မိတ္တသုတ်

(၈)သုတ် ရှိပါသည်။

ဘုရားရှင် ကောသလနိုင်ငံ ... သီတင်းသုံးတော်မူနေစဉ် အညတရနတ်သား၏ မေးလျှောက်ချက်အရ ခရီးသွားသူ၏ အဆွေခင်ပွန်းသည် အတူခရီးသွားဖော်၊ မိခင်သည် မိမိအိမ်၌ အဆွေခင်ပွန်း၊ သူငယ်ချင်းသည် ပြုဖွယ်ကိစ္စရှိသူ၏အဆွေခင်ပွန်း၊ တမလွန်ဘဝ၌ အဆွေခင်ပွန်းသည် အဖန်ဖန်ကိုယ်တိုင်ပြုလုပ်အပ်သောကောင်းမှုဟု ဘုရားရှင် ဟောတော်မူသည့်သုတ်။

အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များရှိပါသည်။

---

ဘုရားရှင် ကောသလနိုင်ငံ ... သီတင်းသုံးတော်မူနေစဉ် မိမိစကားကို နားထောင် နာယူကြသော မိတ်ဆွေ၊ အဆွေခင်ပွန်း၊ ဆွေမျိုးသားချင်း မိမိစကားကို နားထောင်ကြသူတို့ကို သတိပဋ္ဌာန်လေးပါးတို့ကို ပွားများခြင်းငှာ ဆောက်တည်စေ အပ်၊ သက်ဝင် စေအပ်၊ စွဲမြဲစွာတည်စေအပ်သောအားဖြင့် ချီးမြှောက်ကြရမည်ဟု ရဟန်းတို့အား အကျယ်အားဖြင့် ဘုရားရှင်ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူနေစဉ် မိမိစကားကို နား ထောင်ကြသော မိတ်ဆွေ၊ အဆွေခင်ပွန်း၊ ဆွေမျိုးသားချင်းတို့အား သစ္စာလေး ပါးကို မှန်ကန်စွာသိစေသောအားဖြင့် ထိုးထွင်း၍ သိမြင်စေရန်တိုက်တွန်းအပ်၊ သက်ဝင်၍ တည်စေအပ်၊ စွဲစွဲမြဲမြဲတည်စေသောအားဖြင့် ချီးမြှောက်ရမည်ဟု ရဟန်းတို့အား ဘုရားရှင်ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူနေစဉ် မှီဝဲပေါင်းသင်း ရမည့် မိတ်ဆွေကောင်း၏ အရည်အချင်းသုံးမျိုးကို ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူစဉ် မမှီဝဲမပေါင်းသင်းထိုက် သောမိတ်ဆွေ၏ ဓမ္မငါးမျိုးနှင့် မှီဝဲပေါင်းသင်းထိုက်သော မိတ်ဆွေ၏ အရည်အချင်း ငါးမျိုးတို့ကို ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူစဉ် ယုတ်မာသော မိတ်ဆွေ၊ အပေါင်းအသင်းတို့ကို ထဲထဲဝင်ဝင် မှီဝဲဆည်းကပ် အကြိမ်များစွာဆက်ဆံသောသူသည် ထိုသူယုတ်မာတို့၏ အမူအရာ အပြုအမူတို့ကို အတုလိုက်၍ကျင့် သုံးခြင်းကြောင့် အကျိုးစီးပွား ဆုတ်ယုတ်ပျက်စီးပုံ။

မိတ်ဆွေကောင်း၊ အပေါင်းအသင်းကောင်းတို့ကို ထဲထဲဝင်ဝင် မှီဝဲဆည်းကပ် အကြိမ်များဆက်ဆံသောပုဂ္ဂိုလ်သည် ထိုသူတော်ကောင်းတို့၏ အမူအရာ အပြုအမူတို့ကို အတုလိုက်၍ပြုကျင့်ခြင်းကြောင့် အကျိုးများရရှိပုံကို ရဟန်းတို့အား ဘုရားရှင် ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူစဉ် မှီဝဲပေါင်းသင်းရမည့် မိတ်ဆွေ၏အရည်အချင်း ခုနစ်မျိုးတို့ကို ရဟန်းတို့အား ဘုရားရှင်ဟောတော်မူသည့်သုတ်။

---

ဘုရားရှင် ကောသလနိုင်ငံ ... သီတင်းသုံးတော်မူစဉ် မိမိကိုငေါက်ငန်းနှင်ထုတ်သော်လည်း မဖြစ်မနေ မှီဝဲပေါင်းသင်းရမည့် မိတ်ဆွေ၏ အရည်အချင်းခုနစ်မျိုးကို ရဟန်းတို့အား ဘုရားရှင်ဟောတော်မူသည့်သုတ်။

---

မိတ္တသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် တရားငါးမျိုးတို့နှင့် ပြည့်စုံသော ရဟန်းကို အဆွေခင်ပွန်းဟူ၍ မမှီဝဲအပ်ကြောင်းနှင့် တရားငါးမျိုးတို့နှင့် ပြည်စုံသော ရဟန်းကို အဆွေခင်ပွန်းဟူ၍ မှီဝဲအပ်ကြောင်းကို ဟောကြားတော်မူခဲ့သည်။