ဖောင်ဝပ်
ဖောင်ဝပ် (အင်္ဂလိပ်: Formwork) ဆိုသည်မှာ အဆောက်အအုံ တစ်ခုဆောက်လုပ်ခြင်း၌ ကွန်ကရစ်လောင်းရာတွင် လိုအပ်သော ပုံသဏ္ဌာန်ရစေရန် သစ်သား သို့မဟုတ် အလားတူပစ္စည်းများဖြင့် ဆင်ထားသော ပုံလောင်းခွက် ဖြစ်သည်။
အမျိုးအစားများ
ပြင်ဆင်ရန်ဖောင်ဝပ်များကို သစ်သား၊ သတ္တု၊ ပလပ်စတစ်၊ သို့မဟုတ် ပေါင်းစပ်ပစ္စည်းများ စသည်တို့ဖြင့် ပြုလုပ်သည်။
- ရိုးရာသစ်သားဖောင်ဝပ် (Traditional timber formwork)။ ဖောင်ဝပ်ကို သစ်သား၊ အထပ်သား သို့မဟုတ် အစိုဓာတ်ခံနိုင်သော ကြိတ်သားတို့ဖြင့် လုပ်ငန်းခွင်တွင် တပ်ဆင်လေ့ရှိသည်။ တပ်ဆင်ရလွယ်ကူသော်လည်း ကြီးမားသော အဆောက်အဦးများအတွက် အချိန်ပေးရပြီး အထပ်သားအသုံးပြုခြင်းသည် ကြာရှည်မခံနိုင်ပေ။ ပြန်လည်အသုံးပြုနိုင်သော ဖောင်ဝပ်အတွက် ကုန်ကျစရိတ်နည်းပါးသဖြင့် အသုံးပြုနေဆဲဖြစ်သည်။
- အင်ဂျင်နီယာဖောင်ဝပ်စနစ် (Engineered Formwork System)။ ဤဖောင်ဝပ်ကို သတ္တုဖရိန် (သံမဏိ သို့မဟုတ် အလူမီနီယမ်) ဖြင့် အသင့်ပုံထုတ်ထားသော မော်ဂျူးအစိတ်အပိုင်းများဖြင့် တည်ဆောက်သည်။ အဓိကကောင်းကျိုးနှစ်ခုမှာ ရိုးရာသစ်သားဖောင်ဝပ်နှင့် နှိုင်းယှဉ်ပါက အချိန်ကုန်သက်သာခြင်းနှင့် သက်တမ်းတိုကုန်ကျစရိတ် နည်းပါးခြင်းတို့ ဖြစ်သည်။ သတ္တုဖောင်ဝပ်စနစ်များသည် ရိုးရာသစ်သားဖောင်ဝပ်များထက် ဆွေးမြေ့ခြင်းနှင့် မီးဘေးအန္တရာယ်တို့မှ ပိုမိုကာကွယ်မှုပေးသည်။
- ပြန်လည်အသုံးပြုနိုင်သော ပလပ်စတစ်ဖောင်ဝပ် (Re-usable plastic formwork)။ အချင်းချင်း ချိတ်ဆက်ထားသော မော်ဂျူးအစိတ်အပိုင်းများကို ဆောက်လုပ်ရေးတွင် ကျယ်ကျယ်ပြန့်ပြန့်အသုံးပြုကြသည်။ အစိတ်အပိုင်းများသည် ပေါ့ပါးပြီး တောင့်တောင့်တင်းတင်းရှိသည်။ ကုန်ကျစားရိတ်နည်းသော၊ ပုံစံတူအရာဝတ္ထုများ၊ အိမ်များကို ဆောက်လုပ်ရာတွင် အသုံးပြုလေ့ရှိသည်။
- အမြဲသုံးအဖုံးပါ ဖောင်ဝပ် (Permanent Insulated Formwork)။ ဤဖောင်ဝပ်ကို လုပ်ငန်းခွင်တွင် insulating concrete forms (ICF) များဖြင့် တပ်ဆပ်လေ့ရှိသည်။ ကွန်ကရစ်လောင်းပြီးချိန်တွင် ဖောင်ဝပ်အား ပြန်လည်မဖြုတ်ဘဲ ထားရှိခဲ့သည့်အတွက် မြန်ဆန်ခြင်း၊ ခိုင်ခံ့ခြင်း၊ အပူခံနိုင်ခြင်း စသည့် အကျိုးကျေးဇူးများ ရရှိသည်။
- နေသားတကျဖြစ်စေသော ဖောင်ဝပ်စနစ် (Stay-In-Place structural formwork systems)။ ဤဖောင်ဝပ်ကို အသင့်ထုတ်လုပ်ထားသော ဖိုင်ဘာထပ်ပိုးပလပ်စတစ် ပုံစံများဖြင့် လုပ်ငန်းခွင်တွင် တပ်ဆင်လေ့ရှိသည်။ အခေါင်းပေါက်ပါသော ပိုက်လုံးများကို တိုင်များအနေဖြင့် အသုံးပြုလေ့ရှိသည်။ ဖောင်ဝပ်သည် ကွန်ကရစ်လောင်းပြီးချိန်တွင် ထောက်တိုင်အနေဖြင့်ကျန်ရှိသည်။
- ပြောင်းလွယ်ပြင်လွယ်ရှိသော ဖောင်ဝပ် (Flexible formwork)။ အထက်တွင် ဖော်ပြထားသော ကြွပ်ဆပ်သည့် ပုံစံခွက်များနှင့် နှိုင်းယှဉ်ပါက ပြောင်းလွယ်ပြင်လွယ်ရှိသော ဖောင်ဝပ်များသည် ပေါ့ပါးပြီး ခိုင်ခံ့သော အစိတ်အပိုင်းများကြောင့် ပိုမိုကောင်းမွန်သော၊ ဗိသုကာအရ စိတ်ဝင်စားဖွယ်ကောင်းသော အဆောက်အဦးပုံစံများကို ဖန်တီးပေးနိုင်သည်။[၁]
ကိုးကား
ပြင်ဆင်ရန်- ↑ Orr, J. J., Darby, A. P., Ibell, T. J., Evernden, M. C. and Otlet, M., 2011. Concrete structures using fabric formwork. The Structural Engineer, 89 (8), pp. 20-26.
 | ဤ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |