ကျော်ထက်အောင်
ကျော်ထက်အောင်သည် အစီအစဉ်တင်ဆက်သူ၊ အခမ်းအနားမှူး၊ မော်ဒယ်နှင့် ရုပ်ရှင်သရုပ်ဆောင် တစ်ယောက်ဖြစ်သည်။၂၀၁၆ ခုနှစ် မြန်မာအိုင်ဒေါ ပထမရာသီတွင် အစီအစဉ်တင်ဆက်သူအဖြစ် ဆောင်ရွက်အပြီး နာမည်ကြီးလာသည်။ သူ၏ ကြည်လင်ပြတ်သားပြီး အားမာန်အပြည့်ဖြင့် ရှိလှသောအသံကြောင့် ပရိသတ်များအကြား ကျော်ကြားခဲ့သည်။
| ကျော်ထက်အောင် | |
|---|---|
 | |
| မွေးဖွား | ၁၄ စက်တင်ဘာ၊ ၁၉၈၅ ရန်ကုန်မြို့ |
| နိုင်ငံလူမျိုး | မြန်မာ |
| မိခင်ကျောင်း | ရန်ကုန် အရှေ့ပိုင်း တက္ကသိုလ် |
| အလုပ်အကိုင် |
|
| တက်ကြွလှုပ်ရှားနှစ်များ | ၂၀၀၇-လက်ရှိ (အစီအစဉ်တင်ဆက်သူ) ၂၀၁၆-လက်ရှိ (သရုပ်ဆောင်) |
| မိဘ(များ) | ဝင်းလွင် မြင့်မြင့်ဦး |
| ဝက်ဘ်ဆိုဒ် | kyawhtetaung.com |
ဘဝအစနှင့်ပညာရေး
ပြင်ဆင်ရန်ကျော်ထက်အောင်ကို ၁၉၈၅ ခုနှစ် စက်တင်ဘာလ ၁၄ ရက်နေ့တွင် ရန်ကုန်မြို့၌ မွေးဖွားခဲ့သည်။ မိဘများမှာ ဦးဝင်းလွင်နှင့်ဒေါ်မြင့်မြင့်ဦးတို့ ဖြစ်သည်။ ရန်ကုန်အရှေ့ပိုင်းတက္ကသိုလ်မှ ဘွဲ့ရရှိခဲ့သည်။ ၂၀၀၀ ခုနှစ်တွင် Talents&Models Agency တွင် တက်ရောက်ခဲ့သည်။
အလုပ်အကိုင်
ပြင်ဆင်ရန်အခမ်းအနားမှူးနှင့် အစီအစဉ်တင်ဆက်သူ
ပြင်ဆင်ရန်သူ၏ အစီအစဉ်တင်ဆက်သူအလုပ်ကို ၂၀၀၇ ခုနှစ်က စတင်ခဲ့သည်။ အစီအစဉ်တင်ဆက်သူ အငယ်ပိုင်းများတွင် ဒုတိယမျိုးဆက်ဖြစ်ပြီး Family Entertainment တွင် ၂၀၁၀ မှ ၂၀၁၄ အထိ လုပ်ကိုင်ခဲ့သည်။ ထို့နောက် အလွတ်မော်ဒယ်နှင့် အခမ်းအနားမှူးအဖြစ် လုပ်ကိုင်ခဲ့သည်။၂၀၁၆ ခုနှစ်တွင် မြန်မာအိုင်ဒေါ၏ ပထမဆုံးရာသီတွင် အစီအစဉ်တင်ဆက်သူအဖြစ် လုပ်ကိုင်အပြီး နိုင်ငံကျော်လာခဲ့သည်။၂၀၁၆ နှင့် ၂၀၁၇ ခုနှစ်တွင် မြန်မာ့ရုပ်ရှင်ထူးချွန်ဆုပေးပွဲ၌ အစီအစဉ်တင်ဆက်သူအဖြစ်ပါ လုပ်ကိုင်ခဲ့သည်။
သရုပ်ဆောင်
ပြင်ဆင်ရန်သူသည် အကပိုင်းတွင် လေ့ကျင့်ခဲ့သည်။ မြန်မာဘရူဝေးမှ ရိုက်ကူးသည့် ဇာတ်လမ်းတိုတွင် ပါဝင်ခဲ့သည်။ ၂၀၁၆ တွင် နာမည်ကြီးလာအပြီး သူ၏ ပထမဆုံး ရုပ်ရှင်ဇာတ်ကားဖြစ်သော ကြတ်ဂူကို ရိုက်ကူးခဲ့သည်။ ထို့နောက် အောင်ခေတ်မင်းရုပ်ရှင်ထုတ်လုပ်ရေး၏ မင်းသားအဖြစ် လုပ်ကိုင်ခဲ့သည်။
သူ၏ ပထမဆုံး ခေါင်းဆောင်မင်းသားအဖြစ် ရိုက်ကူးခဲ့သောဇာတ်ကားမှာ သူငယ် ဖြစ်သည်။ ရန်အောင်၊ ရဲအောင်၊ မင်းဦး၊ စိုးမြတ်သူဇာ၊ ထွန်းအိန္ဒြာဗိုလ်၊ ခိုင်သင်းကြည်နှင့် မာရီကိုလ်းတို့ဖြင့် တွဲဖက်သရုပ်ဆောင်ခဲ့သည်။ ထိုနှစ်တွင်ပင် နေခြည်မှာရွှေရည်လောင်း ဇာတ်ကားတွင် သရုပ်ဆောင်ခဲ့ပြီး ၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲတွင် အကောင်းဆုံးမင်းသားဆုအတွက် ဇကာတင် ၄ ယောက်စာရင်း ဝင်ခဲ့သည်။
၂၀၁၈ ခုနှစ်တွင် စစ်ကိုမုန်း၍တိုက်ခဲ့သည် ဇာတ်လမ်း၌ စစ်ဆရာဝန်တစ်ယောက်အနေဖြင့် ပါဝင်ခဲ့သည်။ ထို့နောက် လူမင်း၊ ထွန်းအိန္ဒြာဗိုလ်၊ ခိုင်သင်းကြည်တို့နှင့်အတူ စရိုက် ဟူသောဇာတ်ကားတွင် ခေါင်းဆောင်မင်းသားအဖြစ် ရိုက်ကူးခဲ့သည်။ ထို့နောက် ဒါရိုက်တာဝိုင်း ရိုက်ကူးသော ကာဘွန်ဒိုင်အောက်ဆိုဒ်ဇာတ်ကားတွင် သရုပ်ဆောင် အလင်းရောင်၊ ဖွေးဖွေး၊ ရတနာဘိုတို့နှင့် တွဲဖက် သရုပ်ဆောင်ထားသည်။ ချူစီ၊ The Masks ဇာတ်ကားများတွင်လည်း သရုပ်ဆောင်ထားသည်။
ကြေညာသရုပ်ဆောင်
ပြင်ဆင်ရန်မြန်မာအိုင်ဒေါတွင်နာမည်ကျော်လာအပြီး ကျော်ထက်အောင်မှာ တီဗွီကြော်ငြာများစွာတွင် သရုပ်ဆောင်ခဲ့သည်။၂၀၁၇ ခုနှစ်တွင် Red Bull နှင့် Nescafé ၏ Brand Ambassador နှင့် ၂၀၁၈ ခုနှစ်တွင် Nutrivita ၏ Brand Ambassador အဖြစ် ဆောင်ရွက်ခဲ့သည်။
ရုပ်ရှင်
ပြင်ဆင်ရန်| ခုနှစ် | ဇာတ်ကား | ဒါရိုက်တာ | ပါဝင်သူများ | ဇာတ်ကောင် | မှတ်ချက် |
|---|---|---|---|---|---|
| ၂၀၁၆ | ကြတ်ဂူ | လူမင်း | မြင့်မြတ်၊ လူမင်း၊ ထွန်းအိန္ဒြာဗို၊ အိန္ဒြာကျော်ဇင် | စောဝေဦး(ကျောင်းဆရာ) | ဇာတ်ပို့ |
| ၂၀၁၇ | သူငယ် | အရုဏ်ဦး ပွင့်သိင်္ဂီဇော် | ရန်အောင်၊ ရဲအောင်၊ မင်းဦး၊ စိုးမြတ်သူဇာ၊ ထွန်းအိန္ဒြာဗို၊ ခိုင်သင်းကြည်၊ မာရီကိုလ်း | ရှိန်း | ဇာတ်ဆောင် |
| ၂၀၁၇ | နေခြည်မှာရွှေရည်လောင်း | ဇော်မြင့်ဦး | အေးမြတ်သူ၊ ကျော်ကျော်၊ နန်းမြတ်ဖြိုးသင်း | ငြိမ်းချမ်း | ဆန်ခါတင် |
| ၂၀၁၈ | စစ်ကိုမုန်း၍တိုက်ခဲ့သည် | တင်အောင်စိုး (ပန်းမြို့တော်) | ထူးအောင်၊ နေမင်း၊ အိချောပို၊ စိုးမြတ်သူဇာ၊ စိုးမြတ်နန္ဒာ၊ စိုးပြည့်သဇင်၊ သွန်းဆက် | စစ်ဆရာဝန် | |
| ၂၀၁၈ | စရိုက် | ဩရသ | လူမင်း၊ ခိုင်သင်းကြည်၊ ထွန်းအိန္ဒြာဗိုလ် | တင်မောင်ဝင်း | ဇာတ်ဆောင် |
| ၂၀၁၈ | ကာဘွန်ဒိုင်အောက်ဆိုဒ် | ဝိုင်း | အလင်းရောင်၊ ဖွေးဖွေးး၊ သန္တာဘို | ||
| ၂၀၁၈ | The Masks | မင်းဦး | မင်းဦး၊ အိချောပို၊ အေးဝတ်ရည်သောင်း၊ စိုးပြည့်သဇင် |
ကိုးကား
ပြင်ဆင်ရန်ပြင်ပလင့်ခ်များ
ပြင်ဆင်ရန်
ဖေ့စ်ဘွတ်ခ် ပေါ်ရှိ ကျော်ထက်အောင်
အင်စတာဂရမ် ပေါ်ရှိ Kyaw Htet Aung
