ခွန်ပုခုဂျိ

ခွန်ပုခုဂျိ (金福寺) သည် ဂျပန်နိုင်ငံ၊ ကျိုတိုမြို့၊ ဆခယောရပ်ကွက်တွင် တည်ရှိသည့် ဇင်ဗုဒ္ဓဘာသာကျောင်းတော်တစ်ခု ဖြစ်သည်။

ခွန်ပုခုဂျိ Konpuku-ji
Konpuku-ji main hall and garden
အချက်အလက်များ
တည်နေရာ	20 Saikatachi-chō, Ichijōji, Sakyō-ku, Kyoto, Kyoto Prefecture
ကိုဩဒိနိတ်	35°2′32.04″N 135°47′42.75″E
ဘာသာရေး နှီးနွယ်မှု	Zen, Rinzai sect, Nanzen-ji school
နတ်ဘုရား	Kannon
ဗိသုကာ
တည်ထောင်သူ	An'e
ပြီးစီး	864

သမိုင်းကြောင်း

အန်းနင်း၏ နောက်ဆုံးဆန္ဒအဖြစ် ၈၆၄ ခုနှစ်တွင် ဗုဒ္ဓဘာသာရဟန်းတော် အန်းနီ ( An'e) သည် ကျောင်းတော်ကို တည်ဆောက်ခဲ့သည်။ အန်းနင်းကိုယ်တိုင်ပြုလုပ်ခဲ့သည့် ဗုဒ္ဓရုပ်ပွားတော်ရုပ်တုကိုလည်း အတူကျောင်းတော်တွင် တပ်ဆင်တည်ဆောက်ခဲ့သည်။ ပထမဆုံးသောကျောင်းတော်သည် တန်းဒိုင်းမဟာယာနဗုဒ္ဓဘာသာကျောင်းတော်အဖြစ် တည်ရှိခဲ့ပြီး နောက်ဆုံးတွင် ကျောင်းတော်သည် ပျက်စီးခဲ့ရသည်။ ဂန်းရိုခုခေတ်ကာလ (၁၆၆၈ - ၁၇၀၄) ကာလအတွင်းတွင် ကျောင်းတော်ကို အနီးအနားရှိ အန်းခိုးဂျိကျောင်းတော်မှ တက်ရှု သည် ပြန်လည်ပြုပြင်ခဲ့ပြီး အန်းခိုးဂျိကျောင်းတော်၏ ကျောင်းခွဲတစ်ခုအဖြစ် ထားရှိခဲ့သည်။ ကျောင်းတော်ကိုလည်း ရင်းဇိုင်းဗုဒ္ဓဘာသာကျောင်းတော်အဖြစ်သို့ ပြောင်းလဲခဲ့သည်။

မဆွတ်အိုဘရှော သည် ကျိုတိုရှိ သူငယ်ချင်းဖြစ်သူ တက်ရှုဆီသို့ အလည်အပတ်သွားရောက်သည့်အခါတွင် သူသည် ဥယျာဉ်၏အနောက်ဘက်ရှိ သက်ငယ်မိုးတဲလေးထဲတွင် နေထိုင်ခဲ့သည်။ ထို့နောက်တွင် ထိုတဲငယ်ကလေးကို ဘရှောအန်း ဟု အမည်ပေးခဲ့ကြသည်။ ထိုတဲငယ်လေးသည် ပျက်စီးခဲ့ရပြီး ၁၇၇၆ ခုနှစ်တွင် ယောဆဘုဆွန်သည် ပြန်လည်ပြင်ဆင်ခဲ့သည်။ ဤတဲငယ်သည် ဥယျာဉ်၏ အရှေ့ဘက်အခြမ်းတွင် တည်ရှိပြီး အထဲတွင် လက်ဖက်ရည်သောက်ခန်း ပါရှိသည်။ ဘုဆွန်၏ အုတ်ဂူသည် ကျောင်းတော်တွင်ပင် တည်ရှိသည်။