နယ်ခြားစောင့်တပ်ဖွဲ့
အပစ်ရပ်တိုင်းရင်းသားလက်နက်ကိုင်အဖွဲ့များကို တပ်မတော်အတွင်းသွတ်သွင်းပြီး နယ်ခြားစောင့်တပ်ဟူသောအမည်ဖြင့် ဖွဲ့စည်းခဲ့သည်။ ပြည်သူ့စစ်နှင့်နယ်ခြားစောင့်တပ်များညွှန်ကြားရေးမှူးအောက်တွင်ထားရှိသဖြင့် နယ်ခြားစောင့်တပ်များသည် တပ်မတော်လစာ၊ ရိက္ခာရရှိနေသော်လည်း တင်းပြည့်တပ်မတော်သားဟုမခေါ်ဆိုနိုင်သေးပါ။ ကချင်လွတ်မြောက်ရေးအဖွဲ့(ကေအိုင်အို)၊ ဝပြည်သွေးစည်းညီညွှတ်ရေးအဖွဲ့၊ မွန်ပြည်သစ်ပါတီ နှင့် ဗိုလ်နှုတ်ခမ်းမွေးခေါ် ဗိုလ်မှူးချုပ်စောလားပွယ်ခေါင်းဆောင်သည့် ဒီကေဘီအေအချို့က နယ်ခြားစောင့်တပ်ဖွဲ့စည်းခြင်းကိုလက်မခံသေးပေ။ နောက်ဆုံးငြိမ်းချမ်းရေးယူခဲ့သည့် ကေအဲင်ယူ(ကေအဲင်အယ်အေ)တို့နှင့်မူ ယင်းကိစ္စဆွေးနွေးခြင်းမရှိသေးပါ။ မြန်မာနိုင်ငံ ကာကွယ်ရေး ဝန်ကြီးဌာန မှ တိုက်ရိုက်အုပ်ချုပ်မည့် နယ်ခြားစောင့်တပ်၌ တာဝန်ထမ်းဆောင်သူ တပ်ဖွဲ့ဝင်များအား လစာ အများဆုံး ၂ သိန်းခွဲမှ အနည်းဆုံး ၅ သောင်းကျော်ထိ စစ်အစိုးရက ယခုလမှစတင်ကာ ရာထူးအလိုက် ထုတ်ပေးသွားမည်ဟုသိရသည်။
| နယ်ခြားစောင့်တပ်ဖွဲ့ Border Guard Forces | |
|---|---|
 နယ်ခြားစောင့်တပ်ဖွဲ့ လက်မောင်းတံဆိပ် | |
| တည်ထောင် | ဧပြီ ၂၀၀၉ |
| သစ္စာခံ |  မြန်မာ |
| တပ်မတော် အမျိုးအစား |  တပ်မတော် (ကြည်း) |
| တပ် အမျိုးအစား | အရံတပ်ဖွဲ့ |
| အခန်းကဏ္ဍ | နယ်စပ်ဒေသလုံခြုံရေး |
| တပ် အရွယ်အစား | ၁၈,၉၉၈ (စုစုပေါင်း)
|
| အစိတ်အပိုင်း |  တပ်မတော် |
| ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူးရုံး | စစ်ရုံး၊ နေပြည်တော်ပြည်ထောင်စုနယ်မြေ |
| အမည်ပြောင် | ဘီဂျီအက်ဖ် |
| အုပ်ချုပ်သူများ | |
| တပ်မတော်ကာကွယ်ရေးဦးစီးချုပ် | ဗိုလ်ချုပ်မှူးကြီး မင်းအောင်လှိုင် |
| ဒု-တပ်မတော်ကာကွယ်ရေးဦးစီးချုပ်/ ကာကွယ်ရေးဦးစီးချုပ်(ကြည်း) | ဒုတိယဗိုလ်ချုပ်မှူးကြီး စိုးဝင်း |
| ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူး | ဗိုလ်ချုပ် အောင်ပိုင်ဦး |
| အဆောင်အယောင်များ | |
| အလံတော် |  |
နယ်ခြားစောင့်တပ်တွင် အသက် ၁၈ နှစ်မှ ၅၀ အကြားသာ ထမ်းဆောင်ခွင့်ရှိမည်ဟု သတ်မှတ်ထားသည်။ အရာရှိ အဆင့် ၁၈ ဦး၊ အခြားအဆင့် ၃၀၈ ဦးပါဝင်သော နယ်ခြားစောင့်တပ်တွင် တပ်မှူးမှာ အပစ်ရပ်အဖွဲ့မှ ဖြစ်သော်လည်း မြန်မာ့တပ်မတော်မှ ဗိုလ်မှူးအဆင့်ရှိ အရာရှိ တဦး၊ ဗိုလ်ကြီးအဆင့်ရှိသူ ၂ ဦးနှင့် အခြားအဆင့်ရှိသူ ၂၇ ဦးတို့ကိုလည်း ထည့်သွင်းရမည် ဖြစ်သည်။
- ကချင်ပြည်ဒီမိုကရေစီသစ် တပ်မတော်အား နယ်ခြားစောင့်တပ်ရင်း (၃) ရင်း၊
- ကယားပြည်နယ်၊ အထူးဒေသ (၂) ကလလတ အဖွဲ့အား နယ်ခြားစောင့်တပ်ရင်း (၂) ရင်း
- အမျိုးသားဒီမိုကရေစီ မဟာမိတ်တပ်မတော် ခေါ် ကိုးကန့်တပ်ဖွဲ့
- ဟောင်သရောအဖွဲ့ ခေါ် ကေပီအက်ဖ် (KPF) ငြိမ်းချမ်းရေးတပ်ဖွဲ့
- ( ကရင်နယ်ခြားစောင့်တပ်ဖွဲ့ ,တပ်နယ်၁-၂-၃-၄ ,နယ်ခြားစောင့်တပ်ရင်း(၁၃)ရင်း)