ကံ့ကော်ပင်ကျောင်းဆရာတော်
ကံ့ကော်ပင်ကျောင်းဆရာတော် (ဆြာတော်လေး-ညောင်အိုင်သား)
၀၁။ ။ ကောဇာ ၁၃၄၃ခုနှစ်၊ တော်သလင်းလဆုတ်(၂) ရက်၊ (၁၅၊ ၉၊ ၁၉၈၁) အင်္ဂါနေ့တွင် ဖွားမြင်သည်။
၀၂။ ။ မိဘများမှာ မန္တလေးတိုင်းဒေသကြီး၊ ရမည်းသင်း မြို့နယ်၊ ဇီးဖြူကုန်းကျေးရွာအုပ်စု၊
ညောင်အိုင် ကျေးရွာဇာတိဖြစ်သည့် ဦးချစ်အေး+ဒေါ်အုန်း စိန်တို့ ဖြစ်သည်။
၀၃။ ။ မွေးဖော်(၅)ယောက်အနက် (၄) ယောက်မြောက်သား ဖြစ်သည်။ ၀၄။ ။ ဆရာကောင်းများထံ နည်းခံ၍ ပရိယတ္တိအခြေခံကို သင်ယူရရှိခဲ့သော်လည်း
ပထမလတ်တန်း အောင်မြင်သည်အထိသာ ကြိုးစားအားထုတ်ခဲ့သည်။
ပထမကြီးတန်းကို တစ်နှစ်မျှ ဖြေဆိုခဲ့ ပြီး မအောင်မြင်ရာမှ စာမေးပွဲဖြေဆိုခြင်းကို ရပ်တန့်ခဲ့သည်။
၀၅။ ။ ရန်ကုန်တိုင်းဒေသကြီး၊ ရွှေပြည်သာမြို့နယ်ရှိ ဘဒ္ဒန္တဇဝန (မေတ္တာရှင်-ရွှေပြည်သာ)၏
အထံ၌ သုံးနှစ်ခန့် တပည့်ခံကာ ဝိပဿနာတရားကို နာကြားလေ့လာခဲ့သည်။
၀၆။ ။ သာမဏေဘ၀ ဥပဇ္ဈာယ်ဆရာတော်မှာ ဇာတိ ရွာကျောင်းဘုန်းတော်ကြီး
ဦးကောဏ္ဍညဖြစ်ပြီး ရဟန်းဘ၀ ဥပဇ္ဈာယ်ဆရာတော်မှာ ရန်ကင်းတောရဆရာတော်
တိဿရမထေရ် ဖြစ်သည်။
၀၇။ ။ ခရစ်နှစ် ၂၀၀၇ခုနှစ်၊ သိဒ္ဓိမိုးမဂ္ဂဇင်းတွင် ဆွယ်တရား အမည်ရှိ ဆောင်းပါးဖြင့်
စာပေလောကသို့ စတင်ဝင်ရောက်သည်။
၀၈။ ။ အမျိုးသားဖတ်စာ၊ အမျိုးသမီးဖတ်စာအပါအဝင် ညောင်အိုင်သား
ကလောင်အမည်ဖြင့် စာအုပ် အချို့ ရေးသားထုတ်ဝေခဲ့သည်။
၀၉။ ။ ကောဇာ ၁၃၇၃ခုနှစ် ကျောင်းထိုင်ဆရာတော် အဖြစ် ခံယူပြီးနောက်မှ
ကလောင် ပြောင်းလဲကာ ကံ့ကော်ပင်ကျောင်းဆရာတော် (ဆြာတော်လေး)
အမည်ဖြင့် ဘာသာရေးစာပေများ ရေးသားသည်။
၁၀။ ။ ယခုအခါ ရန်ကုန်တိုင်းဒေသကြီး၊ ရွှေပြည်သာ မြို့နယ်၊ ၈-ရပ်ကွက်၊
တော်ဝင်လမ်းရှိ ပရိယတ္တိ ဆာယာကံ့ကော်ပင်ကျောင်းတိုက်တွင်
သီတင်း သုံးလျက်ရှိသည်။
၁၃၇၉ခုနှစ်၊ တော်သလင်းလ