ဦးမင်းသူသည် ပြည်ထောင်စုအစိုးရအဖွဲ့ရုံးဝန်ကြီးဌာန၏ ဝန်ကြီးဟောင်းတစ်ယောက်ဖြစ်သည်။သမ္မတရုံး ဒုဝန်ကြီးအဖြစ် ဒေါ်အောင်ဆန်းစုကြည်၏ လက်အောက်တွင် တာဝန်ထမ်းဆောင်ခဲ့ဖူးသေးသည်။

မင်းသူ
Min Thu Minister.jpg
ပြည်ထောင်စုအစိုးရအဖွဲ့ရုံးဝန်ကြီးဌာနဝန်ကြီး
တာဝန်သက်တမ်း
၂၉ နိုဝင်ဘာ ၂၀၁၈ – ၁ ဖေဖော်ဝါရီ ၂၀၂၁
ယခင်လူဦးသောင်းထွန်း
ဆက်ခံသူဒုတိယဗိုလ်ချုပ်ကြီး စိုးထွဋ်
သမ္မတရုံး ဝန်ကြီးဌာန ဒုတိယဝန်ကြီး
တာဝန်သက်တမ်း
၁၂ ဒီဇင်ဘာ ၂၀၁၆ – ၂၉ နိုဝင်ဘာ ၂၀၁၈
ဝန်ကြီးဒေါ်အောင်ဆန်းစုကြည်
ကိုယ်ရေး အချက်အလက်များ
မွေးဖွား (1956-11-08) နိုဝင်ဘာ ၈၊ ၁၉၅၆ (အသက် ၆၅)
တောင်ကြီးမြို့၊ ရှမ်းပြည်နယ်
လူမျိုးမြန်မာ
ကြင်ဖော်(များ)ဒေါ်လွင်မေသိန်း
သားသမီး
မိခင်ကျောင်းစစ်တက္ကသိုလ်
စစ်မှုထမ်းခြင်း
သစ္စာခံနိုင်ငံမြန်မာနိုင်ငံ
တပ်/တပ်ဖွဲ့ခွဲတပ်မတော်
ရာထူးဗိုလ်မှူးကြီး

ငယ်ဘဝနှင့်ပညာရေးပြင်ဆင်

ဦးမင်းသူကို တောင်ကြီးမြို့တွင် မွေးဖွားခဲ့သည်။စစ်တက္ကသိုလ်အပတ်စဉ် (၂၀)မှဖြစ်ကာ သိပ္ပံဘွဲ့၊ မဟာဝိဇ္ဇာဘွဲ့ (ကာကွယ်ရေး)တို့ကို ရရှိခဲ့သည်။[၁]

အလုပ်အကိုင်ပြင်ဆင်

တပ်မတော်နှင့် အဲပုဂံပြင်ဆင်

စစ်တက္ကသိုလ်မှဆင်းပြီးနောက် တပ်မတော်တွင် တာဝန်ထမ်းဆောင်ခဲ့ပြီး နောက်ဆုံးတွင် မြိတ်လေတပ်စခန်းဌာနချုပ်၏ ဒုတိယဌာနချုပ်မှူးဘဝဖြင့် အငြိမ်းစားယူခဲ့သည်။ ထို့နောက်တွင် အဲပုဂံလေကြောင်းလိုင်းတွင် လုပ်ကိုင်ခဲ့သည်။

အစိုးရအဖွဲ့ရာထူးများပြင်ဆင်

၂၀၁၆တွင် အမျိုးသားဒီမိုကရေစီအဖွဲ့ချုပ်တက်လာပြီးနောက် ဒေါ်အောင်ဆန်းစုကြည်နှင့် မိသားစုချင်းနီးစပ်မှုအရ နေပြည်တော်ကောင်စီဝင်ဖြစ်လာခဲ့သည်။[၂]၂၀၁၆ ဒီဇင်ဘာလ ၁၂ရက်​နေ့တွင် သမ္မတရုံးဝန်ကြီးဌာန၏ ဒုဝန်ကြီးအဖြစ် ဒေါ်အောင်ဆန်းစုကြည်၏ လက်အောက်တွင် လုပ်ကိုင်ခဲ့သည်။[၃]၂၀၁၈ခုနှစ် နိုဝင်ဘာ ၁၉ရက်နေ့တွင် ပြည်ထောင်စုအစိုးရအဖွဲ့ရုံးဝန်ကြီး ဦးသောင်းထွန်းကို ဝန်ကြီးဌာနအသစ်သို့ ပြောင်းလဲကိုင်တွယ်စေပြီးနောက် နိုဝင်ဘာ ၂၉ရက်နေ့တွင် ဦးမင်းသူကို ပြည်ထောင်စုအစိုးရအဖွဲ့ရုံး၏ ဝန်ကြီးအဖြစ် ခန့်အပ်ခဲ့သည်။ဦးမင်းသူအား ဝန်ကြီးနှင့် ဒုဝန်ကြီးများ ခန့်အပ်ခဲ့ခြင်းအပေါ်တွင် ဝေဖန်ခံခဲ့ရသည်။စစ်တပ်မှ အငြိမ်းစားတစ်ယောက်အား အရပ်သားအစိုးရအဖွဲ့တွင် နေရာပေးခြင်းကို နိုင်ငံရေးအသိုင်းအဝိုင်းမှ ဝေဖန်ခဲ့ကြသည်။[၄]

၂၀၁၈ခုနှစ် ဒီဇင်ဘာ ၂၈ရက်နေ့တွင် အထွေထွေအုပ်ချုပ်ရေးဦးစီးဌာနအား ပြည်ထဲရေးလက်အောက်မှ ပြည်ထောင်စုအစိုးရအဖွဲ့ရုံးဝန်ကြီးဌာနအောက်သို့ ပြောင်းရွှေ့ခဲ့သည်။ ထိုအချိန်မှစ၍ ဦးမင်းသူမှာ ထွေအုပ်ဝန်ကြီးအဖြစ် ပြည်သူများအကြား သိရှိလာခဲ့သည်။ စစ်တပ်မှ အငြိမ်းစားယူထားသော ပြည်ထဲရေးဝန်ကြီးဌာန၏ အမြဲတမ်းအတွင်းဝန် ဦးတင်မြင့်ကိုလည်း ပြည်ထောင်စုအစိုးရအဖွဲ့ရုံးဝန်ကြီးဌာန၏ ဒုဝန်ကြီးအဖြစ် ပြောင်းလဲတာဝန်ပေးခဲ့သဖြင့် ဝန်ကြီးသာမက ဒုဝန်ကြီးကပါ တပ်မတော်နှင့် ပက်သက်ခဲ့သူများဖြစ်နေသည်။ ထို့ကြောင့် နိုင်ငံရေးအသိုင်းအဝိုင်းတွင် ဝေဖန်ခဲ့ကြပြန်သည်။

၂၀၂၁ ဖေဖော်ဝါရီလ ၁ရက်နေ့တွင် စစ်အာဏာသိမ်းခံရပြီးနောက် ဦးမင်းသူသည် နေအိမ်တွင် ဖမ်းဆီးထိန်းသိမ်းခံခဲ့ရသည်။[၂]ထိုနေ့တွင်ပင် ဦးမင်းသူက ၎င်းဝန်ကြီးအဖြစ် တာဝန်ထမ်းဆောင်နေစဉ်အတောအတွင်း အားလုံးကို ကျေးဇူးတင်ပါကြောင်း ၎င်း၏လူမှုကွန်ယက်မှတစ်ဆင့် ပြောကြားခဲ့သည်။ ထို့နောက် အာဏာသိမ်းစစ်ကောင်စီမှ ဒုတိယဗိုလ်ချုပ်ကြီးစိုးထွဋ်ကို ဦးမင်းသူ၏ ဝန်ကြီးနေရာအား ဆက်ခံစေခဲ့သည်။

ကိုးကားပြင်ဆင်