ဒေတာရွှေ့ပြောင်းခြင်း

ဒေတာရွှေ့ပြောင်းခြင်း ဆိုသည်မှာ ကွန်ပျူတာ သိုလှောင်မှု စနစ်တစ်ခုမှ ဒေတာကို အခြားစနစ်တစ်ခုသို့ ရွေးချယ်ခြင်း၊ ပြင်ဆင်ခြင်း၊ ထုတ်ယူခြင်းနှင့် အသွင်ပြောင်း ခြင်း အပြင် အပြီးအပိုင် လွှဲပြောင်း ပေးခြင်း လုပ်ငန်းစဉ်ဖြစ်သည်။ ထို့အပြင် ရွှေ့ပြောင်းထားသောဒေတာ၏တရားဝင်မှုကို ပြည့်စုံစေရန်နှင့် မူရင်းဒေတာ သိမ်းဆည်းခြင်းအား ဖျက်သိမ်းခြင်းကို ဒေတာရွှေ့ပြောင်းခြင်းလုပ်ငန်းစဉ်တစ်ခုလုံး၏ တစ်စိတ်တစ်ပိုင်းအဖြစ် ယူဆပါသည်။

ယေဘူယျအားဖြင့် ဒေတာရွှေ့ပြောင်းခြင်းဆိုသည်မှာ သမရိုးကျ မူရင်းစနစ်၏ မူရင်းဒေတာအရင်းအမြစ်မှ ဒေတာများကို သတ်မှတ်ထားသော စနစ်သစ်၏ ဒေတာအရင်းအမြစ်ထဲသို့ ရွှေ့ပြောင်းသော လုပ်ငန်းစဉ် တခုဖြစ်ပါသည်။ ဒေတာ ရွှေ့ပြောင်းခြင်းကို စနစ်တခု တည်ဆောက်ခြင်း၊ အဆင့်မြှင့်တင်ခြင်း သို့မဟုတ် စုစည်းမှုများအတွက် အဓိက ထည့်သွင်းစဉ်းစားထားပြီး တတ်နိုင်သမျှ အလိုအလျောက်ဖြစ်စေရန်၊ လူသားအရင်းအမြစ်များကို ပင်ပန်းသောအလုပ်များမှ လွတ်မြောက်စေရန်အတွက် လုပ်ဆောင်ပါသည်။ ဆာဗာ သို့မဟုတ် သိုလှောင်ကိရိယာ အစားထိုးခြင်း၊ ပြုပြင်ထိန်းသိမ်းခြင်း သို့မဟုတ် အဆင့်မြှင့်တင်ခြင်း၊ အက်ပ်လီကေးရှင်း ရွှေ့ပြောင်းခြင်း ၊ ဝဘ်ဆိုက် စုစည်းခြင်း၊ ဘေးအန္တရာယ်များမှ ပြန်လည်ရယူခြင်းနှင့် ဒေတာစင်တာ နေရာချထားခြင်း စသည့်ဖြင့် အကြောင်းအမျိုးမျိုးကြောင့် ဒေတာရွှေ့ပြောင်းခြင်း ပြုလုပ်ကြပါသည်။

စီစဉ်ခြင်း - ပြောင်းရွှေ့မည့်ဒေတာ၊ အပ်ပလီကေးရှင်းများကို လုပ်ငန်း၊ ပရောဂျက်နှင့် နည်းပညာ လိုအပ်ချက်များပေါ် အခြေခံ၍ ရွေးချယ်သည်။ ဒေတာ ရှင်းလင်းခြင်းနှင့် ပြောင်းလဲခြင်း လိုအပ်ချက်များကို ဒေတာအရည်အသွေး မြှင့်တင်ရန်နှင့် မလိုအပ်သော သို့မဟုတ် အသုံးမပြုတော့သော အချက်အလက်များကို ဖယ်ရှားနိုင်ရန် ဒေတာ ဖော်မတ်များအတွက် တိုင်းတာပါသည်။

ရွှေ့ပြောင်းခြင်း - ဟာ့ဒ်ဝဲနှင့် ဆော့ဖ်ဝဲလ်လိုအပ်ချက်များကို သတ်မှတ်ထားပြီး ရွှေ့ပြောင်းခြင်း လုပ်ငန်းစဉ်များကို လိုအပ်သလို စိတ်ကြိုက်ပြင်ဆင်သည်။

ရွှေ့ပြောင်းခြင်းပြီးနောက်- ဒေတာရွှေ့ပြောင်းခြင်းပြီးနောက်၊ ဒေတာများကို တိကျစွာဘာသာပြန်ထားခြင်း၊ ပြီးပြည့်စုံခြင်း ရှိ၊ မရှိ ဆုံးဖြတ်ရန်နှင့် စနစ်သစ်ရှိ လုပ်ငန်းစဉ်များကို ပံ့ပိုးပေးနိုင်ခြင်းရှိမရှိ စသည်တို့ကို ဆုံးဖြတ်ရန် ရလဒ်များကို ဒေတာစိစစ်မှု ပြုလုပ်ရပါမည်။ စိစစ်နေစဉ်အတွင်း ကွာဟမှုများကို ခွဲခြားသတ်မှတ်ရန်နှင့် မှားယွင်းသော ဒေတာဆုံးရှုံးမှုများမှ ကာကွယ်ရန်အတွက် စနစ်နှစ်ခုလုံးတပြိုင်နက် လုပ်ဆောင်ရန် လိုအပ်နိုင်သည်။

အားနည်းချက်များ

• အချိန်ကုန်ခြင်း - ရွှေ့ပြောင်းခြင်းဆိုသည်မှာ မီဒီယာတစ်ခုတွင် သိမ်းဆည်းထားသည့် ဒေတာအရာဝတ္တုအားလုံးအတွက် ကြားခံတစ်ခုခေတ်လွန်ချိန်ရောက်တိုင်း ထပ်ခါတလဲလဲလုပ်ဆောင်ရမည့် စဉ်ဆက်မပြတ်လုပ်ငန်းစဉ်တစ်ခုဖြစ်သည်။
• ငွေကုန်ကြေးကျများ - အဖွဲ့အစည်းတစ်ခုသည် ပြောင်းရွှေ့မှုတစ်ခုစီတွင် ဒေတာသိုလှောင်မှုမီဒီယာကို ထပ်မံဝယ်ယူရပါမည်။

ကိုးကား