သားဖွားနှင့် မီးယပ်ဆေးပညာ
သားဖွားနှင့် မီးယပ်ဆေးပညာဆိုသည်မှာ ကိုယ်ဝန်ဆောင်နေစဉ်နှင့် ကိုယ်ဝန်ဆောင်မနေစဉ် မိန်းမ မျိုးပွားအင်္ဂါ စနစ်နှင့် သက်ဆိုင်သော ရောဂါများကို ကုသသော ဆေးပညာနှင့် ခွဲစိတ်ကုသမှုပညာများ ဖြစ်သည်။ ဤပညာနှစ်မျိုးကို ပေါင်းစပ်၍ ဆေးပညာဘာသာရပ် တစ်ခုအဖြစ် ဆေးတက္ကသိုလ်များတွင် သင်ကြားပို့ချပေးသည်။ သားဖွားနှင့် မီးယပ်ဆေးပညာသည် မိန်းမ မျိုးပွားအင်္ဂါစနစ်တွင် ဖြစ်ပွားသော ရောဂါများနှင့်သက်ဆိုင်သော ရောဂါဗေဒများအားလုံးကို ကျွမ်းကျင်စွာ ကိုင်တွယ်ကုသနည်းနှင့် ကိုယ်ဝန်သည်များကို စောင့်ရှောက်နည်းများကို သင်ကြားလေ့ကျင့်ပေးသည်။