တရုတ်-မြန်မာ ရထားလမ်း

တရုတ်-မြန်မာ ရထားလမ်းသည် တရုတ်နိုင်ငံ ယူနန်ပြည်နယ်နှင့် မြန်မာနိုင်ငံကို ဆက်သွယ်ပေးသည့် ရထားလမ်းစီမံကိန်းဖြစ်ကာ ပန်-အာရှ မီးရထားမှဖောက်လုပ်နေသည့်စီမံကိန်း၏ အဓိက အစိတ်အပိုင်းတစ်ခုဖြစ်သည်။ ၎င်းသည် တရုတ်နိုင်ငံ၊ ယူနန်ပြည်နယ်၊ ကူမင်းမြို့မှ စတင်ကာ မြန်မာနိုင်ငံ၊ ကျောက်ဖြူမြို့နှင့် ရန်ကုန်မြို့အထိ စုစုပေါင်းအရှည် ၁,၉၂၀ ကီလိုမီတာခန့်ရှိမည်ဖြစ်သည်။

သမိုင်းကြောင်း

၂၀၁၁ ခုနှစ်တွင် လက်မှတ်ရေးထိုးခဲ့သော နှစ်နိုင်ငံ နားလည်မှုစာချွန်လွှာအရ တရုတ်နိုင်ငံသည် အမေရိကန်ဒေါ်လာ ၂ ဘီလီယံ ( ဟောင်ကောင်ဒေါ်လာ ၁၅.၆ ဘီလီယံ) သုံးစွဲမည်ဖြစ်ပြီး ကျောက်ဖြူမြို့မှ တရုတ်နိုင်ငံ ကူမင်းမြို့အထိ ကီလိုမီတာ ၁၂၁၅ ရှည်လျားသည့် မီးရထားလမ်း ဖောက်လုပ်မည်ဖြစ်သည်။ တရုတ်မီးရထားမှ နှစ်(၅၀)ကြာ လည်ပတ်မည်ဖြစ်သည်။ ၂၀၁၄ ခုနှစ် ဇူလိုင်လတွင် Deutsche Presse-Agentur နှင့် ဧရာဝတီတို့မှ အစီရင်ခံစာများ အရ မြန်မာနိုင်ငံရှိ အချို့သော နိုင်ငံရေး ပါတီများနှင့် အဖွဲ့အစည်းများက ယခု မီးရထားလမ်းသည် ဒေသတွင်းလုံခြုံရေးကို အန္တရာယ်ဖြစ်စေမည်ကို စိုးရိမ်ကန့်ကွက်မှုများရှိခဲ့သည်။

ရထားလမ်းပိုင်းများ

• ကူမင်း-ချူးရှုံ-တာလီ ရထားလမ်း သည် ကီလိုမီတာ ၃၅၀ ရှည်လျားပြီး ၂၀၁၈ခုနှစ် ဇူလှိုင်လ ၁ရက်နေ့တွင် စတင်ဖွင့်လှစ်ခဲ့သည်။
• တာလီ-ရွှေလီ ရထားလမ်း သည် ကီလိုမီတာ ၃၄၀ ရှည်လျားပြီး တာလီ မှ ပေါက်ရှန်း အပိုင်းကို ၂၀၂၂ ခုနှစ် ဇူလိုင်လ ၂၂ ရက်နေ့တွင် စတင်ဖွင့်လှစ်ခဲ့ပြီး ပေါက်ရှန်း မှ ရွှေလီ အပိုင်းကို ဆက်လက်ဖောက်လုပ်နေပါသည်။
• ရွှေလီ-မူဆယ် ရထားလမ်း သည် တရုတ်-မြန်မာ နယ်စပ် ရထားလမ်းဖြစ်ကာ လားရှိုးမြို့အထိ ကီလိုမီတာ ၁၃၀ အရှည်ရှိမည် ဖြစ်သည်။
• မူဆယ်-မန္တလေး ရထားလမ်း သည် အရှည် ၄ဝ၉.၉၆ ကီလိုမီတာ ရှိမည်ဖြစ်ကာ တံတား (၁၂၄) စင်း တည်ဆောက်ခြင်း၊ ဥမင်လှိုဏ်ခေါင်း (၆ဝ) ခုတည်ဆောက်ခြင်းတို့ ပါဝင်မည်ဖြစ်သည်။
• မန္တလေး-ကျောက်ဖြူ ရထားလမ်း

အခြား ကြည့်ရှုရန်

• အိန္ဒိယ-မြန်မာ ရထားလမ်း
• သေမင်းတမန် ရထားလမ်း