စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာန

စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာနကို အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန၏ အုပ်ချုပ်မှုအောက်၌ ၁၉၇၂ခုနှစ်၊ အောက်တိုဘာလ(၁)ရက်နေ့တွင် စတင်ဖွဲ့စည်းခဲ့သည်။

လုပ်ငန်းတာဝန်များ

စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာန၏ လုပ်ငန်းတာဝန်များမှာ-

• လုပ်ငန်းစီမံကိန်းသစ်များ၊ တိုးချဲ့လုပ်ငန်းစီမံကိန်းများ အဆိုပြုတင်ပြသည့်အဆင့်မှ အကောင်အထည်ဖော် ပြီးစီးသည့်အဆင့်အထိ စိစစ်တင်ပြခြင်း၊
• နိုင်ငံပိုင်စီးပွားရေးလုပ်ငန်းများ၏ တိုးတက်မှုကို အစီရင်ခံခြင်း၊
• အစိုးရဝန်ထမ်းအဖွဲ့အစည်းများ၏ ဖွဲ့စည်းပုံကိုစိစစ်တင်ပြခြင်း နှင့်
• အခါအားလျှော်စွာ ပေးအပ်သည့် အခြားတာဝန်များကို ဆောင်ရွက်ခြင်း တို့ဖြစ်သည်။

စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာနသည် အထက်ပါတာဝန်များအပြင် အောက်ပါ အဖွဲ့အစည်းများ၏ ရုံးလုပ်ငန်းတာဝန်များကိုလည်း ဆောင်ရွက်သည်။

• နိုင်ငံပိုင်ပစ္စည်းများအား ပုဂ္ဂလိကပိုင်ပြုလုပ်ရေးကော်မရှင်
• စီမံကိန်းနှင့် ဖွဲ့စည်းပုံစိစစ်ရေးအဖွဲ့
• နိုင်ငံပိုင်သိမ်းဆည်းထားသော ပစ္စည်းများ အိမ်ရာစီမံကိန်းများရှိ အဆောက်အဦများနှင့် မြေယာကွက်များ စီမံခန့်ခွဲမှုကော်မတီ

ဖွဲ့စည်းပုံ

စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာနသည် အောက်ပါ ဌာနခွဲများဖြင့် လုပ်ငန်းတာဝန် များကို ဆောင်ရွက်လျက်သည်။

• စီမံကိန်းစိစစ်ရေးဌာနခွဲ(၁)
• စီမံကိန်းစိစစ်ရေးဌာနခွဲ(၂)
• စီမံကိန်းစိစစ်ရေးဌာနခွဲ(၃)
• စီမံကိန်းလုပ်ငန်းတန်ဖိုးစိစစ်ရှေးဌာနခွဲ
• ပြန်လည်စိစစ်သုံးသပ်ရေးဌာနခွဲ(၁)
• ပြန်လည်စိစစ်သုံးသပ်ရေးဌာနခွဲ(၂)
• တိုးတက်မှုအစီရင်ခံရေးဌာနခွဲ(၁)
• တိုးတက်မှုအစီရင်ခံရေးဌာနခွဲ(၂)
• ဖွဲ့စည်းပုံစိစစ်ရေးဌာနခွဲ
• ညွှန်ကြားရေးမှူးချုပ်ရုံးနှင့် ငွေစာရင်းဌာနခွဲ
• သုတေသနလေ့ကျင့်ရေးနှင့်ကွန်ပျုတာဌာနခွဲ
• စီမံခန့်ခွဲရေးဌာနခွဲ

စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာန၏ ခွင့်ပြုအင်အားမှာ အရာထမ်းရာထူး (၆၄)နေရာ၊ အမှုထမ်းရာထူး (၁၆၈)နေရာ၊ စုစုပေါင်းရာထူး (၂၃၂)နေရာဖြင့် လုပ်ငန်းများကို ဆောင်ရွက်လျက် ရှိသည်။