အမှတ်(၈)စစ်ဆင်ရေးကွပ်ကဲမှုဌာနချုပ်

အမှတ်(၈)စစ်ဆင်ရေးကွပ်ကဲမှုဌာနချုပ် (အတိုကောက် စကခ(၈)) သည် ကမ်းရိုးတန်းဒေသတိုင်းစစ်ဌာနချုပ် နယ်မြေဖြစ်သော တနင်္သာရီတိုင်းဒေသကြီး၊ ထားဝယ်မြို့တွင်တည်ရှိသည့် စစ်ဆင်ရေးကွပ်ကဲမှုဌာနချုပ် တစ်ခုဖြစ်သည်။ "စစ်ဆင်ရေးကွပ်ကဲမှုဌာနချုပ်" ဆိုသည်မှာ 'ခြေမြန်တပ်မဌာနချုပ်' အသွင်ယူထားသော တိုက်ခိုက်ရေးတပ်ဖွဲ့ ဖြစ်သည်။ တပ်မများ နှင့် စကခများသည် ကက(ကြည်း) (စစ်ဆင်ရေး)၏ တိုက်ရိုက်ကွပ်ကဲစီမံသော တိုက်ခိုက်ရေးတပ်ဖွဲ့များဖြစ်ပြီး စစ်နယ်ဝန်းပုံသေမရှိဘဲ ရန်သူ၏အင်အားအပေါ်မူတည်၍ လိုအပ်သလိုစစ်ကစားနိုင်ရန် ဖွဲ့စည်းထားခြင်းလည်းဖြစ်သည်။ လက်ရှိ အမှတ်(၈)စစ်ဆင်ရေးကွပ်ကဲမှုဌာနချုပ်မှူး တာဝန်ထမ်းဆောင်နေသူမှာ ဗိုလ်မှူးချုပ် ​အေးမင်းဦး (ဗသက- ၉၄) ဖြစ်သည်။

အမှတ်(၈)စစ်ဆင်ရေးကွပ်ကဲမှုဌာနချုပ်
စကခ(၈)
ကမ်းရိုးတန်းဒေသတိုင်းစစ်ဌာနချုပ်တံဆိပ်
နိုင်ငံ	မြန်မာ
တပ်မတော် အမျိုးအစား	တပ်မတော် (ကြည်း)
တပ် အမျိုးအစား	စစ်ဆင်ရေးကွပ်ကဲမှုဌာနချုပ်
အခန်းကဏ္ဍ	နယ်မြေလုံခြုံရေး၊ ပင်မတိုက်ခိုက်ရေး၊ အကူတိုက်ခိုက်ရေး၊ ရွေ့လျားတိုက်ခိုက်ရေး၊ စစ်ကစားခြင်း
တပ် အရွယ်အစား	တပ်မ
အုပ်ချုပ်သူများ
စစ်ဆင်ရေးကွပ်ကဲမှုဌာနချုပ်မှူး	ဗိုလ်မှူးချုပ် ​အေးမင်းဦး
အဆောင်အယောင်များ
အလံတော်

သမိုင်း

အမှတ်(၈)စစ်ဆင်ရေးကွပ်ကဲမှုဌာနချုပ်ကို ၁၉၉၈ ခုနှစ်၊ မေလ၌ တနင်္သာရီတိုင်းဒေသကြီး၊ ထားဝယ်မြို့တွင် စတင်ဖွင့်လှစ်ခဲ့သည်။

ဖွဲ့စည်းပုံ

အမှတ်(၈)စစ်ဆင်ရေးကွပ်ကဲမှုဌာနချုပ်၏ ကွပ်ကဲမှုအောက်တွင် နည်းဗျူဟာအဖွဲ့ (၃)ဖွဲ့ နှင့် ခြေလျင်/ခြေမြန်တပ်ရင်း (၁၀)ရင်း ရှိသည်။

အမှတ်(၁)နည်းဗျူဟာအဖွဲ့

1. အမှတ်(၄၀၁)​ခြေမြန်တပ်ရင်း - သဗြေချောင်း ကျေးရွာ
2. အမှတ်(၄၀၂)​ခြေမြန်တပ်ရင်း - သဗြေချောင်း ကျေးရွာ
3. အမှတ်(၄၀၃)​ခြေမြန်တပ်ရင်း - သရက်ချောင်းမြို့
4. အမှတ်(၄၀၄)​ခြေမြန်တပ်ရင်း - သရက်ချောင်းမြို့

အမှတ်(၂)နည်းဗျူဟာအဖွဲ့

1. အမှတ်(၄၀၅)​ခြေမြန်တပ်ရင်း
2. အမှတ်(၄၀၆)​ခြေမြန်တပ်ရင်း - ရေဖြူမြို့
3. အမှတ်(၄၀၇)​ခြေမြန်တပ်ရင်း - တနင်္သာရီမြို့နယ်

အမှတ်(၃)နည်းဗျူဟာအဖွဲ့

1. အမှတ်(၄၀၈)​ခြေမြန်တပ်ရင်း - ကလိန်အောင်မြို့
2. အမှတ်(၄၀၉)​ခြေမြန်တပ်ရင်း - ကလိန်အောင်မြို့
3. အမှတ်(၄၁၀)​ခြေမြန်တပ်ရင်း - ကလိန်အောင်မြို့