ဝါကျွတ်
သာရတ္ထအလို
ပြင်ဆင်ရန်ပဝါရဏာအရာ၌ ပုရိမဝါကပ်သောရဟန်းတို့အား သီတင်းကျွတ်လပြည့်နေ့ အရုဏ်တက်သော ကာလမှစ၍ ပဝါရဏာပြုဆဲတိုင်အောင်သော ကာလသည် ဥပစာအားဖြင့် ဝဿံဝုတ္ထကာလ (ဝါကျွတ်သောကာလ)ဖြစ်သည်။ သို့သော် သတ္တာဟကရဏီယ အကြောင်းမရှိပဲ အရပ်တစ်ပါးသို့ မသွားကောင်းသေး၊ ဝါမကျွတ်သေးဟု ဆိုလိုသည်။ ပဝါရဏာပြုပြီးရာ ကာလသည် မုချအားဖြင့် ဝဿံဝုတ္ထကာလ (ဝါကျွတ်သောကာလ)ဖြစ်သည်။ ဝါကျွတ်ပြီဟုဆိုလိုသည်။ အလိုရှိတိုင်း အရပ်တစ်ပါးသို့ သွားကောင်းသည်။
ပစ္ဆိမဝါကပ်သော ရဟန်းတို့အား တန်ဆောင်မုန်းလပြည့်နေ့၏အစ အရုဏ်တက်သော ကာလမှစ၍ အထွက်တစ်ရက်နေ့၏အစ အရုဏ်တက်ခါနီး ကာလတိုင်သောကာလသည် ဥပစာအားဖြင့် ဝဿံဝုတ္ထကာလဖြစ်သည်။ အထွက် တစ်ရက်နေ့၏အစ အရုဏ်တက်သောကာလ မှစ၍ မုချအားဖြင့် ဝဿံဝုတ္ထကာလဖြစ်သည်။
ကထိန်အရာ
ပြင်ဆင်ရန်ကထိန်အရာ၌ကား သီတင်းကျွတ်လဆုတ် (၁) ရက်နေ့၏ (အထွက်တစ်ရက်နေ့၏)အစ အရုဏ်တက်သော ကာလမှစ၍ မုချအားဖြင့် ဝဿံဝုတ္ထကာလ (ဝါကျွတ်သောကာလ) ဖြစ်သည်။ အလိုရှိတိုင်း အရပ်တစ်ပါးသို့ သွားကောင်းသည်။ [၃] ပစ္ဆိမဝဿံဝုတ္ထရဟန်းတို့အား ကထိန်ခင်းခွင့်မရှိသောကြောင့် ကထိနကံနှင့် ပတ်သက်၍ ဝဿံဝုတ္ထကာလကို စိစစ်ဖွယ် မရှိချေ။ ဤကား သာရတ္ထအလိုတည်း။
ဝိမတိအလို
ပြင်ဆင်ရန်ပဝါရဏာအရာ၌ ပုရိမဝါကပ်သော ရဟန်းတို့အား သီတင်းကျွတ်လပြည့်နေ့၏အစ အရုဏ်တက်သောကာလမ စ၍ အထက်တစ်ရက်နေ့၏အစ အရုဏ်တက်ခါနီးကာလတိုင်အောင်သော ကာလသည် ဥပစာအားဖြင့် ဝဿံဝုတ္ထကာလဖြစ်သည်။ သို့သော်သတ္တာဟကရဏီယ အကြောင်းမရှိပဲ အရပ်တစ်ပါးသို့ မသွားကောင်းသေး၊ အထွက်တစ်ရက်နေ့၏အစ အရုဏ်တက်သော ကာလမှစ၍ မုချအားဖြင့် ဝဿံဝုတ္ထကာလ ဖြစ်သည်။ အလိုရှိတိုင်း အရပ်တစ်ပါးသို့ သွားကောင်း၏။
ပစ္ဆိမဝါကပ်သော ရဟန်းတို့အား တန်ဆောင်မုန်းလပြည့်နေ့၏အစ အရုဏ်တက်သော ကာလမှစ၍ အထွက်တစ်ရက်နေ့၏အစ အရုဏ်တက်ခါနီး ကာလတိုင်အောင်သော ကာလသည် ဥပစာအားဖြင့် ဝဿံဝုတ္ထကာလဖြစ်သည်။ အထွက်တစ်ရက်နေ့၏ အစ အရုဏ်တက်သော ကာလမှစ၍ မုချအားဖြင့် ဝဿံဝုတ္ထကာလဖြစ်သည်။ ကထိန် အရာ၌ကား သာရတ္ထနှင့် ကွဲပြားမှုမရှိချေ။ ဤကား ဝိမတိအလိုတည်း။[၄] [၅]