ဟထိုး

"ှ" ဟထိုး ဆိုသည်မှာ မြန်မာစာတွင် အခြား ဗျည်းတစ်ခု၌ ဟ-ဗျည်းသံ ပေါင်းထည့်ခြင်း ဖြစ်သည်။ ထို့ကြောင့် ဟအတွက် ဟထိုးထည့်ရန် မထူးပေ။ အခြားဗျည်းတစ်ခုကို ဟထိုးထည့်လိုက်လျှင် ၎င်းမှာ ဗျည်းတွဲတစ်ခု ဖြစ်သွားသည်။
ဝဂ်ဗျည်းတို့အနက် ဟထိုးထည့်၍ အသံထွက် ပြောင်းလဲနိုင်သော ဗျည်းတို့မှာ င၊ ည၊ ဏ၊ န၊ မ တို့ ဖြစ်သည်။ အဝဂ်ဗျည်းတို့နှင့် ပတ်သက်လျှင်မူ အငြင်းပွားဖွယ် အချို့ ရှိသည်။ ရ၊ လ၊ ဝ တို့မှာမူ ဟထိုးထည့်၍ အသံထွက် ပြောင်းလဲသည်ဟု များသောအားဖြင့် သဘောတူကြသည်။