ဒုတိယ မဟာရာဇဝင်တော်ကြီး

ဒုတိယ မဟာရာဇဝင်တော်ကြီး သည် မြန်မာနိုင်ငံ၊ ကုန်းဘောင်ခေတ်တွင် ထွက်ပေါ်ခဲ့သော ဒုတိယမြောက် မြန်မာရာဇဝင်ကျမ်း ဖြစ်သည်။ မှန်နန်း ရာဇဝင် ၏ ဒုတိယအပိုင်းဖြစ်ပြီး ဗြိတိသျှတို့နှင့် ဖြစ်ပွားခဲ့သော စစ်ပွဲနှစ်ခု အပါအဝင် ၁၈၂၁ ခုနှစ်မှ ၁၈၅၄ ခုနှစ်အထိ ဖြစ်ရပ်များ ပါဝင်သည်။

ဒုတိယ ရာဇဝင်

ယခု ကုန်းဘောင်ဆက် ရာဇဝင်၏ ဒုတိယတွဲ အနေဖြင့် ထုတ်ဝေ
စာရေးသူ	တော်ဝင်သမိုင်း ကော်မရှင်
မူလခေါင်းစဉ်	ဒုတိယ မဟာ ရာဇဝင်တော်ကြီး
နိုင်ငံ	မြန်မာ့ဘုရင့်နိုင်ငံတော်
ဘာသာစကား	မြန်မာ
အတွဲ	မြန်မာရာဇဝင်ကျမ်းများ
အမျိုးအစား	ရာဇဝင်၊ သမိုင်း
ထုတ်ဝေသည့်ရက်	၁၈၆၉
စာမျက်နှာ	၁၀ တွဲ
ယခင်စာအုပ်	မှန်နန်း ရာဇဝင်
နောက်ထွက်စာအုပ်	ကုန်းဘောင်ဆက် မဟာရာဇဝင်တော်ကြီး

ပုံနှိပ်ခြင်းများ

ဒုတိယ ရာဇဝင်ကျမ်းကို ၁၈၆၉ ခုနှစ်တွင် ပထမအကြိမ် ထုတ်ဝေခဲ့သည်။ ယခုအခါ ယင်းကို ကုန်းဘောင်ဆက် ရာဇဝင်၏ ဒုတိယတွဲအနေဖြင့် ထုတ်ဝေထားသည်။ ကုန်းဘောင်ဆက် ရာဇဝင်တွင် အတွဲသုံးတွဲရှိပြီး ပထမတွဲ (၁၇၅၂–၁၈၂၁)၊ ဒုတိယတွဲ (၁၈၂၁–၁၈၅၄)၊ နှင့် တတိယတွဲ (၁၈၅၄–၁၈၈၅) တို့ ဖြစ်သည်။

အကျဉ်းချုပ်

ဤရာဇဝင်ကျမ်း ရေးသားခြင်းကို ဒုတိယ အင်္ဂလိပ် - မြန်မာစစ် (၁၈၅၂) အပြီး ၁၅ နှစ်အကြာ ၁၈၆၇ ခုနှစ်တွင် တော်ဝင်သမိုင်း ကော်မရှင် မှ စတင်ခဲ့သည်။ မင်းတုန်းမင်းသည် မှန်နန်းရာဇဝင် အား ပြင်ဆင်ဖြည့်စွက်ရန် အခြား ကော်မရှင်တစ်ခုအား တာဝန်ပေးခဲ့သည်။ ကော်မရှင်တွင် အဖွဲ့ဝင် ၅ ဦး ပါဝင်သည်။ ပထမ အင်္ဂလိပ် - မြန်မာစစ် (၁၈၂၄–၁၈၂၆) မတိုင်မီ ၁၈၂၁ ခုနှစ်တွင် ပထမကော်မရှင်အဖွဲ့ ရပ်နားပြီးနောက် ဒုတိယကော်မရှင်အဖွဲ့အနေဖြင့် ဆိုးရွားသော စစ်ပွဲနှစ်ခုအကြောင်းကို ရေးသားကိုင်တွယ်ခဲ့ရသည်။ ကော်မရှင်သည် ရာဇဝင်ကျမ်းအား ဒုတိယစစ်ပွဲ အပြီး ၁၈၅၄ ခုနှစ်အထိ ဖြည့်စွက်ခဲ့သည်။ ဒုတိယရာဇဝင်ကျမ်းတွင် စစ်ပွဲနှစ်ခုအကြောင်းကို အပြည့်အစုံ ထည့်သွင်းရေးသားထားသည်။ အတွဲ ၁၀ တွဲပါဝင်သော ဒုတိယရာဇဝင်ကျမ်းသည် ၁၈၆၉ ခုနှစ်တွင် အပြီးသတ် ပြီးစီးခဲ့သည်။

ကိုးကား

• Allot၊ Anna (1989)။ Patricia Herbert, Anthony Crothers Milner (ed.)။ South-East Asia: Languages and Literatures : a Select Guide။ University of Hawaii Press။ ISBN 9780824812676။
• လှဘေ၊ ဦး (၁၉၈၅)။ Burma: Literature, Historiography, Scholarship, Language, Life, and Buddhism။ Singapore: Institute of Southeast Asian Studies။ ISBN 9789971988005။
• ထင်အောင်၊ မောင် (၁၉၇၆)။ A History of Burma။ New York and London: Cambridge University Press။
• ခင်မောင်ညွန့် (၂၀၀၉)။ The Second Myanmar Historical Commission။ Association of Myanmar Archaeologists။