ဒါနီယယ် ဇဲနတ်
ဒါနီယယ် ဇဲနတ် (ဂျာမန်: Daniel Sennert) သည် ဂျာမန် သမားတော်၊ အဂ္ဂိရတ်၊ ဓာတုဗေဒကဲ့သို့သော ပညာရပ်ဆိုင်ရာစာပေအများအပြားရေးသားသူတစ်ဦးဖြစ်၍ ဗစ်တန်ဘာ့ဂ် တက္ကသိုလ် (Wittenberg) တွင် ဆေးပညာ ပါမောက္ခတစ်ဦးအဖြစ် နှစ်ပေါင်းများစွာ ထမ်းရွက်ခဲ့သူတစ်ဦးဖြစ်သည်။
| ဒါနီယယ် ဇဲနတ် | |
|---|---|
 | |
| မွေးဖွား | ၁၅၇၂ နိုဝင်ဘာ ၂၅ Breslau, Habsburg Monarchy |
| ဆုံးပါး | ၁၆၃၇ ဇူလိုင် ၂၁ ဗစ်တန်ဘာ့ဂ်မြို့ |
| နိုင်ငံလူမျိုး | ဂျာမန် |
| နယ်ပယ် | ဆေးပညာ |
| အဖွဲ့အစည်းဌာန | ဗစ်တန်ဘာ့ဂ် တက္ကသိုလ် |
| ပညာရေး | ဗစ်တန်ဘာ့ဂ် တက္ကသိုလ် |
| ကြီးကြပ်သူများ | Jan Jesenius |
| တပည့်ကျော်များ | Werner Rolfinck |
ကိုယ်ရေးအချက်အလက်
ပြင်ဆင်ရန်ဒါနီယယ် ဇဲနတ်ကို ၁၅၇၂ တွင် ဘရဲဆလောင် (Breslau; ယခု ပိုလန်ရှိ ဗရော့စဝ(ဖ်)မြို့ (Wrocław)) တွင် မွေးဖွားခဲ့သည်။ မြို့သည် ထိုအချိန်က ဟဘ်စဘာ့ဂ် မင်းဆက်အောက်တွင်ဖြစ်၏ ။ ဖခင်ဖြစ်သူမှာ ဖိနပ်ချုပ်သူတစ်ဦးဖြစ်သည်။
ဗစ်တန်ဘာ့ဂ် တက္ကသိုလ်သို့ တက်ရောက်ပညာသင်ကြားခဲ့ကာ ၁၅၉၈ တွင် မဟာဘွဲ့၊ ၁၆၀၁ တွင် ဆေးပညာဘွဲ့တို့ ရရှိခဲ့သည်။ အစောပိုင်းလက်ရာအဖြစ် အဂ္ဂိရတ်သီအိုရီ ရှောင်ရှားခြင်းနှင့် အရစ္စတိုယ်ဝါဒ လက်ခံခြင်း တို့ကို ဖော်ထုတ်သရုပ်ပြခဲ့သည်။ သို့ရာတွင် ဆေးပညာဘွဲ့ရရှိပြီး ဆယ်နှစ်အတွင်း၌ သတ္တုများတစ်ခုမှ တစ်ခုသို့ အသွင်ပြောင်းခြင်း၊ စမ်းသပ်ခြင်း အယူအဆကို လက်ခံခဲ့လေသည်။[၁] အဂ္ဂိရတ်နှင့် ဓာတုဗေဒဆိုင်ရာ ကျမ်းအများအပြား ထုတ်ဝေခဲ့၍ အချို့ကို ပြန်လည်ထုတ်ဝေခြင်းများ၊ ဘာသာပြန်ခြင်းများ ရှိခဲ့သည်။ ဗစ်တန်ဘာ့ဂ် တက္ကသိုလ် ဆေးပညာမဟာဌာနတွင် ဌာနမှူးအဖြစ် ခြောက်ကြိမ်တိုင် တာဝန်ထမ်းဆောင်ခဲ့ပြီး အထက်တန်းလွှာ၊ မင်းမျိုးမင်းနွယ်များ၏ သမားတော်အဖြစ်လည်း တာဝန်ယူခဲ့သည်။ ဗစ်တန်ဘာ့ဂ်မြို့၌ပင် ၁၆၃၇ ၌ ပလိပ်ရောဂါဖြင့် ကွယ်လွန်ခဲ့သည်။[၂]
ကိုးကား
ပြင်ဆင်ရန်- ↑ Newman၊ William Royall (2006)။ Atoms and alchemy: chymistry and the experimental origins of the scientific revolution။ University of Chicago Press။ ISBN 978-0-226-57697-8။ 7 March 2011 တွင် ပြန်စစ်ပြီး။
- ↑ The Galileo Project။
 | ဤ အတ္ထုပ္ပတ္တိ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |