တိုယိုတာ လင်ခရူဇာ

တိုယိုတာ လင်ခရူဇာ သည် ဂျပန် ကားထုတ်လုပ်သူ တိုယိုတာ မော်တော်ကား ကော်ပိုရေးရှင်းမှ ထုတ်လုပ်သော လေးဘီးစလုံးမောင်းသည့် မော်တော်ကား စီးရီးဖြစ်သည်။ အမေရိကန်တွင် ၁၉၃၄ မှ ၁၉၅၄ အထိ ထုတ်လုပ်ခဲ့သော စတူဒီဘေကာ၏ လင်ခရူဇာ ကား ရှိသေးသော်လည်း ၎င်းမှာ တိုယိုတာ လင်ခရူဇာနှင့် ဆက်စပ်မှု မရှိပေ။ လင်ခရူဇာ စီးရီးသည် တိုယိုတာ၏ သမိုင်းကြောင်းတွင် ကာလအရှည်ကြာဆုံး ထုတ်ဝေခဲ့သည့် ထုတ်ဝေနေဆဲ ဖြစ်သည့် ကားအမျိုးအစား ဖြစ်သည်။

တိုယိုတာ လင်ခရူဇာ

တိုယိုတာ လင်ခရူဇာ (FJ62LG)
ထုတ်လုပ်သူ	တိုယိုတာ
ထုတ်လုပ်သည့်ခုနှစ်	၁၉၅၁–ယခု
ကလပ်စ်	လမ်းကြမ်းမောင်း (၁၉၅၁–ယခု) SUV ကားကြီး (၁၉၅၄–ယခု)

လင်ခရူဇာ၏ ပထမမျိုးဆက်ကားကို ၁၉၅၁ ခုနှစ်တွင် တိုယိုတာမှ ဂျစ်ကားကဲ့သို့ ပုံစံရှိသော ဒီဇိုင်းဖြင့် စတင် တီထွင်ခဲ့ပြီး စီးပွားဖြစ်ထုတ်လုပ်မှုမှာ ၁၉၅၄ တွင် စတင်ခဲ့သည်။ လင်ခရူဇာများကို အမိုးဖွင့်၊ ဟပ်တော့ပ်၊ စတေရှင် ဝက်ဂွန် နှင့် အသုံးပြု ထရပ် ပုံစံများဖြင့် ထုတ်လုပ်ခဲ့သည်။ လင်ခရူဇာ၏ စိတ်ချရမှုနှင့် သက်တမ်းကြာရှည်ခံမှုတို့ကြောင့် လူကြိုက်အလွန်များခဲ့သည်။ အထူးသဖြင့် ဩစတြေးလျတွင် လူကြိုက်အများဆုံး ဖြစ်ပြီး ကားကြီး၊ နောက်ပွင့်၊ လေးဘီးစလုံးမောင်း ကားအမျိုးအစားများတွင် အရောင်းရဆုံး ဖြစ်သည်။ တိုယိုတာသည် လင်ခရူဇာအား အပူချိန် နှင့် လမ်းပန်းသဏ္ဌာန် အကြမ်းဆုံးဟု ယူဆရသော နေရာတစ်နေရာဟု ယူဆနိုင်သည့် ဩစတြေးလျတွင် အမျိုးမျိုး စမ်းသပ်မောင်းနှင်လေ့ ရှိသည်။ လင်ခရူဇာ၏ ပြိုင်ဘက်များ မှာ ရိန့်ချ်ရိုဗာ၊ လင်းရိုဗာ ဒစ်စကာဗာရီ၊ မစ်ဆူဘီရှီ ပါဂျဲရိုး နှင့် နစ်ဆန်း ပက်ထရိုလ် တို့ ဖြစ်ကြသည်။

မူလအစ

၁၉၄၁ ခုနှစ်တွင် ဖိလစ်ပိုင်အား ဂျပန် အင်ပီရီယယ်လ် တပ်မတော်မှ သိမ်းပိုက်ခဲ့စဉ် ဝီလီဂျစ် အမျိုးအစား တစ်မျိုးဖြစ်သော ဘန်တမ် အမ်ကေ ၂ (Bantam Mk II) အဟောင်း တစ်စင်းအား တွေ့ရှိခဲ့ပြီး ဂျပန်သို့ ချက်ချင်း ပြန်သယ် သွားခဲ့သည်။ ထို့နောက် ဂျပန် စစ်တပ် အာဏာပိုင်များက တိုယိုတာ အား အလားတူ ကားတစ်စင်းကို ပြုလုပ်ရန် နှင့် အမေရိကန် ဂျစ်၏ ပုံစံနှင့် မတူစေရန် အမိန့်ပေးခဲ့သည်။ ဂျပန်တို့ နမူနာ ပုံစံထုတ်ခဲ့သော ကားကို မော်ဒယ်လ် အေကေ ဟုခေါ်ပြီး ဂျပန်စစ်တပ်မှ အသုံးပြုခဲ့သည်။

၁၉၄၁ နှောင်းပိုင်းတွင် ဂျပန်အစိုးရမှ တိုယိုတာအား ဂျပန်စစ်တပ်၏ စစ်ဆင်ရေးတွင် အသုံးပြုရန် အတွက် လိုက်ထရပ် ထုတ်လုပ်ရန် စေခိုင်းခဲ့သည်။ တိုယိုတာတို့က ၁၉၄၂ တွင် အေကေ ၁၀ ဟုခေါ်သော တန်ဝက် ကားတစ်စင်း၏ နမူနာကို ထုတ်လုပ်ခဲ့သည်။ အေကေ ၁၀ သည် ဘန်တမ် ဂျီပီကား၏ ထုတ်ထားသော ပုံစံကို လေ့လာ၍ ကူးချထားခြင်း ဖြစ်သည်။ အေကေ ၁၀ ၏ ဓာတ်ပုံဟူ၍ မကျန်ရှိခဲ့ပေ။ အကြမ်းဆွဲထားသော ပုံကြမ်းများသာ ကျန်ခဲ့သည်။ ထို ထရပ်ကားတွင် အရှေ့ဘက်တွင် တည့်တည့်ထောင်မတ်နေသော ရှဲလ်၊ ပြန့်ပြူးနေသော ရှေ့ဘီး အဖုံး၊ ရေတိုင်ကီ၏ ဘေးတစ်ဖက်တစ်ချက် ဘီးဖုံးပေါ်တွင် တပ်ထားသော ရှေ့မီးများနှင့် ခေါက်၍ရသော ရှေ့လေကာမှန်တို့ ပါဝင်သည်။

အေကေ ၁၀ တွင် တိုယိုတာ အေအီးမော်ဒယ်လ် စီဒင်တွင် အသုံးပြုသော ၂၂၅၉ စီစီ ဆလင်ဒါ ၄ လုံးတပ် စီတိုက်ပ် အင်ဂျင်နှင့် ဂီယာ ၃ ချက် ပါဝင်သည်။ အေကေ ၁၀ နှင့် စစ်ပြီးခေတ်တွင် ထုတ်လုပ်သော တိုယိုတာ၏ ဘီဂျေ ဂျစ်ကားများမှာ စက်မှုသဘောအရ ဆက်စပ်မှု မရှိပေ။ အေကေ ၁၀ များကို အမေရိကန် ဂျစ်ကားများကဲ့သို့ စစ်ပွဲများတွင် အများအပြား အသုံးမပြုသဖြင့် ဓာတ်ပုံ မကျန်ခဲ့ပေ။

လမ်းကြမ်းသုံးရန် ရည်ရွယ်ထုတ်လုပ်သော မော်ဒယ်လ်များ

BJ နှင့် FJ(၁၉၅၁-၁၉၅၅)

BJ နှင့် FJ

ထုတ်လုပ်သည့်ခုနှစ်	၁၉၅၁–၁၉၅၅
တပ်ဆင်သည့်နေရာ	တိုယိုတာမြို့၊ ဂျပန်
ဘော်ဒီစတိုင်လ်	တံခါး ၂ပေါက်၊ အမိုးပျော့
ပုံသဏ္ဌန်	FR layout
အင်ဂျင်	ဓာတ်ဆီ: 3.4 L I6 B ဓာတ်ဆီ 3.9 L I6 F ဓာတ်ဆီ
ဘီးအခြေ	၂၆၅၀ မီလီမီတာ

• ၁၉၅၀ ခုနှစ် ကိုရီးယားစစ်ပွဲတွင် စစ်တပ်သုံး အပေါ့စား အသုံးချ ကားများ လိုအပ်လာခဲ့သည်။ ထိုစစ်ပွဲက ဂျစ်ကားများကို ဂျပန်၏ တံခါးဝသို့ အရောက်ပို့ဆောင်ပေးခဲ့သည်။ အမေရိကန် အစိုးရမှ ဝီလီဂျစ်၏ စံချိန်စံညွှန်းများ အတိုင်း ထုတ်လုပ်ရန် ဂျစ်ကား အစင်း ၁၀၀ ကို မှာယူခဲ့ပြီး တိုယိုတာအား ထိုကားများကို ထုတ်လုပ်စေခဲ့သည်။
• ၁၉၅၁ ခုနှစ်တွင် တိုယိုတာ ဂျစ် ဘီဂျေ စမ်းသပ်ယာဉ်အား စတင်တည်ဆောက်ခဲ့သည်။ ထိုသို့တည်ဆောက်ရခြင်း အကြောင်းမှာ စစ်တပ်သုံး ပုံစံ အသုံးချ ကားများ လိုအပ်နေသော ကြောင့် ဖြစ်ပြီး လိုအပ်နေသော ပုံစံမှာ ၁၉၄၈ တွင် စတင်ထုတ်လုပ်ခဲ့သော ဗြိတိသျှတို့၏ လင်းရိုဗာ ကားပုံစံမျိုး ဖြစ်သည်။ ဘီဂျေ ဂျစ်ကားမှာ အမေရိကန်တို့၏ မူလ ဂျစ်ကားထက် အရွယ်အစား ပို၍ ကြီးမားပြီး စွမ်းအားလည်း ပို၍ ကြီးသည်။ ၎င်းတွင် တိုယိုတာ၏ ဘီအမျိုးအစား ၃.၄ လီတာ ဆလင်ဒါ ၆ လုံးပါဝင်သော ဓာတ်ဆီအင်ဂျင်ပါဝင်ပြီး ၎င်းမှာ အင်ဂျင်လည်ပတ်နှုန်း တစ်မိနစ် ၃၆၀၀ ပတ်တွင် မြင်းကောင်ရေ ၈၄ကောင် (၆၃ ကီလိုဝပ်) နှင့် ညီမျှသော စွမ်းအားရှိပြီး အင်ဂျင်လည်ပတ်နှုန်း တစ်မိနစ် ၁၆၀၀ ပတ်တွင် အားစုံတွဲ ၂၁၅ နယူတန် မီတာ (၁၅၉ ပေါင် ပေ) မျှကို ထုတ်လွှတ်သည်။ ၎င်းတွင် လိုအပ်သော အခါ အသုံးပြုနိုင်သည့် ဂျစ်ကားကဲ့သို့သော ၄ ဘီးစလုံး မောင်းနှင်သော စနစ် ပါဝင်သည်။ ဘီဂျေ ဂျစ်၏ ကွဲပြားသော အချက်မှာ ဂျစ်ကားကဲ့သို့ ထရန်စဖာကေ့စ် မပါဝင်ခြင်းပင် ဖြစ်သည်။
• ၁၉၅၁ ခုနှစ် ဇူလိုင်လတွင် တိုယိုတာ၏ စက်စမ်းယာဉ်မောင်း အီချီယို တိုင်ရာ မှ ဘီဂျေ ဂျစ်ကား၏ မျိုးဆက်သစ် စမ်းသပ်ယာဉ်အား ဖူဂျီတောင် ၆ ဆင့် အထိ မောင်းခဲ့ပြီး ပထမဆုံး ထိုမျှ အမြင့်ကို ရောက်အောင် တက်နိုင်သော ကားဖြစ်ခဲ့သည်။ ထိုစမ်းသပ်မှုအား ဂျပန် အမျိုးသား ရဲ အေဂျင်စီမှ စောင့်ကြပ် ကြည့်ရှုခဲ့သည်။ ကား၏ စွမ်းဆောင်ပုံကို ကြိုက်နှစ်သက်သွားသဖြင့် ရဲအေဂျင်စီမှ ထို လမ်းကြမ်းမောင်း ကား ၂၈၉ စင်းကို ချက်ချင်းမှာယူခဲ့ပြီး ၎င်းတို့အတွက် တရားဝင် ကင်းလှည့်ယာဉ် အဖြစ် ထားရှိခဲ့သည်။

၁၉၅၄ ခုနှစ်တွင် နည်းပညာဆိုင်ရာ ဒါရိုက်တာ ဟန်ဂျီ အုမဲဟာရ က လင်ခရူဇာ ဟူသော အမည်ကို ပေးခဲ့သည်။ အင်္ဂလန်တွင် ပြိုင်ဘက် လင်ရိုဗာ ကား ရှိသည့်အတွက် ထိုနာမည်ကဲ့သို့ ခန့်ညားသော နာမည်ကို ပေးရန် အတွက် လင်ခရူဇာ ဟုသော အမည်ကို ပေးခြင်းဟု သိရသည်။ အမေရိကန် စတူဒီဘေကာ ကားကုမ္ပဏီမှ ထိုနာမည်ကို ၁၉၃၄ မှ ၁၉၅၄ အတွင်း အသုံးပြုခဲ့သော်လည်း ပြဿနာ တစုံတရာ မရှိခဲ့ပေ။

ဂျေ၂၀ ဂျေ၃၀ (၁၉၅၅-၁၉၆၀)

၂၀ စီးရီး

ထုတ်လုပ်သည့်ခုနှစ်	1955–1960
တပ်ဆင်သည့်နေရာ	တိုယိုတာမြို့၊ ဂျပန်
ဘော်ဒီစတိုင်လ်	တံခါး၂ပေါက် အမိုးပျော့ တံခါး ၂ပေါက်၊ ဟပ်တော့ပ် တံခါး ၂ပေါက်၊ နောက်ပွင့် ထရပ် တံခါး ၄ပေါက် စတေရှင်ဝက်ဂွန်
ပုံသဏ္ဌန်	FR layout
အင်ဂျင်	ဓာတ်ဆီ: 3.4 L I6 B ဓာတ်ဆီ 3.9 L I6 F ဓာတ်ဆီ
ဘီးအခြေ	၂၂၈၅ မီလီမီတာ ၂၄၃၀ မီလီမီတာ ၂၆၅၀ မီလီမီတာ

ဂျေ၄၀ (၁၉၆၀-၁၉၈၄)

၄၀ စီးရီး

အခြားအမည်	Toyota Bandeirante (ဘရာဇီး) - Toyota Macho (ဗင်နီဇွဲလား)
ထုတ်လုပ်သည့်ခုနှစ်	1960–1984
တပ်ဆင်သည့်နေရာ	တိုယိုတာမြို့၊ ဂျပန် ကူမားနား၊ ဗင်နီဇွဲလားနိုင်ငံ
ဘော်ဒီစတိုင်လ်	တံခါး ၂ပေါက် အမိုးပျော့ တံခါး ၂ ပေါက် ဟတ်ဒ်တော့ပ် တံခါး ၂ပေါက် ပစ်ကပ် ထရပ် တံခါး ၄ပေါက် စတေရှင် ဝက်ဂွန်
ပုံသဏ္ဌန်	အရှေ့အင်ဂျင်၊ နောက်ယက် / ဖိုးဝှီးလ် ဒရိုက်ဗ်
အင်ဂျင်	ဓာတ်ဆီ : 3.9 L F I6 4.2 L 2F I6 ဒီဇယ်: 3.0 L B ဒီဇယ် I4 3.2 L 2B ဒီဇယ် I4 3.4 L 3B ဒီဇယ် I4 3.6 L H ဒီဇယ် I6 4.0 L 2H ဒီဇယ် I6
ဂီယာ	၃ ချက်၊ ၁၉၇၄ တွင် ၄ချက် ပြောင်းသည်။
ဘီးအခြေ	၂၂၈၅ မီလီမီတာ ၂၄၃၀ မီလီမီတာ ၂၆၅၀ မီလီမီတာ ၂၉၅၀ မီလီမီတာ
အကျယ်	၁၆၆၆.၂ မီလီမီတာ
အမြင့်	အမိုးပျော့ ၁၉၅၀.၇ မီလီမီတာ ဟတ်ဒ်တော့ပ်၂၀၀၀ မီလီမီတာ
အလေးချိန်	အမိုးပျော့ ၃၂၆၃ ပေါင် ဟတ်ဒ်တော့ပ် ၃၄၂၇ ပေါင်
ဆီတိုင်ကီ	၁၈.၅ ဂါလံ

သက်တောင့်သက်သာ စီးနင်းနိုင်ရန် ရည်ရွယ်ထုတ်လုပ်သော မော်ဒယ်လ်များ

ဂျေ ၅၀ (၁၉၆၇-၁၉၈၀)

၅၅

ထုတ်လုပ်သူ	တိုယိုတာ မော်တော်ကား ကော်ပိုရေးရှင်း
တပ်ဆင်သည့်နေရာ	တိုယိုတာမြို့, ဂျပန်(ARACO)
ဘော်ဒီစတိုင်လ်	တံခါး၄ပေါက်၊ စတေရှင် ဝက်ဂွန်
ပုံသဏ္ဌန်	အရှေ့အင်ဂျင်၊ ဖိုးဝှီးလ် ဒရိုက်ဗ်
အင်ဂျင်	ဓာတ်ဆီ: 3.9 L I6 F petrol 4.2 L I6 2F ဓာတ်ဆီ
ဂီယာ	၃ချက် သို့ ၄ ချက် ရိုးရိုး (J30၊ H41 သို့ H42)
ဘီးအခြေ	၂၇၀၀ မီလီမီတာ
အရှည်	၄၆၇၅ မီလီမီတာ
အကျယ်	၁၇၃၅ မီလီမီတာ
အမြင့်	၁၈၆၅ မီလီမီတာ
ဆီတိုင်ကီ	၂၃.၈ ဂါလံ

ဂျေ၆၀ (၁၉၈၀-၁၉၈၉)

60 Series

Toyota Land Cruiser (FJ62LG)
အခြားအမည်	Toyota Samurai (Venezuela)
ထုတ်လုပ်သည့်ခုနှစ်	1980–1990
တပ်ဆင်သည့်နေရာ	တိုယိုတာမြို့၊ ဂျပန် (ARACO) ကူမားနား၊ ဗင်နီဇွဲလားနိုင်ငံ
ဘော်ဒီစတိုင်လ်	တံခါး ၄ ပေါက်၊ စတေရှင်ဝက်ဂွန်
ပုံသဏ္ဌန်	အရှေ့အင်ဂျင်၊ လေးဘီးစလုံးမောင်း
အင်ဂျင်	ဓာတ်ဆီ : 4.2 L I6 2F ဓာတ်ဆီ 4.0 L I6 3F ဓာတ်ဆီ ဒီဇယ်: 3.4 L I4 3B ဒီဇယ် 4.0 L I6 2H ဒီဇယ် တာဘိုဒီဇယ် : 3.4 L I4 13B-T ဒီဇယ်တာဘို 4.0 L I6 12H-T ဒီဇယ်တာဘို
ဂီယာ	၄ချက် ရိုးရိုး H41F သို့ H42F ၄ချက် အော်တို A440F ၅ ချက်ရိုးရိုး H55F (US ပြင်ပ)
ဘီးအခြေ	၂၇၃၀ မီလီမီတာ
အရှည်	၄၆၇၅ မီလီမီတာ
အကျယ်	၁၈၀၀ မီလီမီတာ
အမြင့်	၁၇၅၀ မီလီမီတာ

ပုံပြောင်းပြီး တိုယိုတာ လင်ခရူဇာ (US) ပုံပြောင်းပြီး တိုယိုတာ လင်ခရူဇာ (US)  ၁၉၈၁–၁၉၈၇ တိုယိုတာ လင်ခရူဇာ (FJ60 ၊ ဩစတြေးလျ) ၁၉၈၁–၁၉၈၇ တိုယိုတာ လင်ခရူဇာ (FJ60 ၊ ဩစတြေးလျ)  ၁၉၈၇–၁၉၉၀ တိုယိုတာ လင်ခရူဇာ (FJ62RG) GX (ဩစတြေးလျ) ၁၉၈၇–၁၉၉၀ တိုယိုတာ လင်ခရူဇာ (FJ62RG) GX (ဩစတြေးလျ)

ဂျေ၈၀ (၁၉၉၀-၁၉၉၇)

၈၀ စီးရီး

အခြားအမည်	Lexus LX 450 Toyota Land Cruiser Autana (COL၊ VEN)
ထုတ်လုပ်သည့်ခုနှစ်	၁၉၈၉–၁၉၉၇
တပ်ဆင်သည့်နေရာ	တိုယိုတာမြို့၊ ဂျပန်နိုင်ငံ(ARACO) ကူမားနား၊ ဗင်နီဇွဲလားနိုင်ငံ
ဘော်ဒီစတိုင်လ်	တံခါး ၄ပေါက် အက်စ်ယူဗွီ
ပုံသဏ္ဌန်	အရှေ့အင်ဂျင် / ဖိုးဝှီးလ်ဒရိုက်ဗ်
အင်ဂျင်	ဓာတ်ဆီ : 4.0 L I6 3F-E ဓာတ်ဆီ 4.5 L I6 1FZ ဓာတ်ဆီ ဒီဇယ် : 4.2 L I6 1HZ ဒီဇယ် တာဘိုဒီဇယ် : 4.2 L I6 1HD ဒီဇယ် တာဘို
ဂီယာ	၄ချက် အော်တို ၅ ချက်ရိုးရိုး
ဘီးအခြေ	၂၈၅၀ မီလီမီတာ
အရှည်	၄၇၈၀ မီလီမီတာ (1990-94) ၄၈၂၀ မီလီမီတာ(1995-97)
အကျယ်	၁၈၃၀ မီလီမီတာ (1990-91) ၁၉၃၀ မီလီမီတာ (1992-97)
အမြင့်	၁၇၈၅ မီလီမီတာ(1990-91) ၁၈၆၀ မီလီမီတာ (1992-94) ၁၈၇၀ မီလီမီတာ (1995-97)
အလေးချိန်	၂၀၈၄ ကီလိုဂရမ် (1990-92) ၂၁၅၉ ကီလိုဂရမ် (1993-97)

ပုံမပြောင်းရသေးမီ တိုယိုတာ လင်ခရူဇာ (FJ80R) GXL၊ ဩစတြေးလျ ပုံမပြောင်းရသေးမီ တိုယိုတာ လင်ခရူဇာ (FJ80R) GXL၊ ဩစတြေးလျ  ပုံပြောင်းပြီး တိုယိုတာ လင်ခရူဇာ(FJ80R) GXL၊ ဩစတြေးလျ ပုံပြောင်းပြီး တိုယိုတာ လင်ခရူဇာ(FJ80R) GXL၊ ဩစတြေးလျ  ပုံပြောင်းပြီး တိုယိုတာ လင်ခရူဇာ၊ အမေရိကန်ပြည်ထောင်စု ပုံပြောင်းပြီး တိုယိုတာ လင်ခရူဇာ၊ အမေရိကန်ပြည်ထောင်စု  ပုံပြောင်းပြီး တိုယိုတာ လင်ခရူဇာ (HZJ80R) GXL၊ ဩစတြေးလျ ပုံပြောင်းပြီး တိုယိုတာ လင်ခရူဇာ (HZJ80R) GXL၊ ဩစတြေးလျ  ဘေးသို့ ဆွဲဖွင့်ရသော တံခါးနှင့် တိုယိုတာ လင်ခရူဇာ (HZJ81V)၊ ဂျပန် ဘေးသို့ ဆွဲဖွင့်ရသော တံခါးနှင့် တိုယိုတာ လင်ခရူဇာ (HZJ81V)၊ ဂျပန်

ဂျေ ၁၀၀ (၁၉၉၈-၂၀၀၇)

၁၀၀ စီးရီး

အခြားအမည်	Lexus LX 470 တိုယိုတာ လင်ခရူဇာ အမေဇုန် (UK ၁၉၉၈-၂၀၀၃)
ထုတ်လုပ်သည့်ခုနှစ်	၁၉၉၈-၂၀၀၇
တပ်ဆင်သည့်နေရာ	တိုယိုတာမြို့၊ ဂျပန် (ARACO)
ဘော်ဒီစတိုင်လ်	တံခါး ၄ပေါက် အက်စ်ယူဗွီ
အင်ဂျင်	ဓာတ်ဆီ : 4.7 L V8 2UZ ဓာတ်ဆီ 4.5 L I6 1FZ ဓာတ်ဆီ ဒီဇယ် : 4.2 L I6 1HZ ဒီဇယ် တာဘိုဒီဇယ် : 4.2 L I6 1HD-T ဒီဇယ် တာဘို 4.2 L I6 1HD-FTE ဒီဇယ်တာဘို
ဂီယာ	၄ ချက် အော်တို၊ ၅ ချက် အော်တို၊ ၅ ချက်ရိုးရိုး
ဘီးအခြေ	၂၈၅၀ မီလီမီတာ
အရှည်	၄၈၉၀ မီလီမီတာ
အကျယ်	၁၉၄၁ မီလီမီတာ
အမြင့်	၁၈၄၉ မီလီမီတာ
အလေးချိန်	၂၃၂၀ ကီလိုဂရမ်

ဂျေ၂၀၀ (၂၀၀၇ မှ ယနေ့အထိ)

200 Series

အခြားအမည်	Toyota Roraima (Venezuela) Lexus LX 570
ထုတ်လုပ်သည့်ခုနှစ်	September 2007–present
မော်ဒယ်ခုနှစ်များ	2008–present
တပ်ဆင်သည့်နေရာ	တိုယိုတာ အော်တို ဘော်ဒီ တိုယိုတာမြို့၊ ဂျပန် တာဟာယာ၊ အအိချိ ၊ ဂျပန် တျန်ဂျင်း၊ တရုတ်
ဘော်ဒီစတိုင်လ်	တံခါး ၄ပေါက် အက်စ်ယူဗွီ
ပုံသဏ္ဌန်	ရှေ့အင်ဂျင် / ဖိုးဝှီးလ်ဒရိုက်ဗ်
အင်ဂျင်	ဓာတ်ဆီ: 4.0 L V6 1GR-FE ဓာတ်ဆီ 4.6 L V8 1UR-FE ဓာတ်ဆီ 4.7 L V8 2UZ-FE ဓာတ်ဆီ 5.7 L V8 3UR-FE ဓာတ်ဆီ တာဘိုဒီဇယ်: 4.5 L V8 1VD ဒီဇယ် တာဘို
ဂီယာ	၆ ချက် အော်တို ၅ ချက် အော်တို ၅ ချက် ရိုးရိုး
ဘီးအခြေ	၂၈၅၀ မီလီမီတာ
အရှည်	၄၉၅၀ မီလီမီတာ
အကျယ်	၁၉၇၀ မီလီမီတာ
အမြင့်	၁၈၈၀ မီလီမီတာ