ကွန်ပျူတာတက္ကသိုလ်(မိတ္ထီလာ)

ကွန်ပျူတာတက္ကသိုလ်(မိတ္ထီလာ)သည် မန္တလေးတိုင်းဒေသကြီး၊ မိတ္ထီလာမြို့၏ အရှေ့ဘက် ၅ မိုင်ခန့်အကွာ တောမအုပ်စု၊ ဥယျာဉ်ရွာ မိတ္ထီလာ-တောင်ကြီး ကားလမ်းမဘေး အနီးတွင်တည်ရှိသည်။ ပညာရေး ဝန်ကြီးဌာန၊ အဆင့်မြင့်ပညာဦးစီးဌာန လက်အောက်ရှိ တက္ကသိုလ်တစ်ခုဖြစ်သည်။

ကွန်ပျူတာတက္ကသိုလ်(မိတ္ထီလာ)
University of Computer Studies, Meiktila(UCSMTLA)
" မြန်မှန်တွက်ချက် တိုင်းပြည်တွက် "
ကွန်ပျူတာတက္ကသိုလ်
တည်ထောင်ခုနှစ်	၁၊အောက်တိုဘာ၊ ၂၀၀၁
တည်နေရာ	မိတ္ထီလာမြို့၊မန္တလေးတိုင်းဒေသကြီး
အမျိုးအစား	အများနှင့်သက်ဆိုင်သော
အဖွဲ့အစည်း	ပညရေးဝန်ကြီးဌာန၊အဆင့် မြင့်ပညာဦးစီးဌာန
ဝဘ်ဆိုတ်	www.ucsmtla.edu.mm

သမိုင်းကြောင်း

ကွန်ပျူတာတက္ကသိုလ်(မိတ္ထီလာ)ကို ၂၀ဝ၁ ခုနှစ်၊ အောက်တိုဘာလ(၁) ရက်နေ့တွင် အစိုးရကွန်ပျူတာကောလိပ် အဖြစ် စတင်ဖွင့်လှစ်ခဲ့သည်။ ၂၀ဝ၇ ခုနှစ်၊ ဇန်နဝါရီလ(၂၀)ရက်နေ့တွင် ကွန်ပျူတာတက္ကသိုလ်(မိတ္ထီလာ)အဆင့်သို့ တိုးမြှင့်ခဲ့သည်။

ပေးအပ်ချီးမြှင့်သောဘွဲ့များ

ကွန်ပျူတာတက္ကသိုလ်(မိတ္ထီလာ)မှ အောက်ပါဘွဲ့များကို ပေးအပ်ချီးမြှင့်သည်။

• ကွန်ပျူတာသိပ္ပံဘွဲ့ (B.C.Sc.)
• ကွန်ပျူတာနည်းပညာဘွဲ့ (B.C.Tech.)