၅၀ ယန်းတန် ဒင်္ဂါး

၅၀ ယန်းတန် ဒင်္ဂါးသည် ဂျပန်ယန်း ၅၀ တန် ဒင်္ဂါးငွေ ဖြစ်ပြီး ၁၉၆၇ ခုနှစ်တွင် စတင်သွန်းလုပ်ခဲ့သည်။

၅၀ ယန်း

ဂျပန်နိုင်ငံ
တန်ဖိုး	၅၀ ဂျပန်ယန်းငွေ
အလေးချိန်	၄ ဂရမ်
အချင်း	၂၁ မီလီမီတာ
ပုံသဏ္ဌာန်	စက်ဝိုင်းပုံ
အလည်ပေါက်၏ အချင်း	၄ မီလီမီတာ
ပါဝင်ပစ္စည်း	Cupronickel ကြေးနီ ၇၅%, နီကယ် ၂၅%
ဒင်္ဂါးသွန်းလုပ်သည့်နှစ်	၁၉၆၇–လက်ရှိ
Obverse
Reverse

သမိုင်းကြောင်း

ပထမဆုံး ယန်း ၅၀ တန် ဂျပန်ယန်းဒင်္ဂါးကို ၁၉၅၅ ခုနှစ်တွင် စတင်သွန်းလုပ်ခဲ့ကာ ဂန္ဓာမာပန်းပုံ ပါရှိသည်။ ဒင်္ဂါးပြား၏ အချင်းမှာ ၂၅ မီလီမီတာရှိကာ နီကယ် ၁၀၀ % ဖြင့် ပြုလုပ်ထားသည်။

၁၉၅၉ ခုနှစ်ထုတ် ၅၀ ယန်းတန် ဒင်္ဂါးတွင် ၁၀၀ ယန်းတန် ဒင်္ဂါးနှင့် မှားယွင်းမှုမရှိစေရန် အလယ်၌ စက်ဝိုင်းပုံ အပေါက်ကို ထည့်သွင်းခဲ့သည်။ ပါဝင်ပစ္စည်းကိုမူကား မပြောင်းလဲခဲ့ပေ။ ယင်းဒင်္ဂါးကို ၁၉၅၉ ခုနှစ်မှ ၁၉၆၆ ခုနှစ်အထိ သုံးစွဲခဲ့သည်။

လက်ရှိ အသုံးပြုနေသည့် ၅၀ ယန်းတန် ဒင်္ဂါးကို ၁၉၆၇ ခုနှစ်တွင် စတင်ထုတ်ဝေခဲ့သည်။ ပါဝင်ပစ္စည်းအဖြစ် ကြေးနီ ၇၅% နှင့် နီကယ် ၂၅%ကို အသုံးပြုခဲ့သည်။ ဒင်္ဂါး၏ အချင်းကို ၂၁ မီလီမီတာအထိ လျော့ချခဲ့သည်။ အလေးချိန်ကိုလည်း ၅ ဂရမ်မှ ၄ ဂရမ်အထိ လည်းကောင်း၊ အလယ်ဗဟိုရှိ အပေါက်ကို ၆ မီလီမီတာမှ ၄ မီလီမီတာအထိ လည်းကောင်း လျော့ချခဲ့သည်။

ဒီဇိုင်းများ

• 
  ၁၉၅၅-၁၉၅၈ ခုနှစ်ထုတ် ၅၀ ယန်းတန် ဒင်္ဂါး
• 
  ၁၉၅၉-၁၉၆၆ ခုနှစ်ထုတ် ၅၀ ယန်းတန် ဒင်္ဂါး
• 
  ၁၉၆၇-လက်ရှိသုံး ၅၀ ယန်းတန် ဒင်္ဂါး