ကြံတောသုသာန်

ကြံတောသုသာန်သည် ကမာရွတ်မြို့နယ်၊ ရန်ကုန်မြို့တွင် တည်ရှိသည်။ ၁၉၉၆ နှင့် ၁၉၉၇ အတွင်း မူးယစ်ဆေးဝါးပပျောက်ရေး အထိမ်းအမှတ်ပြတိုက်အဖြစ် ပြန်လည်မတည်ဆောက်မီအထိ ရန်ကုန်မြို့၏ အကြီးဆုံး သုသာန်ဖြစ်ခဲ့သည်။၁၉၉၆ ဒီဇင်ဘာလတွင် မြန်မာနိုင်ငံတော်အစိုးရမှ ပြန်လည်နေရချထားရန် အမိန့်ပေးခဲ့သည်။ အကျိုးဆက်အနေနှင့် တစ်လအတွင်း ရန်ကုန်မြို့အပြင်ဘက် ရေဝေးသုသာန်၊ လှိုင်သာယာမြို့ရှိ ထိန်ပင်သုသာန်များသို့ ပြောင်းရွေ့ပေးရန် သတိပေးစာ ပေးပို့ပေးခဲ့သည်။ ကြံတောသုသာန်သည် ၅၀ ဧက (၂၀ ဟက်တာ) ပိုင်ဆိုင်ပြီး ရန်ကုန်တက္ကသိုလ်မှ မိုင်ဝက် (၀.၈၀ ကီလိုမီတာ) ခန့် အဝေးတွင် တည်ရှိသည်။ ၎င်းကို ကိုလိုနီခေတ်က တည်ထောင်ခဲ့သည်။ ကြံတောသုသာန်သည် ဗုဒ္ဓဘာသာဗမာများ မြှပ်နှံရာ အဓိကနေရာ ဖြစ်သည်။ သို့သော် ခရစ်ယာန်၊ တရုတ်၊ ဟိန္ဒူ၊ အစ္စလာမ် စသည့်ဘာသာဝင်၊ လူမျိုးတို့အတွက်လည်း သင်္ချိုင်းများလည်း ရှိသည်။ ဟိန္ဒူများအတွက် သုသာန်နေရာသည် ၁.၆ ဟက်တာ (၄ ဧက) ကျယ်ဝန်းသည်။

ကြံတောသုသာန်

အသေးစိတ်
ပိတ်သိမ်း	၁၉၉၆ - ၁၉၉၇
တည်နေရာ	ကမာရွတ်မြို့နယ်, ရန်ကုန်မြို့
နိုင်ငံ	မြန်မာ
ကိုဩဒိနိတ်	16.815641°N 96.131456°E / 16.815641; 96.131456

၁၉၉၁ ခုနှစ်တွင် ရန်ကုန်မြို့တော်ကော်ပိုရေးရှင်း (ယခု ရန်ကုန်မြို့တော်စည်ပင်သာယာရေးကော်မတီ) သည် St. John's Cantonment သုသာန်ရှိ ဂူများကို ကြံတောသို့ ပြောင်းရွေ့စေခဲ့သည်။ အုတ်ဂူများတွင် ဗြိတိသျှစစ်သားများ၏ အုတ်ဂူများ ပါဝင်ခဲ့သည်။ ၁၉၉၄ ခုနှစ်တွင် စစ်တပ်က တာမွေသုသာန်မှ ကျန်ရှိနေသော မြှုပ်နှံထားသည်များကို ကြံတောသုသာန်သို့ စူပါမားကတ်တစ်ခု ဆောက်လုပ်ရန် ရွေ့ပြောင်းစေခဲ့သည်။

အထင်ကရ မြှုပ်နှံထားသူများ

• ဗိုလ်အောင်ကျော် - ရန်ကုန်တက္ကသိုလ်ကျောင်းသား တစ်ဦးဖြစ်သည်။ ၁၉၃၈ ခုနှစ်၊ ဒီဇင်ဘာလ၊ ၂၀ ရက်တွင် ဖြစ်ပွားခဲ့သော ဆန္ဒပြမှုတွင် ဗြိတိသျှရဲမှ သေနတ်ဖြင့် ပစ်သတ်ခဲ့သည်။
• ဦးနု - မြန်မာနိုင်ငံငံ ဝန်ကြီးချုပ် ဖြစ်သည်။
• ရဲဘော်သုံးကျိပ် မှ ရဲဘော်အများအပြား
• ဂျာနယ်ကျော် ဦးချစ်မောင်
• ဂျာနယ်ကျော် မမလေး
• ခင်မေသန်း - နေဝင်း ၏ ဇနီး
• ၈၈၈၈ အရေးအခင်း (ရှစ်လေးလုံး) ဆန္ဒပြသူများ