တိဿမဟာဝိဟာရ

ကာကဝဏ္ဏတိဿ-မင်း ဆောက်လုပ် လှူဒါန်းအပ်သော တိဿ-ကျောင်းတိုက်ကြီး။

ယင်း-သည် မဟာဝေလိဂင်္ဂါမြစ်၏ ထိုဖက်ကမ်းနေ ရဟန်းတော်တို့ ကမ္မဋ္ဌာန်းတောင်းယူရန်နှင့် တရားထူးပြောကြားရန် ဝါဝင်, ဝါထွက် အစည်းအဝေး ကျင်းပရာဌာန ဖြစ်၏။ ယင်း၌ပင် နိကာယ် ၅-ရပ်ပါဠိ, အဋ္ဌကထာကို ရွတ်ဖတ် သရဇ္ဈာယ်သုတ်သင်ကြဖူး၏။

ဗြာဟ္မဏတိဿ “တီယ” ခိုးသူဘေး ဖြစ်စဉ် သံဃာ ၁-သောင်း ၂-ထောင်မျှ သီတင်းသုံးခဲ့ ဘူးသည်။

တလင်္ဂရတိဿတောင် ကျောင်းနေ ဓမ္မဒိန္နထေရ် ပြဿနာ ဖြေဆိုဖူး၏ ။

မာလေယျ-ဒေဝထေရ်

ဆဆက္ကသုတ်ကို ဟောရာ မထေရ် ၆-ကျိပ် ရဟန္တာ ဖြစ်ဖူး၏။

ဂါမန္တပဗ္ဘာရဝါသီ မဟာသီဝထေရ်ဂိုဏ်းကြီး ၁၈-ဂိုဏ်းအား ပိဋက ပို့ချ အဆုံးအမပေးရာ ရဟန်း ၆-သောင်း အရဟတ္တဖိုလ် တရားထူးရဖူး၏ ။

တလင်္ဂရဝါသီ ဓမ္မဒိန္နထေရ် အပဏ္ဏကသုတ်ကိုဟောရာ တရားထူးရသူများကြ၏ ။

ဘဝ တဏှာကြောင့် ကကုသန် ဘုရားလက်ထက် ကြက်မှ ဤဘုရားလက်ထက် အစစွာ ဝက် ငယ်မ-စသည် ဖြစ်၍ နောက်ဆုံးဘဝ၌ သုမန အမည်ရသော သတိုးသမီး ဘိက္ခုနီမပြု၍ မဟာသတိပဋ္ဌာနသုတ်ကို ကြားနာရသည့် အခါ သောတာပန် ဖြစ်ဖူး၏ ။

အမ္မရိယဝိဟာရဝါသီပိဏ္ဍပါတိယတိဿထေရ် “ဒါရုဘဏ္ဍကမဟာတိဿ-ဒါယကာ၏ဆရာ” ကမ္မဋ္ဌာန်းအားထုတ်ရာနေ့မှ ၇-ရက်မြောက် သောနေ့၌ ပဋိသမ္ဘိဒါပတ္တရဟန္တာ ဖြစ်ဖူး၏ ။

ဒပ္ပုလမင်း ကတ္တိကပဗ္ဗတ ရွာကို ဝတ္ထုကံအဖြစ်ဖြင့် လှူဒါန်းခဲ့ဖူး၏ ။

ဆက်စပ်ဖတ်ရှုရန်

• အနုရာဓပူရမဟာဝိဟာရ