ကျုံထော်ရေတံခွန်
ကျုံထော်ရေတံခွန်သည် ဘားအံမြို့မှ မြောက်ဘက်ရှိ မြိုင်ကြီးငူဒေသ ထိုင်း-မြန်မာနယ်စပ်အနီးတွင်တည်ရှိသည်။ ဘားအံမြို့မှတစ်ဆင့် ၂၇ မိုင် ၄ ဖာလုံကွာဝေးသည့် ရွှေဂွန်းကျေးရွာသို့ လည်းကောင်း၊ ရွှေဂွန်းကျေးရွာမှ ၁၃ မိုင်ကွာဝေးသည့် မြိုင်ကြီးငူအထူးဒေသသို့ လည်းကောင်း၊ မြိုင်ကြီးငူအထူးဒေသမှ ၃၄ မိုင်ကွာဝေးသည့် ကျုံထော်ရေတံခွန်သို့ အဆင့်ဆင့် ၂ နာရီကျော်မောင်းနှင်ရပြီး မြိုင်ကြီးငူအထူးဒေသသည် သက်သတ်လွတ်ဒေသဖြစ်သောကြောင့် သားငါးများ ယူဆောင်စားသုံးခြင်း၊ အရက်၊ ဘီယာများ သယ်ဆောင် သောက်သုံးခြင်းများကို ခွင့်မပြုထားပေ။ [၁]
| ကျုံထော်ရေတံခွန် | |
|---|---|
| ကျုံထော်ရေတံခွန် တမ်းပလိတ်:น้ำตก กลูทอ အင်္ဂလိပ်: Glue-Thor Waterfall | |
 ကျုံထော်ရေတံခွန် | |
| တည်နေရာ | မြိုင်ကြီးငူဒေသ၊ လှိုင်းဘွဲ့မြို့နယ်၊ ကရင်ပြည်နယ် |
| ကိုဩဒိနိတ် | 17°27′39″N 97°48′08.6″W / 17.46083°N 97.802389°Wကိုဩဒိနိတ်: 17°27′39″N 97°48′08.6″W / 17.46083°N 97.802389°W |
| အမျိုးအစား | Plunges |
| ရေဆင်းလမ်းများ | 2 |
၂၀၁၆ ခုနှစ်၊ မေလ (၂၁) ရက်တွင် BGF နှင့် DKBA (ခွဲထွက်) အဖွဲ့များအကြား ထိတွေ့ပစ်ခတ်မှုများ ရှိနေခြင်းကြောင့် ကျုံထော်ရေတံခွန်အား သွားလာခွင့်ကို ယာယီပိတ်ထားပြီး ၂၀၁၈ ခုနှစ်၊ မတ်လ (၁) ရက် တပေါင်းလပြည့်နေ့မှ စတင်၍ ပြန်လည်ဖွင့်လှစ်ပေးခဲ့သည်။ [၂] ကရင်ပြည်နယ် လှိုင်းဘွဲမြို့နယ်အတွင်း တည်ရှိသည့် ကျုံထော်ရေတံခွန်သည် တစ်နှစ်ပတ်လုံး ရေခန်းခြောက်မှု မရှိခြင်း၊ သဘာ၀ တောတောင်များ မပျက်မယွင်း တည်ရှိခြင်းတို့ကြောင့် ၂၀၁၅ ခုနှစ် နောက်ပိုင်း ပြည်တွင်းခရီးသွား ဧည့်သည်များအကြား လူသိများ ထင်ရှားလာခဲ့ကာ ပျမ်းမျှတစ်နေ့လျှင် ခရီးသွား ဧည့်သည် ၂၀၀ ကျော်ခန့်နှင့် စနေ၊ တနင်္ဂနွေနှင့် ရက်ရှည်ရုံးပိတ်ရက်များအတွင်း ခရီးသွားဧည့်သည် ၁၀၀၀ ကျော် လာရောက် လည်ပတ်လေ့ရှိသည်။[၃]
ရုပ်ပုံများ
ပြင်ဆင်ရန်-
ကျုံထော်ရေတံခွန် -
ကျုံထော်ရေတံခွန် အောက်ပိုင်း
ကိုးကား
ပြင်ဆင်ရန်- ↑ ကရင်ပြည်နယ် ကျုံထော်ရေတံခွန်သို့ နေ့ချင်းပြန် သွားရောက်လည်ပတ်သူ အထူးများပြား။ MOI။ ၁ ဇန် ၂၀၁၆ တွင် ပြန်စစ်ပြီး။[လင့်ခ်သေ]
- ↑ ကျုံထော်ရေတံခွန် ခေတ္တပိတ်ပင်ထားရခြင်းမှာ မိုင်းများရှိနေခြင်းကြောင့်ဟုဆို။ Mizzima Burmese။ ၁၆ အောက် ၂၀၁၇ တွင် ပြန်စစ်ပြီး။
- ↑ ယာယီပိတ်ထားသည့် နာမည်ကျော် ကျုံထော်ရေတံခွန်ခရီးစဉ် ပြန်လည်ဖွင့်လှစ်ပြီ ဖြစ်သော်လည်း လာရောက် လည်ပတ်သူနည်းနေ။ Eleven Media။ ၃ မတ်၂၀၁၈ တွင် ပြန်စစ်ပြီး။