ဖုန်ကန်ရာဇီ တောရိုင်းတိရစ္ဆာန် ဘေးမဲ့တော

ဖုန်ကန်ရာဇီ တောရိုင်းတိရစ္ဆာန် ဘေးမဲ့တောသည် မချမ်းဘောမြို့၊ ပူတာအိုမြို့နှင့် နောင်မွန်းမြို့နယ်များအတွင်း ကချင်ပြည်နယ်တွင် တည်ရှိသည်။

တည်နေရာ

မြောက်လတ္တီတွဒ်၂၇°၃၈'၊ အရှေ့လောင်ဂျီတွဒ် ၉၇°၁၆'၊မချမ်းဘောမြို့၊ ပူတာအိုမြို့နှင့် နောင်မွန်းမြို့နယ်များအတွင်း ကချင်ပြည်နယ်တွင် တည်ရှိသည်။ စတုရန်းကီလိုမီတာ ၂၇၀၃.၉၅ ကျယ်ဝန်းပြီး၊ ၂၀၀၃ ခုနှစ်တွင် စတင်တည်ထောင်ခဲ့သည်။

သဘာဝအရင်းအမြစ်များ

တောင်ပေါ်တော(ထင်းရှူး)၊ ရွက်ကြွေတော၊Alpine Shrubs၊Mountainous Temperate Forest သစ်တောအမျိုးအစားများ ပေါက်ရောက်ကြသည်။ ချေ၊ (ဂျီ)၊ မျောက်လွှဲကျော်မျက်ခုံးဖြူ(Eastern Hoolock Gibbon)၊တောင်ဆိတ်နီ(Red Goral)၊မြွေပါ(Small Asian Mongoose)၊ တောခွေးနှင့် ငှက်မျိုးစိတ်တချို့ ကျက်စားနေထိုင်ကြသည်။

ခရီးသွားလာရေးလုပ်ငန်းများ

လမ်းပန်းဆက်သွယ်ရေး

• ရန်ကုန်-မြစ်ကြီးနား လေယာဉ်ဖြင့် (၁)နာရီ
• မြစ်ကြီးနား-ပူတာအို လေယာဉ်ဖြင့် (၂၅)မိနစ်
• ပူတာအို- ရှန်ဂေါင်းရွာ ကားဖြင့်(၂၀)မိနစ်
• ရှန်ဂေါင်းရွာ- ဖုန်ကန်ရာဇီတောင် ခြေလျင် (၃)ညအိပ်ခရီး

ကြည့်ရှုလေ့လာနိုင်သောအခွင့်အလမ်းများ

• ငှက်မျိုးစိတ်(၃၇၀)မျိုး၊ လိပ်ပြာမျိုးစိတ်(၃၆၀)မျိုး၊ ကုန်းနေရေနေနှင့် တွားသွားသတ္တဝါ (၈၂)မျိုးတို့အား လေ့လာနိုင်ခြင်း၊
• ဆောင်းကာလ ဆီးနှင်းဖုံးတောင်ပေါ် သဘာဝရှုခင်း၊ သဘာဝတောင်ပေါ် ထင်းရှူးတော၊ တောင်ဇလပ်တောများတွင် လေ့လာခံစားနိုင်ခြင်း၊
• တောတွင်း ဖောင်စီး ခရီးကြမ်းသွားလာခံစားနိုင်ခြင်း၊
• ဖုန်ကန်ရာဇီဒေသ ဇီဝမျိုးစုံမျိုးကွဲလေ့လာနိုင်ခြင်းနှင့် သုတေသနပြုနိုင်ခြင်း။

ကိုးကား

1. မြန်မာနိုင်ငံရှိ ဇီဝမျိုးစုံမျိုးကွဲများကြွယ်ဝမှု၊ သစ်တောဦးစီးဌာန Archived 23 October 2014 at the Wayback Machine.
2. ဖုန်ကန်ရာဇီ တောရိုင်းတိရစ္ဆာန် ဘေးမဲ့တော
3. Report: Myanmar Protected Area (2011)