တောက်တဲ့

တောက်တဲ့ Temporal range: Eocene to Recent PreЄ Є O S D C P T J K Pg N
Tokay Gecko (Gekko gecko), the most widespread species in this genus.
မျိုးရိုးခွဲခြားခြင်း
လောက:	Animalia
မျိုးပေါင်းစု:	Chordata
မျိုးပေါင်း:	Reptilia
မျိုးစဉ်:	Squamata
မျိုးရင်း:	Gekkonidae
မျိုးရင်းသေး:	Gekkoninae
မျိုးစု:	Gekko Laurenti, 1768
အမျိုးအစား မျိုးစိတ်
Lacerta Gecko လင်းနီးယပ်၊ ၁၇၅၈
မျိုးစိတ်များ
မျိုးစိတ် (၇၈)မျိုး

တောက်တဲ့ (ခေါ်) တက်တူ သည် သစ်ပင်များပေါ်တွင်နေလေ့ရှိသော ညဉ့်အခါ၌ အစာရှာသည့် တွားသွားသတ္တဝါတစ်မျိုးဖြစ်သည်။ အိမ်မြှောင်နှင့် မျိုးရင်းတူသည့်အပြင် ပုံပန်းသဏ္ဌာန်လည်းတူပြီး အရွယ်ပိုကြီးနေခြင်းသာဖြစ်သည်။ အိမ်မြှောင်များကဲ့သို့နံရံများ၊ မျက်နှာကြက်များပေါ်တွင် ကပ်နေနိုင်သည်။ "တောက်တဲ့၊ တောက်တဲ့" ဟုအော်မြည်လေ့ရှိသဖြင့် တောက်တဲ့ဟုခေါ်ခြင်းဖြစ်သည်။ လူနေအိမ်များတွင်တွေ့ရလေ့ရှိသော တောက်တဲ့ အား အင်္ဂလိပ်ဘာသာဖြင့် Tokay Gecko ဟုခေါ်​လေ၏။

ရိုးရာဆေးနည်းနှင့် ယုံကြည်ချက်များ

တရုတ်

အိမ်တောက်တဲ့သည် “ဂီဂျီး (蛤蚧)” ဟုခေါ်သော တရုတ်ရိုးရာဆေးတစ်မျိုးဖော်စပ်ရာတွင် ပါဝင်သော ပစ္စည်းတစ်ခုဖြစ်သည်။ ဆေးသိပ္ပံပညာအရ အထောက်အထားမပြနိုင်သော ယုံကြည်ချက်ဖြစ်သည့် ယင်းဆေး၏ အာနိသင်မှာ ကျောက်ကပ်နှင့် အဆုတ်တို့ကို အာဟာရဖြစ်စေသည်ဟု ယုံကြည်ကြခြင်းပင်ဖြစ်သည်။

ထို့ပြင် နောက်ထပ်အခြေအမြစ်မရှိသော ယုံကြည်ချက်တစ်ခုဖြစ်သည့် တောက်တဲ့သည် ခုခံအားကျဆင်းမှုရောဂါ(AIDS)ကို ကုသနိုင်သည်ဟု ယုံကြည်ကြခြင်းဖြစ်၏။ ယင်းအချက်ကြောင့်ပင် တောက်တဲ့များသည် တရုတ်နိင်ငံမှ အဝယ်များလာသောကြောင့် ဈေးကောင်းပြီး ရှားပါးကုန်ပြီဖြစ်သည်။

မြန်မာ

မြန်မာတို့၏ တောက်တဲ့နှင့်ပတ်သက်သည့် သက်သေနှင့် အခြေအမြစ်မရှိသော ယုံကြည်ချက်အချို့မှာ - တောက်တဲ့ချေးသည်အဆိပ်ရှိပြီး တောက်တဲ့နက်ချေးသည် ပို၍အဆိပ်ပြင်းသည်ဟူသော ယုံကြည်မှ တောက်တဲ့သည် လူ့အရေပြားပေါ် မတော်တဆကျရောက်လာပါ ပြန်ခွါ၍ မရနိုင်၊ မိုးခြိမ်းမှသာ ပြန်ကွာသည်ဟူသော လွှဲမှားသော ယုံကြည်ကြခြင်း ဖြစ်လေသည်။