Warcraft III: Reign of Chaos
Warcraft III: Reign of Chaos သည် ဇူလိုင် ၂၀၀၂ တွင် Blizzard Entertainment မှ ဖြန့်ချိခဲ့သည့် ဗွီဒီယိုဂိမ်းတစ်ခုဖြစ်သည်။ Warcraft စိတ်ကူးယဉ် စကြဝဠာထဲတွင် ဇာတ်လမ်းတည်ထားသည့် တတိယမြောက်ဂိမ်းဖြစ်ကာ Warcraft: Orcs & Humans ၏ ဒုတိယအဆက်ဂိမ်းဇာတ်လမ်း ဖြစ်သည်။ နောက်ဆက်တွဲအဆက်အဖြစ် The Frozen Throne ကို ဇူလိုင် ၂၀၀၃ တွင် ဖြန့်ချိခဲ့သည်။
| Warcraft III: Reign of Chaos | |
|---|---|
| ဖန်တီးသူ | Blizzard Entertainment |
| ထုတ်ဝေသူ | Blizzard Entertainment |
| ဖြန့်ချီသူ | EU Sierra Entertainment JPN Capcom |
| ဒီဇိုင်းနာ | Rob Pardo |
| တေးရေး | Tracy Bush Derek Duke Glenn Stafford |
| စီးရီးများ | Warcraft |
| ပလက်ဖောင်း | မိုက်ခရိုဆော့ဖ် ဝင်းဒိုးစ်, Mac OS, Mac OS X |
| ဖြန့်ချီသည့်နေ့စွဲ | NA ဇူလိုင် ၃၊ ၂၀၀၂ EU ဇူလိုင် ၅၊ ၂၀၀၂ JPN ၂၀၀၃ |
| ဂိမ်းအမျိုးအစား | Real-time strategy |
| Mode(s) | Single-player, multiplayer |
ဂိမ်းကစားပုံ
ပြင်ဆင်ရန်Warcraft III သည်မြေပုံများပေါ်တွင် ခြားနားသောနေရာယူမှုများဖြင့် ကြီးမားကျယ်ပြန်သည့် လွင်ပြင်များ၊ ကွင်းပြင်များအပြင် ဆန်းသစ်သော မြေနေမြေထားများဖြစ်သည့် မြစ်များ၊ တောတောင်များ၊ ပင်လယ်များ၊ ချောက်ကမ်းပါးများစသည့် အင်္ဂါရပ်အသစ်များ ပါဝင်လာခဲ့သည်။ တိုက်ပွဲစဉ်များတွင် မြေပုံ၏ နေရာများအား အနက်ရောင်အလွှာဖြင့် အုပ်ထားသည်။[၁] ထိုအလွှာ၏နေရာကို ရှာဖွေမှုပြုလုပ်မှသာ ပေါ်လာမည် ဖြစ်သည်။ သို့ပေမဲ့လည်း ထိုနေရာများသည် မိမိ၏မဟာမိတ် အချင်းချင်း သို့မဟုတ် အဆောက်အဦးများရှိနေမှသာ အမြဲမြင်နိုင်မည် ဖြစ်သည်။ [၁] ဂိမ်းကစားနေစဉ်အတွင်း ကစားသူသည် သယံဇာတများကို ရှာဖွေရမည် ဖြစ်သည်။ မိမိ၏ ပြိုင်ဘက်များကို ခုခံရင်း၊ စစ်သားများထုတ်ပေးခြင်းနှင့် မြေပုံများကိုရှာဖွေရပြီး ကွန်ပျူတာကစားသူများနှင့်အတူ ဆော့ကစားရမည် ဖြစ်သည်။ ဤဂိမ်းထဲတွင် အဓိက သယံဇာတအနေဖြင့် သုံးမျိုးရှိပြီး ၎င်းတို့မှာ ရွှေ၊ သစ် နဲ့ အစားအစာတို့ ဖြစ်သည်။[၂] ပထမဦးဆုံး လိုအပ်ချက်နှစ်ချက်အနေဖြင့် စစ်သားများကို ထိန်းချုပ်ရန်နှင့် အိမ်များကို ဆောက်လုပ်ရမည် ဖြစ်သည်။ အစားအစာ ကန့်သတ်ချက်အလိုက် စစ်သားများကို ကစားသူတစ်ယောက်အနေဖြင့် ထုတ်လုပ်ပြီး တစ်ခါတည်း ထိန်းချုပ်နိုင်သည်။[၃]