ပိုလီတက္ကနစ်တက္ကသိုလ် (မြိတ်)

ပိုလီတက္ကနစ်တက္ကသိုလ် (မြိတ်) (ယခင် နည်းပညာတက္ကသိုလ်(မြိတ်))သည် မြန်မာနိုင်ငံ၊ တနင်္သာရီတိုင်းဒေသကြီး၊ မြိတ်မြို့နယ်၊ ကျောက်ဖျာကျေးရွာအုပ်စု၊ ကဘင်းရွာတွင် တည်ရှိပြီး ဧက ၁၀၇.၈၉ ကျယ်ဝန်းသည်။ ၁၉၉၉ ခုနှစ် အောက်တိုဘာ ၂၇ တွင် အစိုးရနည်းပညာသိပ္ပံအဖြစ် စတင်ဖွင့်လှစ်ခဲ့ပြီး ၂၀၀၂ ခုနှစ် ဇန်နဝါရီတွင် အစိုးရနည်းပညာကောလိပ်အဖြစ် အဆင့်မြှင့်တင်ခဲ့သည်။ ၂၀၀၇ ခုနှစ် ဇန်နဝါရီတွင် တက္ကသိုလ်အဆင့်သို့ တိုးမြှင့်ခဲ့သည်။ ၂၀၁၉ တွင် ဆရာ၊ ဆရာမဦးရေ ၉၅ ဦးနှင့် ကျောင်းသားဦးရေ ၇၃၅ ဦးရှိသည်။

၂၀၂၄ ခုနှစ် နိုဝင်ဘာလ ၂၁ ရက်နေ့တွင် မြိတ်ကွန်ပျူတာတက္ကသိုလ်နှင့် မြိတ်နည်းပညာတက္ကသိုလ်နှစ်ခုအား ပူးပေါင်းကာ ပိုလီတက္ကနစ်တက္ကသိုလ် (မြိတ်) အဖြစ် ဖွင့်လှစ်ခဲ့သည်။

သင်ကြားရေးဌာနများ

• မြို့ပြအင်ဂျင်နီယာဌာန
• အီလက်ထရွန်းနစ်နှင့် ဆက်သွယ်ရေးအင်ဂျင်နီယာဌာန
• လျှပ်စစ်စွမ်းအားအင်ဂျင်နီယာဌာန
• စက်မှုအင်ဂျင်နီယာဌာန
• စာပေဘာသာရပ်ဌာများ (မြန်မာစာနှင့် အင်္ဂလိပ်စာ)
• ဓာတုဗေဒဌာန
• ရူပဗေဒဌာန
• သင်္ချာဌာန

သင်တန်းများ

စဉ်	ဘွဲ့ကြိုသင်တန်းများ	ဘွဲ့ဒီဂရီ	သင်တန်းကာလ
၁	မြို့ပြအင်ဂျင်နီယာဒီပလိုမာ	A.G.T.I	၂ နှစ်
၂	လျှပ်စစ်စွမ်းအားအင်ဂျင်နီယာဒီပလိုမာ	A.G.T.I	၂ နှစ်
၃	စက်မှုအင်ဂျင်နီယာဒီပလိုမာ	A.G.T.I	၂ နှစ်
၄	အီလက်ထရွန်းနစ်နှင့် ဆက်သွယ်ရေးအင်ဂျင်နီယာဒီပလိုမာ	A.G.T.I	၂ နှစ်

စဉ်	ဘွဲ့သင်တန်းများ	ဘွဲ့ဒီဂရီ	သင်တန်းကာလ
၁	အင်ဂျင်နီယာဘွဲ့ (မြို့ပြ)	B.E	၆ နှစ်
၂	အင်ဂျင်နီယာဘွဲ့ (လျှပ်စစ်စွမ်းအား)	B.E	၆ နှစ်
၃	အင်ဂျင်နီယာဘွဲ့ (စက်မှု)	B.E	၆ နှစ်
၄	အင်ဂျင်နီယာဘွဲ့ (အီလက်ထရွန်းနစ်နှင့် ဆက်သွယ်ရေး)	B.E	၆ နှစ်