နိရာမိသသုတ်
[၁] ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးတော်မူစဉ် (က)ပီတိသုံးမျိုး၊ (ခ) သုခသုံးမျိုး၊ (ဂ) ဥပေက္ခာသုံးမျိုး၊ (ဃ) ဝိမောက္ခသုံးမျိုးတို့ကို ဥဒ္ဒေသ, နိဒ္ဒေသအားဖြင့် အကျယ်ဝေဖန်၍ ရဟန်းတို့အား ဘုရားရှင် ဟောတော်မူသည့်သုတ်။
အဋ္ဌကထာ, ဋီကာတို့၌ မှတ်သားဖွယ် ဖွင့်ဆိုချက်များ ရှိပါသည်။ [၂]
နိရာမိသသုတ်
ပြင်ဆင်ရန်[၃] ၅-ပါး အာရုံ ကာမဂုဏ်ကိုစွဲ၍ဖြစ်သော ပီတိ, သုခ, ဥပေက္ခာတို့ကို ကိလေသာအာမိသရှိသော ပီတိ, သုခ, ဥပေက္ခာတို့ဟူ၍လည်းကောင်း, ရုပ်နှင့်စပ်သော လွတ်မြောက်မှု “ဝိမောက္ခ"ကို ကိလေသာအာမိသရှိသော ဝိမောက္ခဟူ၍လည်းကောင်း,
ပဌမဈာန်, ဒုတိယဈာန်ဝင်စားသော ရဟန်း အားဖြစ်သော ပီတိ၊ ပဌမဈာန်, ဒုတိယဈာန်, တတိယဈာန်-ဝင်စားသော ရဟန်းအားဖြစ်သော သုခ၊ စတုတ္ထဈာန်ဝင်စားသော ရဟန်း အားဖြစ်သော ဥပေက္ခာ နာမ်နှင့်စပ်သော လွတ်မြောက်မှု “ဝိမောက္ခ"တို့ကို ကိလေသာ အာမိသမရှိသော ပီတိ, သုခ, ဥပေက္ခာ, ဝိမောက္ခတို့ဟူ၍လည်းကောင်း,
ရာဂ, ဒေါသ, မောဟတို့မှ လွတ်မြောက်ခြင်းကို ဆင်ခြင်သော ရဟန္တာပုဂ္ဂိုလ်အားဖြစ်သော ပီတိ, သုခ, ဥပေက္ခာ, ဝိမောက္ခတို့ကို ကိလေသာ အာမိသမရှိသည်ထက် ကိလေသာအာမိသ မရှိသော ပီတိ, သုခ, ဥပေက္ခာ, ဝိမောက္ခ တို့ဟူ၍၎င်း ရဟန်းတို့အား ဘုရာရှင်ဟောပြ ရာသုတ်။) [၄] [၅]
ကိုးကား
ပြင်ဆင်ရန်- ↑ -သံ၊၃၊၄၃၃-၅။ သံ၊မြန်၊၃၊၄၂၈-၄၃၁။ သံ၊ဋ္ဌ၊၃၊၁၂၄။ သံ၊ဋီ၊၂၊၃၆၂-၃။ -သံယုတ္တနိကာယ၊ သဠာယတနဝဂ္ဂ၊ ၂-ဝေဒနာသံယုတ္တ၊ ၃-အဋ္ဌသတ ပရိယာယဝဂ္ဂ၊ ဧကာဒသမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ
- ↑ နိရာမိသသုတ္တ(န) [နိရာမိသ + သုတ္တ။ (နိရာ–မိပသုတြ-သံ)] နိရာမိသသုတ်။
- ↑ သံယုတ္တနိကာ၊ သဠာယတနဝဂ္ဂသံယုတ္တပါဠိ၊ ၂-သံယုတ်၊ ၃-ဝဂ်၊ ၁၁-သုတ်။ သံ၊၂၊၄၃၃-၅။ သံ၊ဋ္ဌ၊၃၊၁၂၄။
- ↑ တိပိဋကအဘိဓာန် အတွဲ-၁၂