မြင့်နောင်
ဦးမြင့်နောင် (၁၉၆၀ ဖွား) သည် အလုပ်သမားဝန်ကြီးဌာန၏ ၃၆ဦးမြောက်ဝန်ကြီး ဖြစ်သည်။[၁] ထိုတာဝန်ကို ၂၀၂၃ ဩဂုတ်၃ ရက်တွင် စတင်ထမ်းဆောင်သည်။သူသည် ယခင်က တပ်မတော်တွင် ဗိုလ်မှူးချုပ်အဆင့်အထိတာဝန်ထမ်းခဲ့ပြီး သံအမတ်ကြီးအဖြစ်လည်း ဆယ်စုနှစ်တစ်ခု ထမ်းဆောင်ခဲ့သူဖြစ်သည်။ [၂]
မြင့်နောင် | |
|---|---|
| အလုပ်သမားဝန်ကြီးဌာန ဝန်ကြီး | |
တာဝန်ထမ်းဆောင်ဆဲ | |
| တာဝန် စတင် ၃ ဩဂုတ် ၂၀၂၃ | |
| ခန့်အပ်သူ | နိုင်ငံတော်စီမံအုပ်ချုပ်ရေးကောင်စီ |
| သမ္မတ |
|
| ဝန်ကြီးချုပ် | ဗိုလ်ချုပ်မှူးကြီး မင်းအောင်လှိုင် |
| ယခင်လူ | ဒေါက်တာ ပွင့်ဆန်း |
| ကိုယ်ရေး အချက်အလက်များ | |
| မွေးဖွား | ၁၉၆၀ |
| လူမျိုး | မြန်မာ |
| စစ်မှုထမ်းခြင်း | |
| သစ္စာခံနိုင်ငံ | မြန်မာနိုင်ငံ |
| ရာထူး | ဗိုလ်မှူးချုပ် |
တပ်မတော်သားဘဝ ပြင်ဆင်ရန်
သူသည် စစ်တက္ကသိုလ်ကျောင်းဆင်းတစ်ဦးဖြစ်သည်။တပ်မတော်တွင် ဗိုလ်မှူးချုပ်အဆင့်အထိတာဝန်ထမ်းဆောင်ခဲ့သည်။တပ်မတော်အစိုးရလက်ထက် တပ်မတော်သားအဖြစ်တာဝန်ထမ်းဆောင်စဉ် ကရင်ပြည်နယ် စစ်ဆင်ရေး အတွင်း ဒေသခံများ အိုးအိမ်ထွက်ပြေး စွန့်ခွာစေသည့် အမှုတွင် တာဝန်ရှိသူတဦးဟု KHRD(Karen Human Rights Group)က စွပ်စွဲသည်။[၃] သူ့ကို တောင်အာဖရိက အခြေစိုက် Mail and Guardian သတင်းစာက ၂၀၀၇ ရွှေဝါရောင် တော်လှန်ရေးအပေါ် ပါဝင်နှိမ်နင်းခဲ့သူတစ်ဦးဟု ၂၀၁၁ ခုနှစ်က ဖော်ညွှန်းသည်။ [၄]
သံအမတ်ကြီးဘဝ ပြင်ဆင်ရန်
သမ္မတဦးသိန်းစိန်အစိုးရလက်ထက် တပ်မတော်မှ ဗိုလ်မှူးချုပ်အဆင့်ဖြင့် အငြိမ်းစားယူပြီး နိုင်ငံခြားရေးဝန်ကြီးဌာနသို့ သံအမတ်ကြီးရာထူးနှင့် ၂၀၁၁ ခုနှစ်တွင် ကူးပြောင်းသည်။ထိုနှစ်ထဲမှာပင် တောင်အာဖရိကဆိုင်ရာ မြန်မာသံအမတ်ကြီး အဖြစ်ခန့်အပ်ခံရသည်။[၅] ယင်းနောက် အီတလီနိုင်ငံဆိုင်ရာ မြန်မာသံအမတ်ကြီးအဖြစ် နောက်ဆုံးတာဝန်ထမ်းဆောင်ကာ ၂၀၂၀ ခုနှစ်တွင် နိုင်ငံခြားရေးဝန်ကြီးဌာန သို့ ပြောင်းရွှေ့လာပြီး[၆] သက်ပြည့်အငြိမ်းစားယူသည်။
ကန့်ကွက်ခံရမှုများ ပြင်ဆင်ရန်
တောင်အာဖရိကနိုင်ငံဆိုင်ရာ မြန်မာသံအမတ်ကြီး အဖြစ် ခန့်အပ်ခံရစဉ် ၎င်း၏ လူ့အခွင့်အရေး ချိုးဖောက်မှု နောက်ကြောင်းများ စုံစမ်းဖော်ထုတ်ပေးရန် အရပ်ဘက်လူမှုအဖွဲ့အစည်းများအပါအဝင် တောင်အာဖရိကနိုင်ငံ အတိုက်အခံပါတီ တို့က တောင်းဆိုခြင်းပြုခဲ့ကြသည်။သံအမတ်ကြီးအဖြစ် လက်မခံရန်လည်း ကန့်ကွက်မှုလည်း ကြုံခဲ့ရသည်။[၇] [၈]
အလုပ်သမားဝန်ကြီးဖြစ်လာပုံ ပြင်ဆင်ရန်
နိုင်ငံတော်စီမံအုပ်ချုပ်ရေးကောင်စီ က ၎င်းအား အလုပ်သမားဝန်ကြီးဌာန ပြည်ထောင်စုဝန်ကြီးအဖြစ် ၂၀၂၃ ဩဂုတ် ၃ရက်တွင် ခန့်အပ်သည်။[၉]
ရရှိသည့်ဘွဲ့များ ပြင်ဆင်ရန်
နိုင်ငံတော်စီမံအုပ်ချုပ်ရေးကောင်စီက ၂၀၂၂ခုနှစ် နိုဝင်ဘာ ၁၇ ရက်နေ့တွင် ဝဏ္ဏကျော်ထင်ဘွဲ့ အပ်နှင်းသည်။ [၁၀]
ကိုးကား ပြင်ဆင်ရန်
- ↑ ပြည်ထောင်စုဝန်ကြီး ဦးမြင့်နောင် လူမှုဖူလုံရေးအဖွဲ့၏ အမျိုးသားအဆင့် လူမှုဖူလုံရေး အဖွဲ့အစည်းအဝေး (၁/၂၀၂၃) တက်ရောက်။ MOI Myanmar (၂၂ ဩဂုတ် ၂၀၂၃)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ အီတလီနိုင်ငံဆိုင်ရာ မြန်မာသံအမတ်ကြီး ဦးမြင့်နောင် ရောမမြို့တွင် ကျင်းပပြုလုပ်သော အာဆီယံနေ့ အခမ်းအနားသို့တက်ရောက်ခဲ့ခြင်း (၉ ဩဂုတ် ၂၀၁၉)။
- ↑ Request for Inquiry: Service history of Myanmar Ambassador to South Africa။ Karen Human Rights Group (2011)။ 24 September 2023 တွင် ပြန်စစ်ပြီး။
- ↑ သံအမတ် ဦးမြင့်နောင် ဘယ်သူလဲ။ ဧရာဝတီသတင်း (၄ နိုဝင်ဘာ ၂၀၁၁)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ တောင်အာဖရိက ဆိုင်ရာ မြန်မာသံအမတ် စွပ်စွဲခံရ။ BBC Burmese (၁၁ နိုဝင် ၂၀၁၁)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ နိုင်ငံခြားရေးဝန်ကြီးဌာန၏ ၂၀၁၉ မေလ ၉ ရက်နေ့ကြော်ငြာစာ(အမှတ်၃၄၄/၂၀၁၉ )။ မြန်မာနိုင်ငံတော်ပြန်တမ်း (၉ မေ ၂၀၁၉)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ မြန်မာသံအမတ်ကို လက်မခံဖို့ သမ္မတဇူးမားကို တောင်းဆို။ VOA (၈ နိုဝင်ဘာ ၂၀၁၁)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ မြန်မာသံအမတ်ကြီးရဲ့နောက်ကြောင်း စုံစမ်းပေးဖို့ တောင်အာဖရိက အတိုက်အခံအဖွဲ့ တောင်းဆို။ RFA (၈ နိုဝင်ဘာ ၂၀၁၁)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ စစ်ကောင်စီအပြောင်းအလဲ - ယုံကြည်စိတ်ချရသူတွေကို ဗိုလ်ချုပ်မှူးကြီးဝန်းရံ။ BBC Burmese (၅ ဩဂုတ် ၂၀၂၃)။ ၂၄ စက်တင်ဘာ ၂၀၂၃ တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း၊အမိန့်ကြော်ငြာစာအမှတ် ၂၁၁ / ၂၀၂၂၊ စွမ်းဆောင်မှုဆိုင်ရာ ဂုဏ်ထူးဆောင်ဘွဲ့များ ဝဏ္ဏကျော်ထင်ဘွဲ့။ MWD Webportal (၁၇ နိုဝင်ဘာ ၂၀၂၂)။ ၂၄ စက်တင်ဘာ ၂၀၂၃ တွင် ပြန်စစ်ပြီး။