ကျော်လင်း (ကလေးအထူးကုဆရာဝန်)

ပါမောက္ခဒေါက်တာကျော်လင်းသည် မြန်မာ ဦးနှောက်နှင့်အာရုံကြောဆိုင်ရာ ကလေးအထူးကုဆရာဝန်ကြီးတစ်ဦးဖြစ်ပြီး ၂၂ ရက် မေလ ၁၉၆၇ ခုနှစ်တွင် မွေးဖွားခဲ့သည်။ ၁၉၉၃ ခုနှစ်တွင် ဆေးပညာဘွဲ့ကို ဆေးတက္ကသိုလ် (၂) ရန်ကုန် မှ ကလေးကျန်းမာပညာဘာသာရပ်ဂုဏ်ထူးဖြင့် ရရှိခဲ့ပြီး Royal College of Paediatrics and Child Health, UK မှ MRCPCH (UK) ဘွဲ့နှင့် FRCPCH ဘွဲ့များကို ၂၀၀၀ ပြည့်နှစ်နှင့် ၂၀၁၃ ခုနှစ်တို့တွင် ရရှိခဲ့သည်။

မြန်မာနိုင်ငံ၏ ပထမဆုံး ကလေးဦးနှောက်နှင့်အာရုံကြောရောဂါအထူးကုဖြစ်ပြီး ရန်ကုန်ကလေးဆေးရုံကြီး၊ ကလေးဦးနှောက်နှင့်အာရုံကြောရောဂါဌာနကို ဦးဆောင်တည်ထောင်ခဲ့သူဖြစ်သည်။ မြန်မာနိုင်ငံဆရာဝန်အသင်း၊ ကလေးကျန်းမာပညာအဖွဲ့၏ ၂၀၁၈-၂၀၂၂ သက်တမ်း ဥက္ကဋ္ဌလည်းဖြစ်သည်။။

ဆောင်ရွက်ချက်များ

1. အရှေ့တောင်အာရှ ဦးနှောက်ရောင်နာရောဂါစီမံကိန်း (South-east Asia Encephalitis Project) တွင် မြန်မာနိုင်ငံကိုယ်စားပြု ပါဝင်ဆောင်ရွက်ခဲ့သည်။
2. The International Child Neurology Association ၏ ၂၀၁၆ ခုနှစ် ပညာရေးအစည်းအဝေးကို မြန်မာနိုင်ငံတွင် ကျင်းပနိုင်ရန် ဆောင်ရွက်ခဲ့သည်။

သုတေသနစာတမ်းများ

ကလေးဦးနှောက်နှင့် အာရုံကြောရောဂါဆိုင်ရာ သုတေသနစာတမ်းများပြုစုခဲ့ပြီး စာတမ်းအချို့မှာ -

1. Opsoclonus-myoclonus-ataxia syndrome associated with dengue virus infection
2. HIV-Related Cognitive Impairment of Orphans in Myanmar With Vertically Transmitted HIV Taking Antiretroviral Therapy
3. Opsoclonus-myoclonus-ataxia syndrome associated with dengue virus infection

ပါဝင်ရေးသားသော စာအုပ်များ

1. Updated guideline: paediatric emergency triage, assessment and treatment

ရရှိထားသော ဆုများ

1. Bernard D’Souza international fellowship award (2011)
2. Outstanding Paediatrician 2016 ကလေးကျန်းမာပညာအဖွဲ့

ကလေးကျန်းမာရေးပညာပေးခြင်း

ကလေးကျန်းမာရေးနှင့် ပက်သက်သော ပညာပေးရုပ်သံများကို ထုတ်လွှင့်ခဲ့သည်။ ရုပ်သံအများစုမှာ ကလေးဦးနှောက်နှင့်အာရုံကြောရောဂါများအကြောင်းဖြစ်ပြီး လူသိများသော အစီအစဉ်များအနက် အချို့မှာ -

1. ကလေးများ၏ ဦးနှောက်ဖွံ့ဖြိုးမှုနှင့် မိဘတို့၏ အခန်းကဏ္ဍ
2. မေးလိုရာမေး ကလေးကျန်းမာရေး
3. ကလေးဖွံ့ဖြိုးမှုနှင့် ပက်သက်၍ တတ်ကျွမ်းသည့်ဆရာဝန်များနှင့် အမြန်ဆုံးပြသရမည့် အခြေအနေများ
4. ကလေးတွေမှာဖြစ်တတ်သော အတက်ရောဂါ
5. အတက်ရောဂါအကြောင်း
6. အတက်ရောဂါနဲ့တူတဲ့ လက္ခဏာများ
7. World Cerebral Day 2020"
8. ကလေးတွေမှာ ကိုဗစ်-၁၉ ရောဂါ ကာကွယ်ဖို့ဆိုရင်
9. Autism ရောဂါအကြောင်း သိကောင်းစရာ
10. Autism အကြောင်း သိကောင်းစရာများ
11. အဖြစ်များတဲ့ ဦးနှောက်အာရုံကြောဆိုင်ရာရောဂါများ
12. စကားပြောနောက်ကျတဲ့ ကလေးနဲ့ ပက်သက်ပြီး မိဘများ သိသင့်သည်များ
13. CP ရောဂါအကြောင်း သိကောင်းစရာများ

ရေးသားခဲ့သော ကလေးကျန်းမာရေးပညာပေး ဆောင်းပါးအချို့မှာ -

1. တက်တတ်သော ကလေးများ (၁)