ခင်စီ

ဒေါက်တာ ဒေါ်ခင်စီ(၁၉၁၉ မွေး)သည် မြန်မာ့ဆေးလောကတွင် ထူးချွန်သည့် မီးယပ်နှင့် သားဖွားဆရာဝန် တဦး ဖြစ်သည်။ ၁၃ မတ် ၁၉၁၉ တွင် ပဲခူးမြို့၌ အရေးပိုင် ဦးသာညိုနှင့် ဒေါဧတို့က ဖွားသည်။

ပညာရေး

ဒေါက်တာ ဒေါ်ခင်စီသည် ဂျပ်ဆင်ကောလိပ် ကျောင်းသူဟောင်းများအသင်းဝင် ဖြစ်ပြီး၊ ၁၉၄၀ ပြည့်တွင် ရန်ကုန်တက္ကသိုလ်မှ အမ်ဘီဘီအက်စ်ဘွဲ့ ရရှိသည်။ ဘွဲ့ရပြီးနောက် လက်ထောက်ဆရာဝန် အဖြစ် ထမ်းဆောင်သည်။ ၁၉၄၈-၅၀ တွင် အမေရိကန်၌ မီးယပ်နှင့် သားဖွားပညာ ဘွဲ့လွန်သင်တန်း တက်သည်။ ၁၉၅၆-၅၈ တွင် အင်္ဂလန်၌ ဘွဲ့လွန်သင်တန်း တက်သည်။ ဆရာဝန်အဖြစ်လည်း နိုင်ငံခြား၌ ဆေးပညာ ဆက်လက်ဆည်းပူးရာ၊ ၁၉၅၆ တွင် D.Obs.R.C.O.Oဘွဲ့၊ ၁၉၅၈ တွင် အင်္ဂလန်မှ :M.R.C.O.G ဘွဲ့များ ရသည်။ ၁၉၅၈ မှစ၍ ရန်ကုန်တက္ကသိုလ် ဆေးပညာမဟာဌာန ပါမောက္ခသမားတော်ကြီးအဖြစ် ခန့်အပ်ခံရသည်။

မိသားစု

စိတ်ကျန်းမာရေး ဆေးရုံအုပ်ကြီး ဒေါက်တာနေဝင်းနှင့် လက်ဆက်ကာ သားတဦး၊ သမီး တဦး ထွန်းကားသည်။

စာရေးခြင်း

ဆေးပညာရပ်ဆိုင်ရာ ဆောင်းပါးများကို စာနယ်ဇင်းများတွင် ရေးသားသည်။ အသံလွှင့်ခြင်းဖြင့်လည်း ပညာပေး ဖြန့်ဖြူးလေ့ ရှိသည်။