မိုရာတာ

အလ်ဘာရို ဘို(ရ်)ခ မိုရာတာ မာတင် (စပိန်: Álvaro Borja Morata Martín; ၂၃ အောက်တိုဘာ ၁၉၉၂ခုနှစ်တွင် ဖွားမြင်) သည် စပိန် ကြေးစားဘောလုံးသမားဖြစ်ပြီး စပိန်လက်ရွေးစင်အသင်းနှင့် ဂျူဗင်တပ်အသင်းတို့တွင် တိုက်စစ်မှူးအဖြစ် ကစားလျက်ရှိသည်။
သူ၏ဘောလုံးသမားဘဝကို ရီးယဲလ် မဒရစ်အသင်းတွင် စတင်ခဲ့ပြီး ၂၀၁၀နှစ်ကုန်ပိုင်းတွင် ရီးရယ်အသင်းကြီးတွင် ပါဝင်ကစားခွင့်ရခဲ့ပြီး ၂၀၁၄ ဥရောပ ချန်ပီယံလိဂ် ဖလားကို ရရှိခဲ့သည်။ ဂျူဗင်တပ်အသင်းသို့ ယူရို သန်း၂၀ဖြင့် ၂၀၁၄ခုနှစ်တွင် ပြောင်းရွေ့ခဲ့ပြီး အီတလီစီးရီအေနှင့် အီတလီဖလား နှစ်ခုလုံးကို နှစ်နှစ်ဆက်တိုက် ရယူပေးခဲ့ပြီး ရီးရယ်အသင်းသို့ ယူရို သန်း၃၀ဖြင့် ပြန်လည်ရောက်ရှိခဲ့သည်။ ၂၀၁၇ခုနှစ် ဇူလိုင်လ ၁၉ရက်နေ့တွင် အင်္ဂလန် အဆင့်မြင့်တန်းအသင်း ချဲလ်ဆီးအသင်းမှ မိုရာတာ၏အပြောင်းအရွေ့ကို ရီးရယ်အသင်းဖြင့် သဘောတူညီမှု ရရှိခဲ့ပြီဖြစ်ကြောင်း သတင်းထုတ်ပြန်ခဲ့သည်။ ဇူလိုင် ၂၁ရက်နေ့တွင် ဆေးစစ်မှု အောင်မြင်ပြီးနောက် ချဲလ်ဆီးအသင်းသားအဖြစ် တရားဝင်ဖြစ်လာသည်။
မိုရာတာသည် စပိန်လက်ရွေးစင် လူငယ်အသင်းတွင် ၃၄ ပွဲကစားခဲ့ပြီး ၂၀၁၃ အသက်၂၁ နှစ်အောက် ဥရောပ ချန်ပီယံရှစ်ဖလားရအောင် ကူညီပေးခဲ့သည်။ စပိန်လက်ရွေးစင်အသင်းကို ကိုယ်စားပြုကာ ယူရို၂၀၁၆ ဘောလုံးပြိုင်ပွဲတွင် ပါဝင်ခဲ့သည်။

အလ်ဗာရို မိုရာတာ

၂၀၁၄ခုနှစ် ဂျူဗင်တပ်အသင်းရှိ မိုရာတာ
ကိုယ်ရေးအချက်အလက်များ
အမည် အပြည့်အစုံ	အလ်ဗာရို ဘော်ဂျာ မိုရာတာ မာတင်
မွေးသက္ကရာဇ်	(1992-10-23) ၂၃ အောက်တိုဘာ၊ ၁၉၉၂
မွေးရပ်ဇာတိ	မဒရစ်, စပိန်
အရပ်အမြင့်	၁.၈၉ m (၆ ft ၂ in)
ကစားသည့်နေရာ	တိုက်စစ်မှူး
ကလပ်နှင့်သက်ဆိုင်သောအချက်အလက်များ
လက်ရှိအသင်း	ချဲလ်ဆီး
အင်္ကျီနံပါတ်	9
လူငယ်ဘဝကလပ်များ
2005–2007	Atlético Madrid
2007–2008	Getafe
2008–2010	Real Madrid
အကြီးတန်း ကစားသမား*
ခုနှစ်	အသင်း	ကစားပွဲ†	(သွင်းဂိုး)†
2010–2013	Real Madrid B	83	(45)
2010–2014	Real Madrid	37	(10)
2014–2016	Juventus	63	(15)
2016–2017	Real Madrid	26	(15)
2017–	Chelsea	0	(0)
နိုင်ငံကိုယ်စားပြုအသင်း‡
2009	Spain U17	6	(2)
2010	Spain U18	2	(3)
2010–2012	Spain U19	13	(11)
2013–2014	Spain U21	13	(13)
2014–	Spain	20	(9)
* ဂိုးအရေအတွက်ကို ကလပ်အသင်းကြီး ကစားခြင်းနှင့် ပြည်တွင်းလိဂ်အတွက်သာ ရေတွက်ပြီး 21 May 2017အထိ ဖြစ်သည်။ † ကစားသည့် ပွဲအရေအတွက် (သွင်းဂိုး) ‡ 7 June 2017 အထိ နိုင်ငံကိုယ်စားပြုပွဲနှင့် သွင်းဂိုးများ