ငါးထပ်ကြီးဘုရား (သန်လျင်မြို့)

ငါးထပ်ကြီးဘုရား သည် သန်လျင်မြို့တောင်ဘက်တွင် တည်ရှိသည့် စေတီတော်တစ်ဆူ ဖြစ်သည်။ ပါဒမြို့တော်ဟောင်းတည်ရှိရာ ပါဒကြီးရွာတွင် ကိန်းဝပ်လျက် ရှိသည်။

သမိုင်း

အချိန်မှာ ၁၂၄၀ ပြည့်နှစ်တွင် ဖြစ်၏။ အထက်မြန်မာနိုင်ငံမှဆင်းလာသော (အရာတော်မြို့ဇာတိ)ရဟန်း ဦးကုသလသည် ပါဒကြီးရွာ၌ သီတင်းသုံးနေ၏။ ဆရာတော်သည် ရုပ်ပွားတော်ကြီး တည်ထားလိုသဖြင့် စေတီတော် တည်ထားခဲ့သည်။

၁၂၆၆ ခုနှစ်တွင် ဘုရားတည်ရန် မြေညှိခဲ့သည်။ ၁၂၆၈ ခုနှစ်၊ တော်သလင်းလဆုတ် ၇ ရက်နေ့တွင် စေတီတော် အုတ်မြစ်ချကာ စတင်တည်ခဲ့သည်။ ၁၂၆၉ ခုနှစ်၊ ကဆုန်လပြည့်နေ့တွင် ပြီးစီးခဲ့သည်။

အမည်

မာရ်ငါးပါး အောင်မြင်သည်ကို အစွဲပြု၍ ငါးထပ်ကြီးဘုရားဟု သမုတ်ခဲ့သည်။

အတိုင်းအတာများ

ရုပ်ပွားတော်ကြီးသည် အတိုင်းအတာ အချိုးအစားများမျာ −

• ဉာဏ်တော်အမြင့် ပေ ၄၀ ၈ လက်မ၊
• ပလ္လင်တော်အလျား ၃၃ ပေ ၁၁ လက်မ၊
• ပလ္လင်တော်အနံ − ၂၀ ပေ ၁၁ လက်မ၊
• ပလ္လင်တော်အမြင့် − ၄ ပေ ၆ လက်မ

အခြားသော လှူဒါန်းမှုများ

• ပါဒကြီး ရွာသူရွာသားတို့သည် ဘုံငါးဆင့်ရှိသည့် တန်ဆောင်းကြီးကို လှူဒါန်းခဲ့သည်။
• ၁၂၇၀ ပြည့်နှစ်တွင် ဦးမောင်ကလေး၊ ဒေါ်အေးမယ်တို့သည် အရုဏ်ခံတန်ဆောင်ကို လှူဒါန်းခဲ့သည်။
• ၁၂၇၃ ခုနှစ်တွင် ဦးဖေကိုး၊ ဒေါ်အေးကြိုင် မိသားစုတို့သည် ဘုံ ၇ ဆင့်ရှိ တန်ဆောင်းကြီးကို လှူဒါန်းခဲ့သည်။
• ၁၂၇၇ ခုနှစ်တွင် ဦးသာကျော်၊ ဒေါ်အုန်းပွင့် မိသားစုတို့သည် တန်ဆောင်းအသစ်ကို လှူဒါန်းခဲ့သည်။
• ၁၂၇၈ ခုနှစ်တွင် ဦးဖေကိုး၊ ဒေါ်ငြိမ်း တို့သည် အထက်မန်းစက်တော်ရာပုံ ခြေတော်ရာတစ်ဆူကို လှူခဲ့ကြသည်။