ယောက်ဖခွေးခေါ်ငှက်
| Indian cuckoo | |
|---|---|
.jpg)
| |
မျိုးရိုးခွဲခြားခြင်း 
| |
| လောက: | Animalia |
| မျိုးပေါင်းစု: | Chordata |
| မျိုးပေါင်း: | Aves |
| မျိုးစဉ်: | Cuculiformes |
| မျိုးရင်း: | Cuculidae |
| မျိုးစု: | Cuculus |
| မျိုးစိတ်: | C. micropterus
|
| ဒွိနာမ | |
| Cuculus micropterus | |
| |
ယောက်ဖခွေးခေါ်ငှက် (Cuculus micropterus) သည် ဥဩငှက်မျိုး ဖြစ်သည်။ ယောက်ဖခွေးခေါ် ဟု အော်သောအသံကို အစွဲပြု၍ ယောက်ဖခွေးခေါ် ဟု ခေါ်ကြခြင်းဖြစ်သည်။ ပါဏဗေဒအလိုအားဖြင့် ကျူကျူလပ်မိုင် ကရော့တီးရပ် ဟု ခေါ်၍ ကျူကျူလီဒီး မျိုးရင်းတွင် ပါဝင်လေသည်။ ယင်းငှက်အား အိန္ဒိယတိုက်ငယ်၊ အရှေ့တောင်အာရှဒေသတွင် တွေ့ရှိရလေ့ရှိသည်။
ဤငှက်သည် ကိုယ်အလျား ၁၃ လက်မရှိသည်။ ထပ်ကာထပ်ကာ အော်တတ်သော်လည်း အော်သံမှာ သာယာသည်။ ယင်း၏အော်သံကို ဇန်နဝါရီလကုန်မှ ဇွန်လအထိ ကြားကြရ သည်။ နေထိုင်မှု အလေ့အကျင့်များမှာ အခြားမျိုးတူငှက်များနှင့် အတူတူဖြစ်သည်။ ယင်းတို့၏ အော်သံကို ဆောင်းရာသီကုန်ချိန်နှင့် နွေဦးပေါက်အချိန်တွင် သစ်တော၊ တောင်ခြေနှင့် တောင်ပေါ်များတွင် မကြာခဏ ကြားကြရသည်။ တောထဲ၌သာ ကျက်စားသော ငှက်မျိုးဖြစ်သဖြင့် လွင်တီးပြင်၌ တွေ့ရခဲသည်။ ဥများမှာ အပြာနုရောင်ဖြစ်၍ အပြာနုရောင်ဥများ အုတတ် သော အခြားငှက်များ၏ အသိုက်များထဲတွင် ဥအုထားတတ်ကြသည်။ ယောက်ဖခွေးခေါ် ငှက်များကို အရှေ့တိုင်းဒေသများတွင် အနှံ့အပြား တွေ့ရှိရပြီးလျှင် မြန်မာနိုင်ငံ သစ်တောများထဲ၌လည်း တွေ့ကြရသည်။ ယင်းတို့ကို မြေနိမ့်နေရာများမှာထက် တောင်ပေါ်များတွင် ပို၍တွေ့ကြရလေသည်။ [၃]
အော်မြည်သံ
ပြင်ဆင်ရန်
ကိုးကား
ပြင်ဆင်ရန်- ↑ BirdLife International (2012). "Cuculus micropterus". IUCN Red List of Threatened Species 2012. IUCN.
- ↑ Gould, John (1837) Proceedings of the Zoological Society of London p. 137 (Himalayas)
- ↑ မြန်မာ့စွယ်စုံကျမ်း၊ အတွဲ(၁၁)