Khun Yamm Khit

လိတ်အစွန်ꩻ

”လိတ်”သီးအမျိုꩻယို မဥ်ႏဟော်ꩻဖတ်တသေႏသေႏ မတ်သွင်ꩻသော့ꩻခါꩻနေး ကတူႏခီးကိုတဲ့ꩻတဲ့ꩻသူꩻနောဝ်ꩻ ထဲ့ဆုဲင်ꩻထိုꩻဝင်ꩻယို ထွာဗာႏတောဝ်းကွေး အောဝ်ႏလွုမ်ꩻ တကတ်ꩻ”ကာႏရီး”လဲဥ်းရီးပါꩻသွူ ။

”ဟော်ꩻလိတ် ထွုမ်ႏအမျတ်”ကရိုꩻဒါႏ စိုးရီးစခါ ငေါဝ်းပွုံႏခွိုင်ꩻလွဥ်အတွိုင်ꩻ နီဘဝ,နီနမ်းမဥ်ႏမဲဥ်ထင်ႏထိုကီနောဝ်ꩻ ထွာလိုꩻလောက တစိုးပေႏတွင်ꩻယို အောဝ်ႏလိုႏ ဟော်ꩻထွားမွေးမွေးငါႏလိတ်သွူ ။

လိတ်ယို ပင်ႏတသွောင်းထိုကီဖေႏ နီဘဝ လိတ်ယို မာꩻတနွောင်းထိုဖေႏအီဒါႏ နီဘဝ လိတ်ယို ပါꩻမုဲင်ꩻဟော်ꩻ ပါꩻမုဲင်ꩻ”ဘဝ”တိုꩻတက် လိတ်ယို ပါꩻမုဲင်ꩻဟော်ꩻတောဝ်း ပါꩻမုဲင်ꩻ”ဘဝ”ထဲ့ဖွိုႏ မဥ်ႏမဥ်တွိုႏ ဘဝအရန်းစားကျကျတဲ့ ဟော်ꩻလိတ်လုဲင်း ။

မဥ်ႏရက်မွေးနမ်း ရက်မွေးကြိုလဲ့ နမ်းတွမ်ႏလိတ်ယို ကင်ꩻညာꩻထိုꩻမွိုန်း အချိန်ႏဖုဲင်ႏရာꩻ ဟော်ꩻထွားသွော့ တွမ်ႏမဲ့နား သွောင်သွောင်ဖွီဖွီဗွောင်တွော့ꩻ နမ်းကဝါႏသနာႏရာꩻ လိတ်အမျိုꩻသာꩻပေါင်ꩻစွုမ်ႏယို တွမ်ႏနမ်းသꩻပါပါ ဟော်ꩻထွားခန်းယိုခါခဲ့ꩻခဲ့ꩻလုဲင်း ။ ။

     ခွန်ယမ်းခေတ်(ပအိုဝ်ႏခမ်း)