ဘူတဒါမရမုဒြာ

ဤ မုဒြာကို ဆင်တူပြုထားသော အခြား တြိလောကဝိဇယမုဒြာလည်း ရှိသေးသည်။

လက်နှစ်ဘက်ကို ရင်ဘတ် ရှေ့တည့်တည့်လောက်တွင် ယှက်ထားပြီးလျှင် လက်ဝါးများကို ပြင်ဘက်သို့ လှန်ပြထားသော လက်ဟန်မျိုးဖြစ်သည်။ လက်ထဲတွင် တစုံတရာ ကိုင်ဆောင်ထားခြင်းမရှိချေ။ တခါတရံ တခုခုကို ကိုင်ထားသော်လည်းအံ့ဩ ထူးဆန်းသော အနက်သဘောကို ဆောင်နေပါက ဘူတဒါမရမုဒြာပင် ဖြစ်ပေသည်။

ပုံစံအားဖြင့် ဝဇီရပါဏိရုပ်တုတွင် ဤမုဒြာဖြင့် တွေ့ရှိရပါသည်။

အဗ္ဘုတရသ, ဝီရရသတို့ကို ပေါ်လျှင်စေသည်။

ပညာပါရမီ, ဝီရိယပါရမီစခန်းများသို့ ညွှန်ပြထားပေသည်။