ခဏ္ဍသိမ်

ပိုင်းဖြတ်အပ်သော အပိုင်းအခြား၊ ပိုင်းဖြတ်အပ်သော သိမ်၊ ငယ်သောသိမ်။ (ယင်းသိမ် သည်—ဗဒ္ဓ, အဗဒ္ဓ-သိမ်နှစ်မျိုးတွင် ဗဒ္ဓသိမ် မျိုးဖြစ်သည်။ ခဏ္ဍ, သမာနသံဝါသ, အဝိပ္ပဝါသဟူသော ဗဒ္ဓသိမ် သုံးလုံးတို့တွင် တလုံးအပါအဝင်ဖြစ်သည် ။ သင်္ကန်းဖြစ်ရာဌာန “မာတိကာ” ရှစ်မျိုးအနက် ပဌမမာတိကာ၌ ပါဝင်သော သိမ် ၁၅-လုံးတို့တွင် တလုံး အပါအဝင် ဖြစ်သည် ။

ယင်း သိမ်ကို ဗောဓိပင်, စေတီ, ဆွမ်းစားကျောင်း စသည်တို့နှင့်တကွ ဆောက်လုပ်အပ်ပြီးသော ကျောင်းတိုက် လူသူအသွားအလာ နည်းပါးသော ကျောင်းမြေအစွန်၌ သမုတ်အပ်၏၊ အဆောက်အဦ မရှိသော ကျောင်းတိုက်၌ ဗောဓိပင်, စေတီစသည်တို့ တည်ရာ အရပ်ကို မှတ်သားချန်ထား၍ အထက်ဆိုခဲ့ပြီးသော အရပ်၌ သမုတ်အပ်၏။ အငယ်ဆုံး အပိုင်း အခြားအားဖြင့် နှစ်ကျိပ်တစ်ယောက်သော ရဟန်း, အကြီးဆုံး အပိုင်းအခြားအားဖြင့် ၁-ထောင်သော ရဟန်းတို့ စုဝေးထိုင်နေ နိုင်လောက်အောင် သမုတ်ရသည်