မြန်မာ့နိုင်ငံခြားကုန်သွယ်မှုဘဏ်

မြန်မာ့နိုင်ငံခြားကုန်သွယ်မှုဘဏ်
Myanma Foreign Trade Bank
အမျိုးအစားအစိုးရဘဏ်
လုပ်ငန်းဘဏ်
တည်ထောင်သည့်နှစ်ဇူလိုင် ၄၊ ၁၉၉၀ (၁၉၉၀-၀၇-၀၄)
ဌာနချုပ်အမှတ်၊ ၈၀-၈၆၊ မဟာဗန္ဓုလပန်းခြံလမ်းကျောက်တံတားမြို့နယ်ရန်ကုန်မြို့မြန်မာနိုင်ငံ
ဝက်ဘ်ဆိုက်mmftb.com

နောက်ခံသမိုင်းပြင်ဆင်

မြန်မာ့နိုင်ငံခြားကုန်သွယ်မှုဘဏ် သည် မူရင်းအစ ၁၉၅၄ခုနှစ်တွင်တည်ထောင်ခဲ့သော နိုင်ငံတော် ကူးသန်းရောင်းဝယ်ရေးဘဏ် ၏ နိုင်ငံခြား လုပ်ငန်းဌာန မှ စတင်ပေါက်ဖွား လာခြင်းဖြစ်သည်။ ၁၉၆၃ ခုနှစ်၊ ဖေဖော်ဝါရီလတွင် တိုင်းရင်းသားပိုင်နှင့် နိုင်ငံခြားသားပိုင် ကူးသန်းရောင်းဝယ်ရေးဘဏ်များအားလုံးကို နိုင်ငံပိုင်ပြုလုပ်ခဲ့သည်။ ၁၉၇၀ ပြည့်နှစ်၊ ဖေဖော်ဝါရီလ(၁)ရက်နေ့တွင် နိုင်ငံတော်ကူးသန်းရောင်းဝယ်ရေးဘဏ်၊ နိုင်ငံတော် စိုက်ပျိုးရေးဘဏ်နှင့် နိုင်ငံပိုင်ပြုလုပ်ထားသော ပုဂ္ဂလိကဘဏ်များအား ထပ်မံ ပေါင်းစည်းဖွဲ့စည်းခဲ့သည်။ ၎င်းအချိန်တွင် ပြည်ထောင်စုမြန်မာနိုင်ငံ ပြည်သူ့ဘဏ်၊ နိုင်ငံခြားငွေဌာန အမည်ဖြင့် နိုင်ငံခြားငွေ လုပ်ငန်းများကို ဆောင်ရွက်ပေးသော တစ်ခုတည်းသော ဘဏ်လုပ်ငန်းဌာနဖြစ်သည်။ နိုင်ငံပိုင် စီးပွားရေး အဖွဲ့အစည်းများအား စီးပွားရေး ဆန်ဆန် ဆောင်ရွက်ရန်ချမှတ်ပေးခဲ့သော လမ်းညွှန်ချက်များနှင့် အညီဘဏ်စနစ်အနေဖြင့်လည်း စီးပွားရေး ဆန်ဆန် ဆောင်ရွက်နိုင်ရန် ၁၉၇၅ ခုနှစ် တွင် ဘဏ်ဥပဒေအသစ် ကို ပြဋ္ဌာန်းခဲ့သည်။ ယင်းဘဏ်ဥပဒေ အသစ်အရ ၁၉၇၆ ခုနှစ်၊ ဧပြီလ(၁)ရက်နေ့မှ စတင်၍ ပြည်ထောင်စုမြန်မာနိုင်ငံဘဏ်၊ မြန်မာ့စီးပွားရေးဘဏ်မြန်မာ့စိုက်ပျိုးရေးဘဏ် နှင့် မြန်မာ့ နိုင်ငံခြား ကုန်သွယ်မှုဘဏ် ဟူ၍ ဘဏ်(၄)ခု ခွဲကာ ဘဏ်လုပ်ငန်း များကို လုပ်ကိုင်ခဲ့သည်။ ၁၉၉၀ ပြည့်နှစ်၊ ဇူလိုင်လ(၄) ရက်နေ့တွင် ပြဋ္ဌာန်းခဲ့သော မြန်မာနိုင်ငံတော်ငွေရေးကြေးရေး အဖွဲ့အစည်းများဥပဒေအရ မြန်မာ့နိုင်ငံခြားကုန်သွယ်မှုဘဏ်သည် ထိုနေ့တွင် ဖွဲ့စည်းတည်ထောင်ပြီးဖြစ်သည်။ ယခုအချိန်တွင် မြန်မာ့နိုင်ငံခြားကုန်သွယ်မှုဘဏ်အနေဖြင့် (၂၅-၁-၂၀၁၆)နေ့တွင် ပြဋ္ဌာန်းခဲ့သော ငွေရေးကြေးရေးအဖွဲ့အစည်းများဥပဒေ၂၀၁၆ နှင့်အညီ အပြည်ပြည်ဆိုင်ရာ ဘဏ်လုပ်ငန်း၊ ပြည်တွင်းဘဏ်လုပ်ငန်းနှင့် ATM Card Services ဝန်ဆောင်မှုစသော ဘဏ္ဍာရေးဝန်ဆောင်မှုများကို ဆောင်ရွက်ပေးလျက်ရှိပါသည်။

မူဝါဒပြင်ဆင်

(က) ဘဏ်ဝန်ဆောင်မှုလုပ်ငန်းများကို နိုင်ငံပိုင်ဘဏ်အနေဖြင့် မူဝါဒရေးရာအထောက်အကူပြုခြင်းအပြင် ဘဏ်လုပ်ငန်းအပေါ် ပြည်သူ၏ ယုံကြည်ကိုးစားမှုပိုမိုရရှိရေး ဆောင်ရွက်ရန်၊

(ခ) နိုင်ငံတော်နှင့်ပြည်သူလူထု၏  အကျိုးစီးပွားဖွံ့ဖြိုးတိုးတက်ရေးတွင် ဘဏ်များ၏အခန်းကဏ္ဍမှ ပိုမိုအားဖြည့်ဆောင်ရွက်ရန်၊

ရည်ရွယ်ချက်ပြင်ဆင်

(က) အစိုးရ၏မူဝါဒအကောင်အထည်ဖော်မှုကို ပံ့ပိုးပေးရန်။

(ခ) မြန်မာနိုင်ငံ၏ ဘဏ္ဍာရေးဝန်ဆောင်မှုလုပ်ငန်းနှင့် စီးပွားရေးဖွံ့ဖြိုးတိုးတက်မှုကို အထောက်အကူပြုစေရန်။

ရည်မှန်းချက်ပြင်ဆင်

(က) အပြည်ပြည်ဆိုင်ရာဘဏ်လုပ်ငန်းစနစ်များကို မျက်ခြေမပြတ်လေ့လာသုံးသပ်၍ အများပါဝင်သော ဘဏ္ဍာရေးနှင့်ငွေကြေးဝန်ဆောင်မှု စနစ်ဖြစ်ပေါ်ရေး၊ MSDP ရည်မှန်းချက် ပန်းတိုင်နှင့် လိုက်လျောညီထွေမှုရှိသော ဘဏ်ဝန်ဆောင်မှု လုပ်ငန်းများကိုပေးနိုင်ရေး ဦးတည်ဆောင်ရွက်ပေးပါမည်။

(ခ) ဝန်ထမ်းများ၏ စွမ်းဆောင်ရည်ကိုအားပေးမြှင့်တင်ပေးရန်။

(ဂ) တာဝန်ယူမှု၊ တာဝန်ခံမှုနှင့်ပွင့်လင်းမြင်သာမှုရှိသောဝန်ဆောင်မှုများ ပိုမိုတိုးတက်လာစေရန်။

(ဃ) ‌ငွေရေးကြေးရေးအခန်းကဏ္ဍ ခေတ်မီဖွံဖြိုးတိုးတက်လာစေရန်။

(င) ဘဏ်ဝန်ဆောင်မှုဆောင်ရွက်ရာတွင် Financial service နှင့်အတူ Non-Financial service ဝန်ဆောင်မှုများလည်း ပြည်သူ့အကျိုးအတွက်ဆောင်ရွက်ပါမည်။

(စ) ဘဏ္ဍာရေးစည်းမျဉ်းစည်းကမ်းများ၊ အပြည်ပြည်ဆိုင်ရာ စံချိန်စံညွှန်းများနှင့်အညီ ဘဏ္ဍာရေးဝန်ဆောင်မှုများကို စနစ်တကျဆောင်ရွက်စေရန်။

ဖွဲ့စည်းမှုပြင်ဆင်

မြန်မာ့နိုင်ငံခြားကုန်သွယ်မှုဘဏ်သည် အောက်ဖော်ပြပါအတိုင်း ဌာနခွဲ(၁၂)ခု ဖွဲ့စည်းထားရှိပြီး ဘဏ်လုပ်ငန်းဆိုင်ရာ ကိစ္စအဝဝကို ဆောင်ရွက်လျက်ရှိသည်။

  •          (က)   စီမံခန့်ခွဲမှုနှင့် လူ့စွမ်းအားအရင်းအမြစ်ဖွံ့ဖြိုးရေးဌာနခွဲ
  •          (ခ)     စာရင်းဌာနခွဲ
  •          (ဂ)     ငွေကြေးစျေးကွက်၊ ကတ်နှင့် SWIFT ဌာနခွဲ
  •          (ဃ)   သတင်းအချက်အလက်နှင့်နည်းပညာဌာနခွဲ
  •          (င)     နိုင်ငံခြားငွေကြီးကြပ်နှင့်ငွေလွှဲဌာနခွဲ
  •          (စ)    ချေးငွေနှင့်ဘဏ်အာမခံဌာနခွဲ
  •          (ဆ)   ပို့ကုန်ဌာနခွဲ
  •          (ဇ)    သွင်းကုန်ဌာနခွဲ
  •          (ဈ)   ဘဏ်တွင်းစာရင်းစစ်ဌာနခွဲ
  •          (ည)   ငွေကြေးခဝါချမှုစိစစ်ရေးဌာနခွဲ
  •          (ဋ)    သုတေသန၊ မူဝါဒနှင့် ဥပဒေရေးရာဌာနခွဲ
  •          (ဌ)     နိုင်ငံတကာဆက်ဆံရေးနှင့်အဆက်အသွယ်ဘဏ်များဌာနခွဲ

ပြည်သူသို့ ပေးနေသော ဝန်ဆောင်မှုပြင်ဆင်

(က) နိုင်ငံခြားသုံးငွေစာရင်းဖွင့်လှစ်ပေးခြင်း၊ အမေရိကန်ဒေါ်လာ၊ ယူရိုနှင့် စင်္ကာပူဒေါ်လာတို့ဖြင့် နိုင်ငံခြားသုံးငွေ စာရင်းများဖွင့်လှစ်ခြင်းကို လက်ခံဆောင်ရွက် ပေးပါသည်။ နိုင်ငံခြားသုံးငွေစာရင်းများ ဖွင့်လှစ်အပ်နှံရာတွင် စာရင်းရှင်အပ်ငွေနှင့် (၆) လ ပုံသေအပ်နှံငွေဟူ၍ စာရင်းနှစ်မျိုး ဖွင့်လှစ်အပ်နှံထားရှိ နိုင်ပါသည်။ ဖွင့်လှစ်ထားရှိသော နိုင်ငံခြားငွေစာရင်း အမျိုးအစားများမှာ အောက်ပါအတိုင်း ဖြစ်သည်-

  • ၁။ သံရုံးနှင့်သံရုံးဝန်ထမ်းများစာရင်း
  • ၂။ ကုလသမဂ္ဂနှင့် အပြည်ပြည်ဆိုင်ရာအဖွဲ့အစည်းများစာရင်း
  • ၃။ နိုင်ငံသားပိုင်ကုမ္ပဏီများစာရင်း
  • ၄။ နိုင်ငံသားတစ်ဦးချင်းပိုင်စာရင်း
  • ၅။ ဝန်ကြီးဌာနများနှင့်နိုင်ငံပိုင်စီးပွားရေးအဖွဲ့အစည်းများ၏စာရင်း
  • ၆။ နိုင်ငံခြားသားပိုင်ကုမ္ပဏီများစားရင်းများ
  • ၇။ နိုင်ငံခြားသားတစ်ဦးချင်းပိုင်များ၏စာရင်းများ/ကျွမ်းကျင်မှုအကြံပေးပုဂ္ဂိုလ်များ၏ စာရင်းများ
  • ၈။ ဖက်စပ်ကော်ပိုရေးရှင်းများ၏စာရင်း

(က) အစိုးရဝန်ထမ်းများနှင့် ဝန်ထမ်းမဟုတ်သူများ ပြည်ပသို့သွားရောက်ရာတွင် သတ်မှတ်ထားသော စည်းကမ်းချက်များနှင့်အညီ  နိုင်ငံခြားသုံး ငွေလဲလှယ်ပေးခြင်းနှင့်  ပြည်လည်ပါရှိလာသော နိုင်ငံခြားသုံးငွေများကို ပြန်လည်လက်ခံခြင်း

(ခ) သတ်မှတ်ထားသောစည်းကမ်းချက်များနှင့်အညီ ပြည်ပနိုင်ငံများသို့ ငွေလွှဲပေးပို့ခြင်းနှင့် ပြည်ပမှငွေလွှဲများကို လက်ခံခြင်း

(ဂ) နိုင်ငံခြားသုံး ငွေချက်လက်မှတ်များနှင့် အကြွေးဝယ်ကဒ်ပြားများ (Credit Card) များအတွက် ငွေကောက်ခံပေးခြင်း

(ဃ) အစိုးရ ဌာနများ၊ သံရုံး၊ စီးပွားရေးလုပ်ငန်း၊ NGO ၊ INGO  တို့မှ နေ့စဉ်ငွေသားများ ပေးသွင်းမှု လက်ခံဆောင်ရွက်ပေးခြင်း၊ ငွေပေး အမိန့်လွှာထုတ်ပေးခြင်း။

(င) နိုင်ငံပိုင်စီးပွားရေးအဖွဲ့အစည်းများနှင့် ပုဂ္ဂလိကပိုင် လုပ်ငန်းအဖွဲ့အစည်းများအနေဖြင့် ပြည်ပမှဝယ်ယူတင်သွင်းသော ပစ္စည်းများအတွက် တန်ဖိုးငွေများ ပေးချေခြင်း ကို သွင်းကုန်ငွေလွဲစာတမ်း ဖွင့်လှစ်၍သော်လည်းကောင်း၊ ငွေလွှဲ ပို့သည့် စနစ်အရသော်လည်းကောင်း လက်ခံဆောင်ရွက်ပေးခြင်း၊

(စ) နိုင်ငံတော်ပိုင် စီးပွားရေးအဖွဲ့အစည်းနှင့် ပုဂ္ဂလိကစီးပွားရေးလုပ်ငန်းရှင်များ၏ ပို့ကုန်တန်ဘိုး နိုင်ငံခြားငွေများကို ပို့ကုန်ငွေလွှဲစာတမ်းအရသော်လည်းကောင်း၊ ပြည်ပငွေလွဲပို့သည့်စနစ်အရ သော်လည်းကောင်း လက်ခံဆောင်ရွက်ပေးခြင်း၊

(ဆ) အစိုးရဌာနများနှင့် နိုင်ငံတော်ပိုင် စီးပွားရေးအဖွဲ့အစည်းများ၏ကိုယ်စား စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၏ ညွှန်ကြားချက်များအရ ပြည်ပဘဏ်များနှင့် ပြည်ပရှိ ငွေရေးကြေးရေးအဖွဲ့အစည်းများထံမှ ငွေချေးယူခြင်း အာမခံခြင်းနှင့် ပြည်ပရှိ အဆက်သွယ်ဘဏ်များ၏ ညွှန်ကြားချက်များအရ အာမခံထုတ်ပေးခြင်း၊

(ဇ) မြန်မာနိုင်ငံတော်ဗဟိုဘဏ်မှ နေ့စဉ်ပေးပို့သော ရည်ညွှန်းနိုင်ငံခြားငွေလဲလှယ် နှုန်းထားကို အသုံးပြုလျက် ဘဏ်တွင်းအသုံးပြုမည့် နေ့စဉ်နိုင်ငံခြားငွေ လဲလှယ်နှုန်း ထားများ တွက်ချက်ခြင်း၊

(ဈ) ပြည်ပနိုင်ငံအသီးသီးရှိ ဘဏ်ကြီးများနှင့် နိုင်ငံတကာဘဏ်လုပ်ငန်းကိစ္စရပ်များ ဆက်သွယ်ဆောင်ရွက်ခြင်း၊

(ည) ပြည်ပအကူအညီထောက်ပံ့ဆောင်ရွက်သော ဌာန/ အဖွဲ့အစည်းများ၏ စီမံကိန်းများအတွက် အဆက်သွယ်ဘဏ်များသို့   Authorization to pay များ ဖွင့်လှစ် ဆောင်ရွက်ပေးခြင်း၊

ပို့ကုန်ဌာနပြင်ဆင်

ပို့ကုန်လုပ်ငန်းရှင်များအတွက်ဝန်ဆောင်မှုပေးခြင်း          

  • ပြည်ပဘဏ်များမှ ဖွင့်လှစ်သည့် ပို့ကုန်ငွေလွှဲစာတမ်းများ လက်ခံအကြောင်းကြား ပေးခြင်း၊
  • ပြည်ပဘဏ်များသို့ ပို့ကုန်တန်ဘိုးငွေတောင်းခံပေးခြင်း၊
  • ကုန်သွယ်မှုအထောက်အပံ့(TradeFinancing)ဆောင်ရွက် ပေးခြင်း၊
  • DP/DA စနစ်ဝန်ဆောင်မှုပေးခြင်း

ပို့ကုန်ငွေလွှဲစာတမ်းထုတ်ယူရန် လိုအပ်သော စာရွက်စာတမ်းများ

(၁) ကုမ္ပဏီ Letter Head ဖြင့် L/C ထုတ်ယူခွင့် လျှောက်လွှာ

(၂) Myco ဖြင့်ဆောင်ရွက်ထားသော Company Registration Certificate

(၃) Myco ဖြင့်ဆောင်ရွက်ထားသော Company Profile

(၄) ကုန်သွယ်ရေးဦးစီးဌာနမှထုတ်ပေးသော ပို့ကုန်လိုင်စင် (သို့မဟုတ်) ပို့ကုန်လိုင်စင် ကင်းလွတ်ခွင့် အထောက် အထားမိတ္တူ

(၅) ဘဏ်စာအုပ်မိတ္တူ

ပို့ကုန်ဆိုင်ရာငွေကြေးအထောက်အပံ့အမျိုးအစားများ

- ပို့ကုန်လုပ်ငန်းရှင်များမှ ပို့ကုန်မတင်ပို့မီ ငွေကြေးအထောက်အပံ့ပေးခြင်း (Pre-shipment Export Trade Financing )

- ပို့ကုန်တင်ပို့ပြီး ငွေကြေးအထောက်အပံ့ပေးခြင်း(Post-shipment Export Trade Financing )

ပို့ကုန်ဆိုင်ရာငွေကြေးအထောက်အပံ့ရယူနိုင်သူများ

- မြန်မာ့နိုင်ငံခြားကုန်သွယ်မှုဘဏ်တွင် နိုင်ငံခြားငွေစာရင်း ဖွင့်လှစ်ထားရှိသည့် ပို့ကုန်လုပ်ငန်းရှင်များ

ပို့ကုန်ဆိုင်ရာငွေကြေးအထောက်အပံ့ရယူရန် လိုအပ်သောစာရွက်စာတမ်းများ

(၁) Export Financing ရယူလိုကြောင်း ကုမ္ပဏီ၏ လျှောက်လွှာ

(၂) ကုန်သွယ်မှုဆိုင်ရာ ငွေကြေးအထောက်အပံ့ အဆိုပြုလွှာ(Trade Financing Proposal)

(၃) ကုန်သွယ်မှုဆိုင်ရာငွေကြေးအထောက်အပံ့ သဘောတူညီချက် (Trade Financing Agreement)

(၄) ဒါရိုက်တာအဖွဲ့အစည်းအဝေးမှတ်တမ်း

(၅) အခွန်ထမ်းဆောင်မှုအခြေအနေ (၃) နှစ်စာ

(၆) ကုမ္ပဏီ/အဖွဲ့အစည်း၏ ဘဏ္ဍာရေးအခြေအနေအတွက် စာရင်းစစ်အတည်ပြုချက်

နိုင်ငံတကာအသိအမှတ်ပြုဆုတံဆိပ်ချီးမြှင့်ခံရခြင်းပြင်ဆင်

မြန်မာ့နိုင်ငံခြား ကုန်သွယ်မှုဘဏ် သည် စပိန်နိုင်ငံ မက်ဒရစ်မြို့ အခြေစိုက် Business Initiative Directions ( BID ) မှ ၂၀၀၇ ခုနှစ်အတွက် Century International Quality Era Award(CQE) Gold Category ဆုကို ချီးမြှင့်ခြင်းခံခဲ့ရသည်။

နိုင်ငံတော်အကျိုးသယ်ပိုးထမ်းဆောင်နိုင်မှုပြင်ဆင်

နိုင်ငံတော်ပိုင် စီးပွားရေး အဖွဲ့အစည်းများ၊ သမဝါယမကဏ္ဍမှ စီးပွားရေး အဖွဲ့အစည်းများ၊ ပုဂ္ဂလိက စီးပွားရေး လုပ်ငန်းရှင်များ အနေဖြင့် ပို့ကုန် သွင်းကုန် လုပ်ငန်းများ၊ နိုင်ငံတကာ ကူးသန်းရောင်းဝယ်မှု လုပ်ငန်းများကို တိုးချဲ့ လုပ်ကိုင်လာကြသည်နှင့်အညီ အဆိုပါ လုပ်ငန်း များ၏ ငွေရေးကြေးရေး ဆိုင်ရာ ဝန်ဆောင်မှုလုပ်ငန်းများ အဆင်ပြေ ချောမွေ့စေရေး အတွက် နိုင်ငံတော်ပိုင်ဘဏ် တစ်ခုအနေဖြင့် အစွမ်းကုန် ဖြည့်ဆည်း ဆောင်ရွက်ပေးလျက် ရှိပါသည်။[၁]

ဆက်သွယ်ရန်ပြင်ဆင်

ကိုးကားပြင်ဆင်

  1. ၁.၀ ၁.၁ မြန်မာ့နိုင်ငံခြားကုန်သွယ်မှုဘဏ်။ ၀၇ ၊ ၂၀၂၀ တွင် ပြန်စစ်ပြီး။