နယ် ဆမ်ဒီယာဂို မှ အသက် ၁၈ နှစ်အရွယ် ဟက်ကာ တစ်ယောက်ဖြစ်သည့် James Gentile က ရေးသားခဲ့သည်။ Natas ဗိုင်းရပ်စ်သည် ကွန်ပျုတာ၏ မန်မိုရီပေါ်တွင်ခိုအောင်းနိုင်ပြီး .COM နှင့် .EXE ဖိုင်များကို ဦးတည်တိုက်ခိုက်သည်။ ပြင်းထန်ပြီးဆင့်ပွားတိုက်ခိုက် နိုင်မှုမှာ အဆင့်မြင့်လှသည်။ ၁၉၉၂ မေလ တွင် မက္ကဆီကိုမြို့ တွင် စတင်ခဲ့ပြီး ဖလော်ပီဒစ်ဒ် များမှ ကူးစက်ပျံ့နှံ့သည်။ မက္ကဆီကိုမြို့တွင် ကျယ်ပြန့်စွာ ပျံ့နှံ့ ပြီးနောက် အမေရိကန်တောင်ပိုင်းသို့ ကူးစက်ခဲ့သည်။ United States Secret Service ၏ နက်ဝေါ့ခ် ကို ၃ ရက်ကြာ ရပ်တန့်စေခဲ့သည်။ ရုရှား ၊ ကနေဒါ ၊ ဘရာဇီးနှင့် အင်္ဂလန် နိုင်ငံများ အထိပျံ့ နှံ့ခဲ့သည်။