အာဆင်နယ် အမျိုးသမီးဘောလုံးအသင်း
အာဆင်နယ် အမျိုးသမီးဘောလုံးအသင်း(အင်္ဂလိပ်: Arsenal Women Football Club) သည် အင်္ဂလန်နိုင်ငံမှ အမျိုးသမီးဘောလုံးအသင်း ဖြစ်သည်။ ၁၉၈၇ ခုနှစ်တွင် စတင်တည်ထောင်ခဲ့ပြီး အင်္ဂလိပ်အမျိုးသမီးဘောလုံးလောက၏ အအောင်မြင်ဆုံးအသင်းဖြစ်သည်။
| အသင်းအမည် | အာဆင်နယ် အမျိုးသမီးဘောလုံးအသင်း | |||
|---|---|---|---|---|
| အခြားအမည် | The Gunners | |||
| တည်ထောင်နှစ် | ၁၉၈၇Arsenal Ladies F.C.အဖြစ် | |||
| အိမ်ကွင်း | Meadow Park Borehamwood၊Hertfordshire (လူဝင်ဆံ့မှု: ၄၅၀၂ (1,700 seated)) | |||
| ပိုင်ရှင် | Ivan Gazidis | |||
| ဥက္ကဋ္ဌ | Clare Wheatley | |||
| မန်နေဂျာ | Joe Montemurro | |||
| ဝက်ဘ်ဆိုဒ် | Club home page | |||
| ||||
သမိုင်းကြောင်း
ပြင်ဆင်ရန်၁၉၈၇ ခုနှစ်တွင် Arsenal Ladies Football Club အမည်ဖြင့် စတင်တည်ထောင်ခဲ့သည်။ သူတို့၏ ပထမဆုံးဖလားအနေဖြင့် ၁၉၉၁-၁၉၉၂ Women's League Cup ရရှိမှုဖြစ်ပြီး ၁၉၉၂ ခုနှစ်တွင် Women's Premier League ကို တန်းတက်ခဲ့သည်။ ထိုနှစ်တွင် အသင်းကို အပျော်တမ်းအသင်းမှ Semi-pro အဆင့်ပြောင်းလဲပြီး လစာများပေးခဲ့သည်။ အိမ်ကွင်းနှင့်ဝတ်စုံကို အမျိုးသားအသင်းနည်းတူ အသုံးပြုခဲ့သည်။ ၂၀၁၀ ခုနှစ်အရောက်တွင် ၁၇ ရာသီအတွင်း ချန်ပီယံ ၁၂ ကြိမ်၊ ဒုတိယ ၃ ကြိမ် ရပ်တည်ခဲ့သည်။ တန်းတက်တက်ခြင်း ချန်ပီယံဖြစ်ခဲ့သောအသင်းအဖြစ် မှတ်တမ်းဝင်ခဲ့သည်။ ထို့အပြင် ၂၀၀၄ မှ ၂၀၁၀ အထိ ချန်ပီယံ ၇ ကြိမ်ဆက်တိုက်ရရှိခဲ့ပြီး ချန်ပီယံဘွဲ့ကို အရှည်ကြာဆုံး ထိန်းသိမ်းနိုင်သော အသင်းဖြစ်လာသည်။
၂၀၁၆ အပြီးတွင် အက်ဖ်အေဖလား ၁၄ ကြိမ်၊ ပရီးမီးယားလိဂ်ဖလား ၁၀ ကြိမ် ရရှိခဲ့သည်။ ထို ၂ ခုကို တစ်နှစ်ထဲ ပူးတွဲချန်ပီယံအဖြစ် ၈ကြိမ် (၉၂-၉၃၊ ၉၄-၉၅၊ ၀၀-၀၁၊ ၀၃-၀၄၊ ၀၅-၀၆၊ ၀၆-၀၇၊ ၀၇-၀၈၊ ၀၈-၀၉) လိဂ်ဖလားအပါအဝင် ပြည်တွင်းဖလားချန်ပီယံ ၄ ကြိမ်တို့ ဖြစ်သည်။
၂၀၀၆-၂၀၀၇ ရာသီသည် အသင်း၏ အအောင်မြင်ဆုံးရာသီ ဖြစ်ခဲ့သည်။ ပြည်တွင်းဖလား ၃ လုံးအပြင် ချန်ပီယံလိဂ်ပါ ရယူနိုင်ခဲ့သည်။ ချန်ပီယံလိဂ်ဖလားရခဲ့သော ပထမဆုံးအင်္ဂလန်ကလပ် ဖြစ်လာသည်။ ထို့အပြင် ကွန်မြူနတီဒိုင်း၊ london county FA women's cup တို့ကိုပါ ရယူခဲ့သည်။ တစ်ရာသီအတွင်း ရယူနိုင်မည့် ဖလား ၆ လုံးကို ရယူနိုင်ခဲ့ခြင်းဖြစ်သည်။ ထိုရာသီ၏ လိဂ်ပြိုင်ပွဲပေါင်း ၂၂ ပွဲကို ၁၀၀% အပြည့်အနိုင်ရပြီးစုစုပေါင်း ၁၁၉ ဂိုးသွင်းယူပြီး ပေးဂိုး ၁၀ ဂိုးသာပေးခဲ့ရသည်။ ထိုနှစ်တွင် professional အသင်း ဖြစ်လာသည်။ အားကစားသတင်းထောက်များကပေးသော ကော်မတီဆုကို ပါရခဲ့သည်။
၂၀၀၇-၂၀၀၈ ချန်ပီယံလိဂ်၊ ကွာတားဖိုင်နယ်တွင် အိုလံပီယာကော့ကို ရှုံးနိမ့်ပြီး ချန်ပီယံလိဂ် ချန်ပီယံဘွဲ့ကို ကာကွယ်နိုင်ခြင်းမရှိခဲ့ပေ။ လိဂ်ဖလားဗိုလ်လုပွဲတွင်လည်း အဲဗာတန်အသင်းကို ရှုံးနိမ့်ခဲ့ပြီး ဒုတိယဖြင့်သာ ကျေနပ်ခဲ့ရသည်။ သို့သော် ပရီးမီးယားလိဂ်ချန်ပီယံဘွဲ့ကို ၅ နှစ်ဆက်ထိန်းထားခဲ့ပြီး ၂၂ ပွဲတွင် ပွဲ ၂၀ နိုင်ပြီး ၂ ပွဲသရေကျခဲ့သည်။ အက်ဖ်အေချန်ပီယံလည်း ဖြစ်ခဲ့သည်။ ၂၀၀၈-၂၀၀၉ ရာသီတွင် အဲဗာတန်အသင်းကို ရှုံးနိမ့်ပြီး ၂၀၀၃ မှ ၂၀၀၉ အထိ ပရီးမီးယားလိဂ် ၅ ရာသီဆက်တိုက် ၁၀၈ ပွဲ ရှုံးပွဲမရှိစံချိန် ပျက်ခဲ့ရသည်။ ထို့အပြင် ၂၀၀၅ နိုဝင်ဘာမှ ၂၀၀၈ ဧပြီအထိ ၅၁ ပွဲဆက်တိုက် အနိုင်ရခဲ့ပြန်သည်။ နိုင်ပွဲဆက်မှုပျက်ခဲ့သော်လည်း ထိုနှစ်တွင် ပြည်တွင်းဖလား ၃ လုံးကို စတုတ္ထအကြိမ်အဖြစ် ရယူခဲ့သည်။ ထိုရာသီအပြီးတွင် အသင်း၏ အအောင်မြင်ဆုံးနည်းပြကြီး ဗစ်အေကာ အနားယူခဲ့သည်။ သူ့နေရာကို တိုနီဂါဗေ့စ်က တက်ခံခဲ့ပြီး ၈ လအကြာ ၂၀၁၀ ဖေဖော်ဝါရီလတွင် ပြင်ပဖိအားများပြားလှ၍ အနားယူခဲ့သည်။ သူ့နေရာကို အရံနည်းပြ လော်ရာဟာဗေးက ဆက်ခံကာ တိုနီမှာ အရံအသင်းနည်းပြ ဖြစ်လာသည်။
နောက်တစ်လတွင် အင်္ဂလန်နိုင်ငံ အမျိုးသမီးဘောလုံးအဖွဲ့ချုပ် (FA WSL) က အင်္ဂလန်နိုင်ငံ အမျိုးသမီးဘောလုံးလောက တည်ထောင်သူအဖွဲ့အနေဖြင့် စာရင်းသွင်းခဲ့သည်။ FA WSL အထိမ်းအမှတ်ပွဲကို ၂၀၁၁ နွေရာသီတွင် ကျင်းပခဲ့ပြီး အာဆင်နယ်ကပင် ၃ နှစ်ဆက်တိုက် အနိုင်ရခဲ့သည်။ နည်းပြ ဟာဗေးက အာဆင်နယ်၏ ၈ နှစ်ဆက်တိုက် ပရီးမီးယားလိဂ်ဖလား (သူ၏ပွဲဦးထွက်ဖလား)ကို ရယူနိုင်ခဲ့ပြီး ချန်ပီယံလိဂ်ဝင်ခွင့်ပါ ရခဲ့သည်။
WSL ဖလား၊ အင်ဖ်အေဖလား၊ continental ဖလားတို့ကို ၂၀၁၁ တွင် ရယူခဲ့သည်။
၃ နှစ်အကြာ ၂၀၁၃ တွင် ဟာဗေးအနားယူပြီး နောက်ထပ်အမျိုးသမီးနည်းပြ ရှယ်လေကာက တာဝန်ယူခဲ့သည်။ အက်ဖ်အေဖလား ၂ ကြိမ်၊ continental ဖလားတစ်ကြိမ် ရခဲ့သည်။ ၂၀၁၃ ရာသီတွင် ပရီးမီးယားလိဂ်တွင် တတိယနေရာသာ ရခဲ့သည်။ ၂၀၁၄ ရာသီ၏ အစ ၄ ပွဲတွင် တစ်မှတ်သာရခဲ့ပြီး ချန်ပီယံလိဂ်မှ စောလျင်စွာထွက်ခဲ့ရ၍ ရှယ်လေကာ ထွက်ခဲ့ရသည်။
၂၀၁၄ ဇွန်လ ၁ ရက်တွင် အက်ဖ်အေဖလားရခဲ့သည်။ အမျိုးသားအသင်း၏ အက်ဖ်အေဖလားရယူအပြီး ၂ ပတ်အကြာတွင် ရယူခဲ့၍ အမျိုးသားအသင်းရော အမျိုးသမီးအသင်းပါ အက်ဖ်အေဖလား တစ်ပြိုင်နက် ရခဲ့ခြင်းဖြစ်သည်။
၂၀၁၇ ဇူလိုင်လတွင် Arsenal Women Football Club အဖြစ် အမည်ပြောင်းခဲ့သည်။
ကစားသမားများ
ပြင်ဆင်ရန်
လက်ရှိကစားသမားစာရင်း
ပြင်ဆင်ရန်- As of 12 July 2018.[၁]
Note: Flags indicate national team as defined under FIFA eligibility rules. Players may hold more than one non-FIFA nationality.
|
|
အောင်မြင်မှုများ
ပြင်ဆင်ရန်ပြည်တွင်း
ပြင်ဆင်ရန်- ၂၀၁၁၊ ၂၀၁၂[၂]
- FA Women's Premier League National Division: (၁၂) (record)
- ၁၉၉၂-၁၉၉၃၊ ၁၉၉၄-၁၉၉၅၊ ၁၉၉၆-၁၉၉၇၊ ၂၀၀၀-၂၀၀၁၊ ၂၀၀၁-၂၀၀၂၊ ၂၀၀၃-၂၀၀၄၊ ၂၀၀၄-၂၀၀၅၊ ၂၀၀၅-၂၀၀၆၊ ၂၀၀၆-၂၀၀၇၊ ၂၀၀၇-၂၀၀၈၊ ၂၀၀၈-၂၀၀၉၊ ၂၀၀၉-၂၀၁၀[၂]
- FA Women's Cup: (၁၄) (record)
- ၁၉၉၂-၁၉၉၃၊ ၁၉၉၄-၁၉၉၅၊ ၁၉၉၇-၁၉၉၈၊ ၁၉၉၈-၁၉၉၉၊ ၂၀၀၀-၂၀၀၁၊ ၂၀၀၃-၂၀၀၄၊ ၂၀၀၅-၂၀၀၆၊ ၂၀၀၆-၂၀၀၇၊ ၂၀၀၇-၂၀၀၈၊ ၂၀၀၈-၂၀၀၉၊ ၂၀၁၀-၂၀၁၁၊ ၂၀၁၂-၂၀၁၃၊ ၂၀၁၃-၂၀၁၄၊ ၂၀၁၅-၂၀၁၆[၂]
- FA WSL Cup: (၅) (record)
- ၂၀၁၁၊ ၂၀၁၂၊ ၂၀၁၃၊ ၂၀၁၅၊ ၂၀၁၈[၂]
- FA Women's Premier League Cup: (၁၀) (record)
- ၁၉၉၁-၁၉၉၂၊ ၁၉၉၂-၁၉၉၃၊ ၁၉၉၃-၁၉၉၄၊ ၁၉၉၇-၁၉၉၈၊ ၁၉၉၈-၁၉၉၉၊ ၁၉၉၉-၂၀၀၀၊ ၂၀၀၀-၂၀၀၁၊ ၂၀၀၄-၂၀၀၅၊ ၂၀၀၆-၂၀၀၇၊ ၂၀၀၈-၂၀၀၉[၂]
- FA Women's Community Shield: (၅) (record)
- ၂၀၀၀ (shared) ၂၀၀၁၊ ၂၀၀၅၊ ၂၀၀၆၊ ၂၀၀၈[၂]
ဥရောပ
ပြင်ဆင်ရန်- UEFA Women's Champions League:[၂] (၁) :၂၀၀၆-၂၀၀၇
ကောင်တီ
ပြင်ဆင်ရန်- London County FA Women's Cup: (၁၀) (record)
- ၁၉၉၄-၁၉၉၅၊ ၁၉၉၅-၁၉၉၆၊ ၁၉၉၆-၁၉၉၇၊ ၁၉၉၉-၂၀၀၀၊ ၂၀၀၃-၂၀၀၄၊ ၂၀၀၆-၂၀၀၇၊ ၂၀၀၇-၂၀၀၈၊ ၂၀၀၈-၂၀၀၉၊ ၂၀၀၉-၂၀၁၀၊ ၂၀၁၀-၂၀၁၁[၂]