နိုင်ငံတော်၏ အတိုင်ပင်ခံပုဂ္ဂိုလ်

မြန်မာနိုင်ငံ၏ နိုင်ငံတော်အတိုင်ပင်ခံပုဂ္ဂိုလ် သည် မြန်မာအစိုးရအဖွဲ့ရှိ ရာထူးနေရာတစ်ခု ဖြစ်သည်။ ဤရာထူးကို ၂၀၁၆ ဧပြီ ၆ ရက်နေ့တွင် ဒေါ်အောင်ဆန်းစုကြည်အား စတင်ခန့်ထားခဲ့သည်။ ၂၀၁၅ အထွေထွေ ရွေးကောက်ပွဲတွင် ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်ပါတီက အများစုအနိုင်ရရှိခဲ့သော်လည်း သူမအား နိုင်ငံတော်သမ္မတအဖြစ် တင်မြှောက်ရန် အခြေခံဥပဒေပြဋ္ဌာန်းချက်များက အတားအဆီးဖြစ်နေခဲ့သည်။

မြန်မာနိုင်ငံ ၏ နိုင်ငံတော် အတိုင်ပင်ခံပုဂ္ဂိုလ်
တာဝန်ထမ်းဆောင်ဆဲ ပုဂ္ဂိုလ် လစ်လပ် ၁ ​ဖေ​ဖော်ဝါရီ ၂၀၂၁ မှစ၍
ပုံစံ	ကောင်းသောကျက်သရေရှိသော (နိုင်ငံအမည်) နိုင်ငံခြားရေးဝန်ကြီးမင်း (formal) နိုင်ငံတော်၏အတိုင်ပင်ခံပုဂ္ဂိုလ် (informal)
စံအိမ်	နေပြည်တော်
အဆိုပြုသူ	ပြည်ထောင်စုလွှတ်တော်
ခန့်အပ်သူ	မြန်မာနိုင်ငံ၏ သမ္မတ
စတင်ထမ်းဆောင်သူ	ဒေါ်အောင်ဆန်းစုကြည်
ဖွဲ့စည်းခြင်း	၆ ဧပြီ ၂၀၁၆
ဝက်ဘ်ဆိုဒ်	statecounsellor.gov.mm

နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာ ဥပဒေကြမ်းကို အမျိုးသားလွှတ်တော်က ၂၀၁၆ ဧပြီ ၁ ရက်နေ့တွင် လည်းကောင်း၊ ပြည်သူ့လွှတ်တော်က ၂၀၁၆ ဧပြီ ၅ ရက်နေ့တွင် လည်းကောင်း အသီးသီး အတည်ပြုခဲ့ပြီး သမ္မတဦးထင်ကျော်က ဧပြီ ၆ ရက်နေ့တွင် လက်မှတ်ရေးထိုး ထုတ်ပြန်ခဲ့သည်။

တာဝန်နှင့် လုပ်ပိုင်ခွင့်များ

နိုင်ငံတော်အတိုင်ပင်ခံပုဂ္ဂိုလ်ရာထူးသည် အစိုးရအဖွဲ့အတွင်းရှိ လုပ်ငန်းများကို ချုပ်ကိုင်ထားနိုင်သော နိုင်ငံတော်ဝန်ကြီးချုပ်ရာထူးနှင့်ဆင်တူပြီး ပြည်ထောင်စုအင်္ဂါစဉ်တွင် သမ္မတပြီးလျှင် နံပါတ် (၂) နေရာတွင်ရှိသည်။ အုပ်ချုပ်ရေးနှင့် ဥပဒေပြုရေး နှစ်ခုအကြား အချိတ်အဆက်လည်းဖြစ်သည်။ ရာထူးသက်တမ်းမှာ နိုင်ငံတော်သမ္မတ၏ ရာထူးသက်တမ်းအတိုင်းပင် ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ်ဆိုင်ရာဥပဒေ

နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာဥပဒေကို ၂၀၁၆ ခုနှစ် ဧပြီလ ၆ ရက်​နေ့တွင် နိုင်ငံ​တော်သမ္မတ ဦးထင်​ကျော်က လက်မှတ်​ရေးထိုးကာ ပြည်​ထောင်စုလွှတ်​တော်က အတည်ပြုခဲ့သည်။ ၂၀၂၁ ဖေဖော်ဝါရီ ၉ ရက်တွင် ပြည်ထောင်စုလွှတ်တော် ကိုယ်စားပြုကော်မတီသည်လည်း ထိုဥပဒေကို ထပ်လောင်းရေးဆွဲခဲ့ပြီး ဒေါ်အောင်ဆန်းစုကြည်ကို အတိုင်ပင်ခံပုဂ္ဂိုလ်အဖြစ် ဆက်လက်ထားရှိခဲ့သည်။

နိုင်ငံတော် အတိုင်ပင်ခံပုဂ္ဂိုလ်များ စာရင်း

စဉ်	ပုံ	အမည် (မွေးဖွား-ကွယ်လွန်)	ရာထူးသက်တမ်း			နိုင်ငံရေးပါတီ	အစိုးရအဖွဲ့		ပြည်ထောင်စုလွှတ်တော်
			တာဝန်စတင်	တာဝန်ပြီးဆုံး	ရက်ပေါင်း
1		ဒေါ်အောင်ဆန်းစုကြည် (၁၉၄၅–)	၆ ဧပြီ ၂၀၁၆	၁ ​ဖေ​ဖော်ဝါရီ ၂၀၂၁	၁၇၆၂	အမျိုးသားဒီမိုကရေစီအဖွဲ့ချုပ်	II	NLD—Mil.	ဒုတိယအကြိမ် (၂၀၁၅)
			နိုင်ငံခြားရေး ဝန်ကြီး နှင့် သမ္မတရုံး ဝန်ကြီး အဖြစ် ပူးတွဲ တာဝန်ထမ်းဆောင်

အခြားကြည့်ရန်

• မြန်မာနိုင်ငံ၏ နိုင်ငံရေး
• မြန်မာနိုင်ငံ၏ သမ္မတ
• မြန်မာနိုင်ငံ၏ ဒုတိယ သမ္မတ
• မြန်မာနိုင်ငံ၏ ဝန်ကြီးချုပ်

ပြင်ပလင့်ခ်များ

• နိုင်ငံတော် သမ္မတရုံးမှ နိုင်ငံတော်၏ အတိုင်ပင်ခံ ပုဂ္ဂိုလ်ဆိုင်ရာ ဥပဒေပြဋ္ဌာန်းချက်