ရှင်ယောဟန်: တည်းဖြတ်မှု မူကွဲများ

ရှင်ယောဟန်သည် ခရစ်ယာန်ဘာသာ အတွက် လွန်စွာမှ အရေးပါသော ပုဂ္ဂိုလ်ဖြစ်လေသည်။ လေးခုမြောက်သော ခရစ်ဝင်ကျမ်းအပြင် ”ရှင်ယောဟန် ဩဝါဒစာ”၊ ”ဗျာဒိတ်ကျမ်း“ တို့ကို ရေးသားခဲ့လေသည်။ ကျမ်းစာပညာရှင် တစ်ချို့က ထိုကျမ်းများအားလုံးကို ရှင်ယောဟန် ကိုယ်တိုင် ရေးသားခြင်းကို သံသယရှိသော်ငြားလည်း ရှင်ယောဟန်၏ ခရစ်ယာန်သမိုင်း၌ ပါဝင် ပေးဆပ်ခဲ့မှုများကိုကား ငြင်းနိုင်လိမ့်မည်မဟုတ်ချေ။ ကျမ်းစာများ၌ ရှင်ယောဟန်နှင့် ယာကုပ်တို့အား အခြားသော တမန်တော်များထက် ပို၍ အရေးပါအရာရောက်သော သူများအဖြစ် ဇောင်းပေးဖေါ်ပြခဲ့သည်။

 

 

ကျမ်းစာထဲ၌ ဖော်ပြထားချက်များမှ လွဲ၍ ရှင်ယောဟန်၏ အခြားသော အကြောင်းများကို သိရှိရန် မလွယ်ကူလှ။ သူဘယ်သူဘယ်ဝါ အတိအကျကိုသော်လည်းကောင်း၊ သူ၏ သက်မွေးဝမ်းကြောင်း ကို သော်လည်းကောင်း မသိရပေ။ တမန်တော်ကြီးရှင်ပေါလုက ရှင်ယောဟန်သည် ကနဦး ဂျေရုဆလင် အသင်းတော်အား တည်ထောင်ရာတွင် အခြေခံအုတ်ဖြစ် ဖြစ်ခဲ့သည်ဟု ဆိုသည်။ ဆိုရိုးစကားများအရ ကနဦး အသင်းတော်များကို တည်ထောင်ခဲ့သော၊ စမုရန(Smyrna) အသင်းတော်ကြီး၏ ဘုန်းတော်ကြီး ဖြစ်ခဲ့သော ပိုလီကပ်(Polycarp) ကို ရှင်ယောဟန်ကိုယ်တိုင် သင်ကြားပေးခဲ့သည်။ သို့ဖြစ်၍ ကနဦးအသင်းတော်များသည် ပိုလီကပ်၊ ရှင်ယောဟန် ကဲ့သို့သော တမန်တော်များမှတဆင့် ခရစ်တော်နှင့် ဆက်နွယ်ခဲ့လေသည်။