ဂရင်းကင်ညွန်
ဂရင်းကင်ညွန်သည် အမေရိကန်ပြည်ထောင်စု အရီဇိုးနားပြည်နယ်ရှိ ချောက်ကြီးတစ်ခု ဖြစ်ပြီး ကော်လိုရာဒိုမြစ် ဖြတ်သန်း စီးဆင်းရာမှ ဖြစ်ပေါ်လာခြင်း ဖြစ်သည်။ ဂရင်းကင်ညွန်ချောက်၏ အစိတ်အပိုင်း အတော်များများမှ အမေရိကန် ပြည်ထောင်စု၏ ၁၅ ခုမြောက် အမျိုးသားဥယျာဉ် ဖြစ်သော ဂရင်းကင်ညွန် အမျိုးသားဥယျာဉ်အတွင်းတွင် တည်ရှိသည်။ အမေရိကန်သမ္မတ သီအိုဒိုး ရုစဗဲ့ ဂရင်းကင်ညွန်ဒေသကို ထိန်းသိမ်းရန် အတွက် အဓိက တိုက်တွန်းလုပ်ဆောင်ခဲ့သူ ဖြစ်ပြီး သူကိုယ်တိုင် ထိုဒေသသို့ အမဲလိုက်ရန်နှင့် ရှုခင်းကြည့်ရန် အတွက် အကြိမ်ပေါင်းများစွာ ရောက်ခဲ့သည်။ ဂရင်းကင်ညွန် ဒေသသည် သဘာဝလောက၏ အံ့ဖွယ်တစ်ခု အဖြစ် မှတ်ယူကြသည်။
