မောင်တင်ဦး (ဒါရိုက်တာ)

မောင်တင်ဦး (၁၉၄၂ - ၂၀၁၅) သည် မြန်မာ ဒါရိုက်တာ တစ်ဦး ဖြစ်သည်။

ငယ်ဘဝ

မန္တလေးမြို့နေ သခင်သိန်းဖေနှင့် ဒေါ်မြမြတို့မှ ၁၉၄၂ ခု၊ မတ်လ ၂၁ ရက်တွင် မွေးသည်။ မွေးချင်း ၃ ယောက်အနက် အကြီးဆုံး ဖြစ်သည်။ ငယ်မည်မှာ အပါ ဖြစ်သည်။ အငယ်များမှာ သောင်းဒန်နှင့် ဆွေဆွေ တို့ ဖြစ်သည်။

မိခင်၏ တိုင်းချစ် အထက်တန်းကျောင်းတွင် အခြေခံပညာ သင်သည်။ ၁၀ တန်းအထိ သင်ယူခဲ့သည်။

အနုပညာ လှုပ်ရှားမှု

၁၉၆၄-၆၅ တွင် ရုပ်ရှင်နယ်သို့ ဝင်သည်။ ၁၉၆၈ ခုတွင် ဦးကျော်ထံ၌ ပညာသင်သည်။ စေလိုရာ စေ ဇာတ်ကားကို ဦးကျော်နှင့် တွဲရိုက်ခဲ့သည်။ ပထမဆုံး ကိုယ်တိုက်ရိုက်သည့် ကားမှာ နေထွက်သော ည ဖြစ်သည်။

ရိုက်ကူးသော ဇာတ်ကားများ

ခေါင်းစဉ်	ရုံတင်နှစ်	ထုတ်ဝေသူ	မှတ်ချက်
စေလိုရာ စေ			ဦးကျော်နှင့် တွဲ၍
နွေရူပ
မမုန်းလေနဲ့ ငပလီ
ဒဏ္ဍာရီ
မမစိမ်း
မင်းသားတော့ မင်းသား
နေကမွေးတဲ့ လ
အချစ်ကို မွေးဖွားခြင်း
တဦးတည်းသော သား
ပိတောက်ပင်လယ်
ပန်းမြိုင်လယ်က ဥယျာဉ်မှူး
တခါက တစ်ဘဝ	၁၉၇၈		ဒါရိုက်တာဆု
သင်္ကြန်မိုး	၁၉၈၅		ဒါရိုက်တာဆု
မချစ်သာ မုန်းပါလေဦး
နေထွက်သော ည	၁၉၇၂		ဒါရိုက်တာဆု
တိုက်ပွဲခေါ်သံ	၁၉၉၅		ဒါရိုက်တာဆု
နှလုံးလှ လူမိုက်	၂၀၀၁		ဒါရိုက်တာဆု

အနုပညာနှလုံးအိမ် ရုပ်ရှင်သင်တန်း ဖွင့်ကာ သရုပ်ဆောင်နှင့် ဒါရိုက်တာများ မွေးထုတ်ခဲ့သေးသည်။

မိသားစုဘဝ

ဒေါ်တင်တင်အေးနှင့် လက်ထပ်ရာ မီးမီးတင်ဦး အပါအဝင် သမီး ၃ ယောက် ရှိသည်။

ဘဝနိဂုံး

အသက် ၇၄ နှစ်အရွယ် ၂၀၁၅ ခု၊ ဩဂုတ်လ ၂၄ ရက်၌ မန္တလေးရှိ နေအိမ်၌ အသည်းခြောက်ရောဂါနှင့် ကွယ်လွန်သည်။