မြင်းလှည်း

မြင်းလှည်းသည် မြင်းတစ်ကောင် သို့မဟုတ် မြင်းအုပ်စုလိုက်ဖြင့် ဆွဲစေကာ အသုံးပြုရသည့် ပစ္စည်း ဖြစ်သည်။ မြင်းလှည်းတွင် များသောအားဖြင့် ဘီးနှစ်ခု သို့မဟုတ် လေးခုပါရှိကာ ခရီးသည်များ၊ ကုန်စည်ဝန်များ သယ်ဆောင်ရန် အသုံးပြုကြသည်။ တစ်ကြိမ်တစ်ခါက ကမ္ဘာတစ်ဝန်းတွင် မြင်းလှည်းကို ကျယ်ပြန့်စွာ အသုံးပြုခဲ့ကြသည်။ သို့သော် နောက်ပိုင်းတွင်အများစုသည် ခေတ်မီဆက်သွယ်ပို့ဆောင်ရေးလုပ်ငန်းတို့ဖြင့် အစားထိုးခြင်း ခံခဲ့ရသည်။

A horse tram (horsecar) in Danzig, Germany (present day Gdańsk, Poland)

ဘီးနှစ်ခုပါရှိသည့် မြင်းလှည်းသည် လှည်းတစ်ခုပင် ဖြစ်သည်။ ပုံစံအမျိုးမျိုးရှိကာ လူနှင့် ကုန်ပစ္စည်းများ သယ်ဆောင်ရန် အသုံးပြုကြသည်။ ဘီးလေးခုပါသည့် မြင်းလှည်းကို အမည်များစွာဖြင့် ခေါ်ဝေါ်ကြသည်။ လေးလံသော ဝန်များကို သယ်ဆောင်သည့် မြင်းလှည်းကို wagon ဟု ခေါ်သည်။

အလွန်ပေါ့ပါးသည့် လှည်းနှင့် wagon များကို မြင်းထက်သေးသည့် မြည်းများ၊မြင်းပုများ၊ လားများကို ခိုင်းကာ ဆွဲကြသည်။ အခြားသေးငယ်သည့် တိရစ္ဆာန်များကိုလည်း ရံဖန်ရံခါ အသုံးပြုကြသည်။ (ဥပမာ - ခွေး၊ llamas၊ ဆိတ် စသည်တို့ ဖြစ်သည်။)

ကြီးမားသည့် wagon, လှည်းများကို အခြားသော တိရစ္တာန်များဖြစ်ကြသည့် နွား၊ ကျွဲ၊ ဆင်၊ စာမရီ၊ ကုလားအုတ်တို့ကို ဆွဲစေသည်။