ရှောင် တာနယ်
ရှောင်တာနယ် (အင်္ဂလိပ်: Sean Turnell) သည် မြန်မာနိုင်ငံ၏ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးဆိုင်ရာ အကြံပေးအဖြစ် တာဝန်ထမ်းဆောင်ခဲ့သူဖြစ်သည်။[၁][၂] သူသည် မက်ကွာရီ တက္ကသိုလ် မှ ဂုဏ်ထူးဆောင် စီးပွားရေးပါမောက္ခတစ်ဦး၊ ဩစတြေးလျ အရံဘဏ်၏ ဝန်ထမ်းဟောင်းနှင့် မြန်မာဖွံ့ဖြိုးတိုးတက်ရေးအဖွဲ့အစည်းမှ သုတေသနဒါရိုက်တာလည်းဖြစ်သည်။[၃][၄] ဒေါ်အောင်ဆန်းစုကြည်၏ စီးပွားရေးအကြံပေးအဖြစ် ဆောင်ရွက်နေစဉ် တပ်မတော်မှအာဏာသိမ်းအပြီး နိုင်ငံတော်လျှို့ဝှက်ချက်အက်ဥပဒေ ဖောက်ဖျက်မှုဖြင့်တရားစွဲခံရပြီး ၂၀၂၁ ခုနှစ် ဖေဖော်ဝါရီလမှ ၂၀၂၂ နိုဝင်ဘာလအထိ ရက်ပေါင်း ၆၅၀ ထိန်းသိမ်းခံခဲ့ရသည်။[၅]
| မိခင်ကျောင်း | မက်ကွာရီ တက္ကသိုလ် |
|---|---|
| ပင်မစိတ်ဝင်စားမှုများ | အာရှတွင်းစီးပွားရေး ဖွံ့ဖြိုးတိုးတက်မှု |
| အဓိကပင်မ တွေးဆချက်များ | မြန်မာ့စီးပွားရေး ဖွံ့ဖြိုးတိုးတက်ရေးအတွက် ထောက်ပံ့မှု |
| အဓိက ဖန်တီးလုပ်ဆောင်ချက်များ | Fiery Dragons: Banks, Moneylenders and Microfinance in Burma (2009) |
ငယ်စဉ်ဘဝနှင့် ပညာရေး ပြင်ဆင်ရန်
ရှောင်တာနယ်သည် ဆစ်ဒနီမြို့ဆင်ခြေဖုံးရှိ မက်ကွာရီ ကွင်းပြင်တွင် ကြီးပြင်းခဲ့သည်။ မက်ကွာရီ တက္ကသိုလ်၌ ပညာသင်ကြားခဲ့ပြီး ဘောဂဗေဒဘွဲ့နှင့် ပါရဂူဘွဲ့ကိုပါရရှိခဲ့သည်။[၆]
မြန်မာနိုင်ငံ စစ်အာဏာသိမ်းမှု ပြင်ဆင်ရန်
၂၀၂၁ ဖေဖော်ဝါရီတွင် တပ်မတော်မှနိုင်ငံတော်အာဏာကိုသိမ်းယူပြီးမကြာမီ ၆ ရက်နေ့၌ ရန်ကုန်မြို့တွင် ထိန်သိမ်းခံခဲ့ရကာ ပထမဆုံးသော အာဏာသိမ်းမှုနှင့်ပက်သက်၍ အဖမ်းဆီးခံရသည့် နိုင်ငံခြားသားဖြစ်လာခဲ့သည်။[၇] နောက်ရက်များမကြာမီတွင် ဩစတြေးလျအစိုးရမှ သူ့အားချက်ချင်းပြန်လွှတ်ပေးရန် တောင်းဆိုခဲ့သည်။[၈]
ပြစ်မှု ပြင်ဆင်ရန်
မတ်လ ၂၃ ရက်နေ့တွင် တပ်မတော်၏ပြောခွင့်ရ ဗိုလ်ချုပ်ဇော်မင်းထွန်းသည် သူသည် လဝကအက်ဥပဒေနှင့် မြန်မာနိုင်ငံအစိုးရလျှို့ဝှက်ချက်များ အက်ဥပဒေတို့ကို ချိုးဖောက်မှုများရှိနေကြောင်း ပြောဆိုခဲ့သည်။[၉] ကနဦးတွင် ရှောင်တာနယ် ဘယ်တွင်ရှိသည်ကို မသိရှိရသော်လည်း ဧပြီလနှောင်းပိုင်းတွင် နိုင်ငံရေး တက်ကြွလှုပ်ရှားသူများ ချုပ်နှောင်ထားရာ ရန်ကုန်ရှိ အင်းစိန်ထောင်တွင် ထိန်းသိမ်းခံရကြောင်း သတင်းရရှိသည်။[၁၀]
လွတ်မြောက်ခြင်း ပြင်ဆင်ရန်
၂၀၂၂ နိုဝင်ဘာလ ၁၇ တွင် စစ်အစိုးရသည် အမျိုးသားနေ့ကိုအကြောင်းပြပြီး သူအပါအဝင် ဗစ်ကီ ဘိုးမန်း၊ တိုရူ ကူဘိုတာ စသည့်နိုင်ငံခြားသားများနှင့် အခြားအကျဉ်းသား ၅,၇၇၄ ဦးတို့ကို လွတ်ငြိမ်းချမ်းသာခွင့်ပေးခဲ့သည်။[၁၁] ရက်ပေါင်း ၆၅၀ တိုင်အောင် ထိန်းသိမ်းခံခဲ့ရသောသူ့အား နယ်နှင်ဒဏ်ပေးခဲ့ရာ နောက်နေ့၌ ဩစတြေးလျသို့ ပြန်ရောက်ခဲ့သည်။[၁၂][၅]
ပုဂ္ဂိုလ်ရေးဘဝ ပြင်ဆင်ရန်
သူသည် ဩစတြေးလျန်း-ဗီယက်နမ်လူမျိုး စီးပွားရေးကထိက ဟာဗူ (Ha Vu) နှင့် လက်ထပ်ခဲ့သည်။[၁၃] သူ၏တူမှာ "Chillinit" ခေါ် ဘလိပ်ခ် ဂျိမ်းစ် တာနယ်ဖြစ်ပြီး ဆစ်ဒနီမှ ရက်ပါတစ်ဦးဖြစ်သည်။[၁၄]
ကိုးကား ပြင်ဆင်ရန်
- ↑ "Major Reforms Around the Corner, Says Key Economic Adviser to Suu Kyi"၊ The Irrawaddy၊ 21 August 2018။
- ↑ "Why West is reluctant to invest in Myanmar"၊ Mizzima၊ 17 July 2018။
- ↑ "In Person | Suu Kyi Economic Adviser: National Interest Must Come First When Deciding Large Chinese Investments in Myanmar"၊ The Irrawaddy၊ 20 January 2020။
- ↑ "Myanmar: Australian adviser to Aung San Suu Kyi, Sean Turnell, 'being detained'" (in en)၊ the Guardian၊ 6 February 2021။
- ↑ ၅.၀ ၅.၁ Dziedzic၊ Stephen (2022-11-18)။ Aung San Suu Kyi's former adviser Sean Turnell lands in Australia after release from Myanmar prison။ 2022-11-18 တွင် ပြန်စစ်ပြီး။
- ↑ Harcourt၊ Tim။ Fate of detained Australian economist Sean Turnell may be tied to Aung Sung Suu Kyi (in en)။ 2021-11-05 တွင် ပြန်စစ်ပြီး။
- ↑ Myanmar detains Australian adviser to Aung San Suu Kyi; first known arrest of foreign national since coup (in en)။ 6 February 2021 တွင် မူရင်းအား မော်ကွန်းတင်ပြီး။ 2021-02-07 တွင် ပြန်စစ်ပြီး။
- ↑ "Australian government calls for immediate release of academic detained in Myanmar after coup"၊ The Australian၊ 8 February 2021။
- ↑ "Australian Economic Adviser Held in Myanmar Faces Two Charges"၊ The Irrawaddy၊ 24 March 2021။
- ↑ "Suu Kyi adviser Sean Turnell being held at Insein Prison, released activist says"၊ Myanmar Now'၊ 26 April 2021။
- ↑ Strangio, Sebastian။ "Myanmar Junta Releases High-Profile Foreign Prisoners in Mass Amnesty"၊ The Diplomat၊ 17 November 2022။
- ↑ Anthony Albanese speaks to Sean Turnell following release from Myanmar jail။ ABC News (2022-11-18)။ 2022-11-18 တွင် ပြန်စစ်ပြီး။
- ↑ Barrett၊ Chris (2021-03-01)။ Australian detained in Myanmar coup finally speaks with wife in Sydney (in en)။ 2021-11-05 တွင် ပြန်စစ်ပြီး။
- ↑ "Sydney rapper begs fans: ‘Help free my uncle in Myanmar’" (in en-AU)၊ The Daily Telegraph၊ 2021-02-10။