နော်ဆူဇန်နာလှလှစိုး
နော်ဆူဇန်နာလှလှစိုး (ခ) နော်လှလှစိုးသည် အမျိုးသမီးအရေး တက်ကြွလှုပ်ရှားသူ ကရင်လူမျိုး သတ္တဗေဒပညာရှင် နိုင်ငံရေးသမားဖြစ်သည်။[၃]
နော်ဆူဇန်နာလှလှစိုး | |
|---|---|
| အမျိုးသားညီညွတ်ရေး အစိုးရအဖွဲ့၊ အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီး | |
တာဝန်ထမ်းဆောင်ဆဲ | |
| တာဝန် စတင် ၁၆ ဧပြီ ၂၀၂၁ | |
| ခန့်အပ်သူ | CRPH |
| သမ္မတ | ဦးဝင်းမြင့် |
| ဒုတိယ သမ္မတ | ဒူဝါလရှီးလ |
| အမျိုးသားလွှတ်တော်ကိုယ်စားလှယ် | |
| တာဝန်သက်တမ်း ၁ ဖေဖော်ဝါရီ ၂၀၁၆ – ၁ ဖေဖော်ဝါရီ ၂၀၂၁ | |
| မဲဆန္ဒနယ် | ရန်ကုန်တိုင်းဒေသကြီး မဲဆန္ဒနယ် အမှတ် ၁၀ |
| အနိုင်ရမဲ အရေအတွက် | ၁၇၂,၂၉၅[၁] |
| ကိုယ်ရေး အချက်အလက်များ | |
| မွေးဖွား | ၁၈ ဩဂုတ်၊ ၁၉၆၅[၂] ရန်ကုန်တိုင်း၊ အင်းစိန်မြို့နယ် |
| လူမျိုး | မြန်မာ |
| နိုင်ငံရေးပါတီ | အမျိုးသားဒီမိုကရေစီအဖွဲ့ချုပ် |
| သားသမီး | သမီးတစ်ဦး |
| မိခင်ကျောင်း | ရန်ကုန်တက္ကသိုလ် |
| အလုပ်အကိုင် |
|
ငယ်ဘဝနှင့် လူမှုရေးလုပ်ငန်းများ
ပြင်ဆင်ရန်၁၉၆၅ခုနှစ် ဩဂုတ်လ ၁၈ရက်တွင် ရန်ကုန်တိုင်း အင်းစိန်မြို့နယ်၌ မွေးဖွားသည်။ ရန်ကုန်တက္ကသိုလ်မှ သတ္တဗေဒဘာသာရပ်အထူးပြု သိပ္ပံဘွဲ့နှင့် မဟာသိပ္ပံဘွဲ့ ရရှိသည်။ တက္ကသိုလ်တက်နေစဉ် ကျောင်းသူဘဝကပင် World Vision ၌ စာရေးအဖြစ် ဝင်ရောက်လုပ်ကိုင်ခဲ့သည်။ နောက်ပိုင်းတွင် စီမံကိန်းမန်နေဂျာအဖြစ် ဆောင်ရွက်ရသည်။ World Vision မှတစ်ဆင့် ခေါင်းဆောင်မှုပိုင်းဆိုင်ရာ အလုပ်ရုံဆွေးနွေးပွဲများ တက်ရောက်ခွင့်ရခဲ့ပြီး၊ အမေရိကန်ပြည်ထောင်စု ပင်ဆီဗေးနီးယားပြည်နယ် ဖီလန်ဒဲဖီးယား အရှေ့ပိုင်းတက္ကသိုလ်၌ အင်န်ဂျီအို ခေါင်းဆောင်မှုပိုင်းဆိုင်ရာ အမ်ဘီအေအတန်းကို သင်ကြားခွင့်ရခဲ့သည်။ ၂၀၀၃ခုနှစ်တွင် ကရင်အမျိုးသမီးများ လှုပ်ရှားမှုအဖွဲ့ (KWAG) သို့ ဝင်ရောက်ခဲ့ရာ ၂၀၁၀တွင် အမှုဆောင်ဒါရိုက်တာ ဖြစ်လာခဲ့သည်။[၄]
၂၀၀၈ခုနှစ် ဧရာဝတီမြစ်ဝကျွန်းပေါ်ဒေသ၌ ဆိုင်ကလုန်းမုန်တိုင်း နာဂစ်ဒဏ် ခံကြရသောအခါ မိသားစုများ ပြန်လည်ထူထောင်ရေးနှင့် အိုးအိမ်များ ပြန်လည်တည်ဆောက်ရေး လုပ်ငန်းများအတွက် အရေးပေါ် ကယ်ဆယ်ရေးအဖွဲ့တစ်ဖွဲ့ကို ဦးဆောင်ဦးရွက်ပြုခဲ့သည်။
မြန်မာနိုင်ငံ အမျိုးသမီး အဖွဲ့အစည်းများကွန်ရက်နှင့် အမျိုးသမီးများ ငြိမ်းချမ်းရေးကွန်ရက်တို့၏ ဥက္ကဋ္ဌအဖြစ် ဆောင်ရွက်ခဲ့သည်။
နိုင်ငံရေးလှုပ်ရှားမှု
ပြင်ဆင်ရန်၂၀၁၅ အထွေထွေ ရွေးကောက်ပွဲတွင် အမျိုးသားလွှတ်တော်၏ ရန်ကုန်တိုင်းဒေသကြီး မဲဆန္ဒနယ် အမှတ် ၁၀ နေရာအတွက်[၅][၆][၇] အမျိုးသားဒီမိုကရေစီအဖွဲ့ချုပ်မှ ဝင်ရောက်ယှဉ်ပြိုင်ရာ ၁၇၂,၂၉၅ မဲဖြင့် အနိုင်ရခဲ့သည်။[၁]
၂၀၂၀ အထွေထွေ ရွေးကောက်ပွဲတွင် ရန်ကုန်တိုင်းဒေသကြီးလွှတ်တော် ကရင်တိုင်းရင်းသားရေးရာ ဝန်ကြီးနေရာအတွက်[၈][၉] အမျိုးသားဒီမိုကရေစီအဖွဲ့ချုပ်မှပင် ဝင်ရောက်ယှဉ်ပြိုင်ရာ ၁၀၆,၁၄၄ မဲ (၇၁.၇၅%) ဖြင့် အနိုင်ရသော်လည်း[၁၀] စစ်အာဏာသိမ်းမှုကြောင့် လွှတ်တော်တက်ခွင့် မရခဲ့ပေ။
၂၀၂၁ ဧပြီလ ၁၆ရက်တွင် ပြည်ထောင်စုလွှတ်တော် ကိုယ်စားပြုကော်မတီက အမျိုးသားညီညွတ်ရေးအစိုးရ (NUG) ဖွဲ့စည်းသောအခါ အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဖြစ်လာခဲ့သည်။[၁၁][၁၂][၁၃]
ကိုးကား
ပြင်ဆင်ရန်- ↑ ၁.၀ ၁.၁ 2015 General Election – Election Results (in en)။ 8 September 2021 တွင် မူရင်းအား မော်ကွန်းတင်ပြီး။ 25 April 2021 တွင် ပြန်စစ်ပြီး။
- ↑ Myanmar Election 2020။ 25 April 2021 တွင် မူရင်းအား မော်ကွန်းတင်ပြီး။ 25 April 2021 တွင် ပြန်စစ်ပြီး။
- ↑ "Day 3: Spotlighting Susanna Hla Hla Soe, Burma"၊ Nobel Women's Initiative၊ 27 November 2012။
- ↑ "Susanna Hla Hla Soe (Myanmar) — Women in Human Rights"၊ www.womensrights.asia။
- ↑ "အမျိုးသမီးများအပေါ် အိမ်တွင်းအကြမ်းဖက်မှုသည် ရာဇဝတ်မှုမြောက်ဟု ဆို" (in en)၊ Mizzima Myanmar News and Insight။
- ↑ "ကိုဗစ်-၁၉ ကြောင့် တိတ်ဆိတ်သွားတဲ့ အင်းစိန်" (in my)၊ BBC News မြန်မာ၊ 15 April 2020။
- ↑ "Women candidates outnumber men for the post of Karen Ethnic Affairs Minister post in Yangon" (in en)၊ Burma News International။
- ↑ 2020 General Election – Ethnic Affairs Ministers (in en)။ 9 September 2021 တွင် မူရင်းအား မော်ကွန်းတင်ပြီး။ 25 April 2021 တွင် ပြန်စစ်ပြီး။
- ↑ "Election 2020 | Karen Ethnic Affairs Minister Candidates in Myanmar’s Yangon Square Off in Online Debate"၊ The Irrawaddy၊ 24 September 2020။
- ↑ 2020 General Election – Election Results (in en)။ 8 September 2021 တွင် မူရင်းအား မော်ကွန်းတင်ပြီး။ 25 April 2021 တွင် ပြန်စစ်ပြီး။
- ↑ Who we are (Myanmar Version) - CRPH။ Committee Representing Pyidaungsu Hluttaw (11 April 2021)။ 17 July 2021 တွင် မူရင်းအား မော်ကွန်းတင်ပြီး။ 24 April 2021 တွင် ပြန်စစ်ပြီး။
- ↑ Formation of the National Unity Government of Myanmar - CRPH။ Committee Representing Pyidaungsu Hluttaw (15 April 2021)။ 7 May 2021 တွင် မူရင်းအား မော်ကွန်းတင်ပြီး။ 24 April 2021 တွင် ပြန်စစ်ပြီး။
- ↑ "Who’s Who in Myanmar’s National Unity Government"၊ The Irrawaddy၊ 16 April 2021။
ပြင်ပလင့်ခ်များ
ပြင်ဆင်ရန်
ဖေ့စ်ဘွတ်ခ် ပေါ်ရှိ နော်ဆူဇန်နာလှလှစိုး