ဆီမွန်၊ ဂျီး(န်)
နူးညံ့သိမ်မွေ့ကာ ဆွဲဆောင်မှုရှိသော ရုပ်ရည်ကို ပိုင်ဆိုင်ထားသည့် ဗြိတိသျှရုပ်ရှင်မင်းသမီး ဂျီး(န် )ဆီ မွန်ကို အင်္ဂလန်နိုင်ငံ လန်ဒန်မြို့ ကရော့ချ်ဟေးလ်ဒေသ၌ ၁၉၂၉ ခုနှစ် ဇန်နဝါရီလ ၃၁ ရက်တွင် မွေးဖွားသည်။ ၁၉၄၄ ခုနှစ်တွင် အသက် ၁၄ နှစ်အရွယ် အကသင်တန်းသူတစ်ဦးဖြစ်သည့် ဆီမွန်ကို Give Us The Moon ရုပ်ရှင်၌ သရုပ်ဆောင်ရန် သင်တန်းကျောင်းကရွေးချယ်ခဲ့သည်။ ဆီမွန်၏ ဇာတ်ကားများအနက် ၁၉၄၅ ခုနှစ်တွင် 'Caesar and Cleopatra ၊ ၁၉၄၆ ခုနှစ်တွင် တစ်ကိုယ်ကောင်းဆန်သော အက်စတီးလာ ဇာတ်ရုပ်ဖြင့် 'Great Expectations ၊ ၁၉၄၈ ခုနှစ်တွင် ရိုက်ကူးခဲ့သော Hamlet ဇာတ်ကားတို့မှာ ထင်ရှားပြီး Hamlet ဇာတ်ကား တွင် အကောင်းဆုံးအမျိုးသမီးဇာတ်ပို့ဆုအတွက် လျာထားခြင်းခံရသည်။ ၁၉၅၀ ပြည့်နှစ်တွင် မင်းသားစတီးဝပ်ဂရိန်းဂျာ နှင့် လက်ထပ်ခဲ့ပြီး ထိုနှစ်မှာ Guys and Dolls ဇာတ်ကားတွင် မင်းသားမာလွန်ဘရန်ဒိုနှင့်တွဲဖက် သရုပ်ဆောင်ခဲ့သည်။ ထိုဇာတ်ကားတွင် ပါဝင်သော ဇာတ်ဝင်သီချင်းများကို ဆီမွန်ကိုယ်တိုင် သီဆိုခဲ့သည်။ ၎င်းဇာတ်ကားဖြင့်ပင် ရွှေကမ္ဘာလုံးဆုကို ပထမဆုံး ဆွတ်ခူးနိုင်ခဲ့သည်။
| Jean Simmons | |
|---|---|
 ၁၉၅၅ ခုနှစ်က စတူဒီယိုရိုက်ခန်းတစ်ခုတွင် | |
| မွေးဖွား | ဂျိမ်း မာရီလင် ဆီမွန် ၃၁ ဇန်နဝါရီ၊ ၁၉၂၉ ဟော်လိုဝေးအောက်၊ လန်ဒန်၊ အင်္ဂလန်နိုင်ငံ၊ ယူကေ။ |
| ကွယ်လွန် | ၂၂ ဇန်နဝါရီ၊ ၂၀၁၀ (အသက် ၈၀) ဆန်တာ မော်နီကာ၊ ကယ်လ်ဖိုးနီးယား၊ အမေရိကန်။ |
| သေဆုံးရခြင်း အကြောင်းရင်း | အဆုတ်ကင်ဆာ |
| နိုင်ငံလူမျိုး | ဗြိတိသျှအမေရိကန် |
| မိခင်ကျောင်း | Aida Foster stage school |
| အလုပ်အကိုင် | သရုပ်ဆောင်၊ အဆိုတော်၊ ကချေသည် |
| တက်ကြွလှုပ်ရှားနှစ်များ | ၁၉၉၄–၂၀၀၉ |
| အိမ်ထောင်ဖက်(များ) | Stewart Granger (1950–60; divorced); 1 child Richard Brooks (1960–80; divorced); 1 child |
| သားသမီး | Tracy Granger (b.1956) Kate Brooks (b. 1961) |
| မိဘ(များ) | Charles Simmons Winifred Loveland Simmons |
၁၉၆၀ ပြည့်နှစ်တွင် ဆီမွန်သည် ဂရိန်းဂျာနှင့်လမ်းခွဲခဲ့ပြီး ဇာတ်ညွှန်းရေးဆရာ၊ ဒါရိုက်တာဖြစ်သူ ရစ်ချတ်ဘရုနှင့်လက်ထပ်ခဲ့သည်။ ထိုနှစ်မှာပင် မင်းသား ကာ့ခ်ဒေါက်ကလပ်စ်နှင့် တွဲဖက်၍ Spartacus ဇာတ်ကားတွင် သရုပ်ဆောင်ခဲ့သည်။ ထို့နောက်နှစ်အနည်းငယ်အကြာ ရုပ်ရှင်လောကနှင့် ဝေးကွာခဲ့ပြီး ၁၉၆၃ ခုနှစ်တွင် All the Way Home ဇာတ်ကား၌ မိခင်တစ်ယောက်အဖြစ်ပီပြင်သော သရုပ်ဆောင်ချက်များဖြင့်ပရိသတ်ကို ပြန်လည်ဆွဲဆောင်ခဲ့သည်။ ထို့နောက် ဇာတ်ကားများစွာတွင် သရုပ်ဆောင်ခဲ့ပြီး ၁၉၆၉ ခုနှစ်တွင် ရိုက်ကူးသော The Happy Ending ဇာတ်ကားတွင် အကောင်းဆုံးအမျိုးသမီး ဇာတ်ဆောင်ဆုအတွက် ဆန်ခါတင်ရွေးချယ်ခြင်းခံခဲ့ရသည်။ ဆီမွန်သည် ၁၉၇၇ ခုနှစ်တွင် ရစ်ချတ်ဘရုနှင့်လမ်းခွဲခဲ့သည်။ ၁၉၈၀ ပြည့်လွန်ကာလများတွင် North and South, The Thorn Birds စသော ရုပ်သံဇာတ်လမ်းများတွင် သရုပ်ဆောင်ခဲ့သည်။ အသက်၈၁ နှစ်အရွယ် ဗြိတိသျှရုပ်ရှင်မင်းသမီးတစ်ဖြစ်လဲ ဟောလီးဝုဒ်မင်းသမီး ဂျီး(န်)ဆီမွန် သည် ၂၀၁၀ ပြည့်နှစ် ဇန်နဝါရီလ ၂၂ ရက်နေ့တွင် အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်တာမော်နီကာ၌ အဆုတ်ကင်ဆာရောဂါဖြင့် ကွယ်လွန်သည်။[၁]
ကိုးကား
ပြင်ဆင်ရန်- ↑ စွယ်စုံကျမ်းနှစ်ချုပ်(၂၀၁၁)